Föstudagurinn 18. desember 2009

Segir skuldbindingu vegna Icesave geta lækkað um tugi milljarða

Skuldbinding ríkisins vegna Icesave gæti lækkað um tugi milljarða segir viðskipta­ráðherra, í frétt í Ríkisútvarpinu, náist samningar við Seðlabankann í Lúxemborg um kaup á veðum sem Landsbankinn lagði þar inn í fyrra.

Ólíklegt talið að samningur náist í Kaupmannahöfn

Síðustu fréttir frá Kaupmannahöfn herma að Barack Obama Bandaríkja­forseti og Wen Jiabao, forsætis­ráðherra Kína, ætli að halda enn einn fund í Bella Center ráðstefnu­miðstöðinni. Danska sjónvarpsstöðin TV2 segir að á fundinum verði það formlega tilkynnt að ekki hafi náðst neinn samningur. Rússlands­forseti er á heimleið.

Björn Gíslason stefnir á 5. sætið

Björn Gíslason, varaborgarfulltrúi og slökkviliðsmaður, sækist eftir 5. sæti í prófkjöri Sjálfstæðis­flokksins vegna komandi borgar­stjórnar­kosninga. Prófkjörið fer fram 23. janúar næstkomandi.

Síminn: Sektin kemur á óvart - málinu verður áfrýjað

Ákvörðun Samkeppnis­eftirlitsins að sekta Símann um 150 milljónir króna kemur forráðamönnum fyrirtækisins á óvart, að því er segir í yfirlýsingu. Síminn ætlar að áfrýja málinu til áfrýjunar­nefndar.

Íslandsbanki lækkar vexti

Íslandsbanki lækkar vexti frá og með 21. desember næstkomandi á inn- og útlánum í kjölfarið á lækkun stýrivaxta Seðlabankans nýverið. Þetta hefur í för með sér að algengustu yfirdráttarvextir lækka um 0,5% en vextir á óverðtryggðum innlánum lækka á sama tíma um 0,25%

„Jólin nálgast, heimilin blæða og fólkið mótmælir“

Hagsmuna­samtök heimilanna og Nýtt Ísland vilja enn á ný boða til kröfufundar á Austurvelli næstkomandi laugardag kl. 15 til að mótmæla tregðu stjórnvalda og aðgerðarleysi varðandi lánakjör heimilanna.

Marta Guðjóns­dóttir formaður Varðar stefnir á 3. sætið

Marta Guðjóns­dóttir, formaður Varðar fulltrúaráðs sjálfstæðis­félaganna í Reykjavík og varaborgarfulltrúi, hefur ákveðið að gefa kost á sér í þriðja sætið í prófkjöri Sjálfstæðis­flokksins í Reykjavík fyrir komandi borgar­stjórnar­kosningar.

Saga Capital með viðskiptqavakt á hluta­bréfum Eik banka

Eik banki P/F hefur samið við Saga Capital Fjárfestingarbanka um að bankinn annist viðskiptavakt með hluta­bréf Eik banka fyrir eigin reikning Saga Capital.

Héraðsdómur fellst að hluta á kröfu Gaums vegna söluhagnaðar af Bónus

Héraðsdómur hefur fallist á kröfu Gaums, eignar­halds­félags um að úrskurður yfirskatta­nefndar verði felldur úr gildi að hluta vegna sölu á eignar­hluta Gaums í Bónus árið 1998. Hérðasdómur féllst ekki á að ekki ætti að bókfæra 1,2 milljarða vegna viðskipta með hluti í Arcadia.

Slökkt og lokað hjá Saab

Bandaríski bílarisinn General Motors hefur ákveðið að loka sænsku Saab-bílaverksmiðjunum eftir að sölu­viðræður við hollenska fyrirtækið Spyker runnu út í sandinn. Síðasti Saabinn verður væntanlega framleiddur í mars.

Samkeppnis­eftirlitið leggur 150 milljóna króna sekt á Símann

Samkeppnis­eftirlitið hefur í ákvörðun sinni í dag komist að þeirri niðurstöðu að Síminn hafi gerst brotlegur við skilyrði sem eftirlitið setti honum í fyrri ákvörðun og þannig raskað með alvarlegum hætti samkeppni frá minni keppinautum. Leggur Samkeppnis­eftirlitið 150 milljóna króna sekt á Símann.

Við samruna Mjólku og KS hverfur aðhald og við tekur einokun

Vandséð er hvaða hvata afurðastöð í mjólkuriðnaði ætti að hafa til þess að bjóða bændum hærra verð en lágmarksverð, eða neytendum samkeppnishæft vöruverð, þegar enginn er keppinauturinn lengur. Staðreyndin er sú að Mjólka veitti samkeppnislegt aðhald sem leiddi af sér lægra verð og aukið val fyrir neytendur. Við samruna Mjólku og KS hverfur það aðhald og við tekur einokun, segir for­stjóri Samkeppnis­eftirlitsins.

Tap evrópskra banka mun meira en ætlað var

Evrópski seðlabankinn reiknar með að tap banka á evru­svæðinu verði mun meira en áður var ætlað. Nú gerir bankinn ráð fyrir að tap bankanna muni samtals nema 553 milljörðum evra.

45 kaupsamningum þinglýst á höfuðborgar­svæðinu

Fjöldi þinglýstra kaupsamninga á höfuðborgar­svæðinu 11. desember til og með 17. desember 2009 var 45. Þar af var 31 samningur um eignir í fjölbýli, 9 samningar um sérbýli og 5 samningar um annars konar eignir en íbúðar­húsnæði. Heildarveltan var 4.603 milljónir króna og meðalupphæð á samning 102,3 milljónir króna.

Bandaríkin og Kína á hljóðskrafi í Kaupmannahöfn

Hátt settur bandarískur embættismaður segir að beinar viðræður Barack Obama Bandaríkjaforseta og Wen Jiabao, forsætis­ráðherra Kína, á loftslagsráð­stefnunni í Kína hafi aukið vonir manna um að samkomulag náist um viðameiri loftslagssáttmála en áður var reiknað með.

Sjö sækja um skóla­meistaraembætti

Umsóknarfrestur um stöðu skóla­meistara við Framhaldsskólann við utanverðan Eyjafjörð rann út þriðjudaginn 15. desember sl. Mennta- og menningarmála­ráðuneyti bárust sjö umsóknir um stöðuna, frá fjórum konum og þremur körlum.

Iðnaðar­nefnd vill upplýsingar um eignar­hald á Verne Holding

Iðnaðar­nefnd Alþingis fjallaði í morgun um frumvarp iðnaðar­ráðherra um byggingu gagnavers í Reykjanesbæ á vegum Vern Holding. Í frumvarpinu er meðal annars gert ráð fyrir ákveðnum ívilnunum vegna skatta og opinberra gjalda.

Nokkur árangur í peninga­stjórnun með harkalegum meðulum

Nokkuð hefur áunnist á fyrsta starfsári peningastefnu­nefndar í að ná markmiði peninga­stjórnunarinnar á árinu, segir Greining Íslandsbanka. Bæði hefur náðst að stuðla að stöðugu gengi krónunnar og draga úr verðbólgunni. Meðalið hefur hins vegar verið kostnaðarsamt og harkalegt - gjaldeyris­höft, háir vextir og inngrip á gjaldeyris­markaði.

Banaslys á Hafnarfjarðarvegi

Banaslys varð á Hafnarfjarðarvegi á móts við Arnarnesbrú um kl. 10:00 í morgun. Lentu þar saman tvö ökutæki. Ökumaður annarrar bifreiðarinnar og ökumaður og farþegi úr hinni bifreiðinni voru fluttir mikið slasaðir af vettvangi.

Ár framkvæmda og uppbyggingar í Vestmannaeyjum

Nú þegar harðnar á dalnum og kreppir að í atvinnulífinu er rétti tíminn fyrir opinbera aðila að framkvæmda. Það er því ljóst að árið 2010 verður ár framkvæmda og uppbyggingar í Vestmannaeyjum, segir Elliði Vignisson, bæjar­stjóri í Vestmannaeyjum, en fjárhags­áætlun fyrir næsta ár var samþykkt í gær.

Alvarlegt umferðarslys á Hafnarfjarðarvegi

Mjög alvarlegt umferðarslys varð á Hafnarfjarðarvegi um tíuleytið í morgun þegar tvær bifreiðar skullu saman við Arnarnesbrúna en mikil hálka er á veginum.

Breytingar á ættleiðingar­reglugerð taka gildi

Breytingar á reglugerð um ættleiðingar taka gildi í dag, 18. desember 2009. Miða þær að því að rýmka reglur um ættleiðingar vegna lengri biðtíma eftir börnum. Þannig verði komið til móts við óskir einstaklinga sem vilja ættleiða börn erlendis frá.

SI: Viðskiptavinum banka gert að skrifa upp á óútfylltan tékka

Skilmálar bankans eru algerlega einhliða og bankinn tekur sér öll völd í hendur. Hvernig er hægt að ætlast til þess að fyrirtæki skrifi upp á óútfylltan tékka af þessu tagi? Svo spyr framkvæmdastóri SI og bendir á skilmála þar sem banki áskilur sér einhliða rétt til endurskoðunar á vaxta­kjörum láns til hækkunar og til breytingar á myntsamsetningu, m.a. rétt til breytingar í íslenskar krónur.

Hægt að athuga hvort kennitala er skráð á undirskriftalistann

Sú breyting hefur verið gerð á vefsíðunni http://indefence.is, sem safnar undirskriftum til áskorunar á forseta Íslands, að nú geta allir athugað sjálfir hvort kennitala þeirra er skráð á undirskriftalistann.

Lok loftlagsráð­stefnu - Obama kominn, þá geta hlutirnir farið að gerast

Í morgunsárið er Barack Obama Bandaríkja­forseti kominn til Kaupmannahafnar á loftslagsráð­stefnu Sameinuðu þjóðanna og þá geta hlutirnir farið að gerast, segir Pétur Reimarsson á síðu Samtaka atvinnulífsins.

Útlendingar veiddu 52 þúsund tonn við Ísland

Afli erlendra ríkja við Ísland var tæp 52 þúsund tonn árið 2008 sem er töluverður samdráttur á milli ára en árið 2007 var aflinn rúm 90 þúsund tonn. Norðmenn og Færeyingar stunduðu aðallega veiðar hér við land á síðasta ári og uppistaðan í aflanum var loðna.

Benti rannsakendum á að kynna sér fundargerðir

Jónas Fr. Jónsson, fyrrverandi for­stjóri Fjármála­eftirlitsins, segir í yfirlýsingu að hann hafi bent rannsakendum á að kynna sér fundargerðir samráðshóps Seðlabankas um fjármálastöðugleika. Í Fréttablaðinu í dag er því haldið fram að fundargerðirnar hafi uppgötvast eftir að Jónas lét af starfi.

Reikna með 25 milljóna afgangi hjá Kópavogi

Í tillögu að fjárhags­áætlun Kópavogsbæjar fyrir árið 2010, sem lögð er fram til fyrri umræðu í bæjar­stjórn Kópavogs í gær, er gert ráð fyrir 25 milljóna króna rekstrar­afgangi. Heildartekjur Kópavogsbæjar árið 2010 eru áætlaðar rúmir 18 milljarðar króna.

Eigið fé Hafnarfjarðar neikvætt um 760 milljónir króna

Eigið fé Hafnarfjarðarbæjar er neikvætt um 760 milljónir króna. Fjárhags­áætlun gerir ráð fyrir því að það verði neikvætt upp á 360 milljónir króna árið 2010. Samanlagðar eignir A- og B-hluta bæjar­sjóðs eru 37,5 milljarðar króna, en skuldir nema í ár 38,2 milljörðum. Á næsta ári er gert ráð fyrir því að eignir nemi 36,6 milljörðum en skuldir 37 milljörðum króna.