Örlánavefur kominn í loftið á Íslandi

Ed

Örlán, sem um ræðir, eru frá 50.000 til 3.000.000. Lánstími getur verið að lágmarki 1 mánuður og að hámarki 36 mánuðir.

Uppspretta er nýtt fyrirtæki sem veitir fólki og fyrirtækjum örlán og leiðir saman fólk með hugmyndir sem þarfnast fjármagn fyrir verkefni sín og þeirra sem tilbúnir eru til að lána fjármagn til slíkra verkefna. Mikil áhersla er lögð á gagnsæi upplýsinga og með hverri umsókn fylgir lánshæfi lántakanda, jafnframt er hægt að spyrja lántakanda spurninga áður en tekin er ákvörðun um hvort veita eigi lán. Öll starfsemin fer fram á vefnum uppspretta.is, að því er fram kemur í tilkynningu Uppsprettu.

„Örlán, sem hér um ræðir, eru frá 50.000 til 3.000.000. Lánstími getur verið að lágmarki 1 mánuður og að hámarki 36 mánuðir.

Örlán geta oft skipt sköpum fyrir lántakanda. Það skiptir ekki máli hvort lánsframlagið er 5000 kr. eða 50.000 kr. Öll lánsframlög skipta máli fyrir lántakandann.

Þetta er leið fyrir almenning og fyrirtæki til að styðja við uppbyggingu, framþróun og atvinnusköpun á Íslandi með því að veita lán til annars fólks.

Hlutverk Uppsprettu er að tengja saman lánveitendur og lántakendur og miðla lánum og endurgreiðslum láns á milli þeirra. Uppspretta veitir ekki lán heldur sér um ferlið á milli lántakanda og lánveitenda og þjónustu sem tilheyrir.

Þetta virkar þannig að lántakandi gefur upplýsingar um tilefni láns, lánsupphæð, lánstíma og hámarksvexti sem hann er tilbúinn til að greiða. Lánveitendur bjóða síðan í lánið en það geta margir verið á bak við hvert lán. Vextirnir eru því ákveðnir af fólkinu sjálfu. Lánveitendur velja lánsumsóknir sem þeim lýst vel á út frá upplýsingunum sem eru í lánsumsókn ásamt upplýsingum um lánshæfi lántakanda. Upplýsingar um lánshæfi kemur frá Creditinfo.

Lántakandi getur sent tölvupóst til vina og vandamanna með upplýsingum um lánsumsókn og/eða sett tengil inn á Facebook sem vísar í lánsumsóknina og ná þannig til hóps mögulegra lánveitenda.

Örlánavefir hafa verið settir upp víðsvegar erlendis. Árið 2006 fengu Muhammad Yunus og Grameen Bank nóbels verðlaun fyrir örlánavef á Indlandi sem var ætlaður til að auðvelda fátæku fólki að fá lán. Á síðustu árum hafa enn fleiri örlánavefir verið settir á laggirnar með vestrænu sniði.

Uppspretta er ekki á vegum neinna erlendra eða innlendra fjármálastofnana heldur lítið sprotafyrirtæki sem hefur fengið hjálp margra til að verða að veruleika,“ segir enn fremur í tilkynningu Uppsprettu.