Föstudagurinn 27. nóvember 2009

Umframeftirspurn í hlutafjárútboði Marel

Stjórn Marel Food Systems hf. ákvað að taka tilboðum að upphæð 7 milljarðar króna, sem jafngildir 38 milljónum evra, eftir hlutafjárútboð á meðal fagfjárfesta sem lauk í gær. Umframeftirspurn var. Tekið var öllum tilboðum sem komu frá íslenskum lífeyris­sjóðum og erlendum og innlendum fagfjárfestum.

Framsóknar­menn velja á lista í Reykjavík í dag

Kjörfundur framsóknar­manna í Reykjavík vegna borgar­stjórnar­kosninganna 29. maí 2010 er haldinn í dag, laugardaginn 28. nóvember, á Hótel Loftleiðum. Kjörfundurinn hófst kl. 10 og stendur fram eftir degi. Alls eru tuttugu frambjóðendur í kjöri.

Þrenn utanþingsviðskipti með skulda­bréf í Marel fyrir 3,8 milljarða

Heildarvelta á skuldabréfa­markaði í dag nam 10,2 milljörðum króna. Þar af voru þrenn utanþingsviðskipti með skulda­bréf í Marel fyrir samtals 3,8 milljarða króna.

Pontiac heyrir sögunni til

Síðasti Pontiac bíllinn frá General Motors rann af færibandinu í verksmiðjunni í Orion Township í Michigan í fyrradag. Þar með er lokið 83 ára sögu þessa merka bíls í eigu GM en saga hans nær lengra aftur. Blómaskeið Pontiac var á sjötta og sjöunda áratug síðutu aldar þegar framleidd voru minnisverð tryllitæki, svokallaðir „vöðvabílar“, Firebird og GTO.

„Hækka þarf sjómannaafsláttinn umtalsvert“

„Hækka þarf sjómannaafsláttinn umtalsvert eða breyta honum þannig að hann verði sambærilegur við skattfrjálsar dagpeninga­greiðslur til ríkisstarfsmanna og annarra launþega,“ segir Friðrik J. Arngrímsson, framkvæmda­stjóri LÍÚ, um þær hugmyndir stjórnvalda að fella afsláttinn niður á fjórum árum.

Liðlega 11 milljarða tap á Orkuveitu Reykjavíkur

Orkuveita Reykjavíkur tapaði alls 11,3 milljörðum króna eftir skatta á fyrstu níu mánuðum ársins. Rekstrarhagnaður fyrir fjármagn og afskriftir nam hins vegar 8,6 milljörðum.

Yfir sjö þúsund hafa skrifað undir áskorun til forseta

Nú hafa rúmlega 7000 Íslendingar ritað nafn sitt undir áskorun til forseta Íslands um að synja nýjum Icesave lögum staðfestingar, svo að sú efnahagslega byrði, sem ríkisábyrgðin leggur á íslenskan almenning og framtíðarkynslóðir þessa lands, verði borin undir íslensku þjóðina í þjóðar­atkvæða­greiðslu.

Átta fyrirtæki hafa verið sektuð um 460 milljónir alls

Frá bankahruninu hefur Samkeppnis­eftirlitið sektað átta fyrirtæki fyrir brot á samkeppnislögum. Samanlagt nema sektirnar 460 milljónum króna. Þetta kemur fram í grein Páls Gunnars Pálssonar for­stjóra Samkeppnis­eftirlitsins.

Stór sendi­nefnd frá Íslandi á aðalfundi „Nei til EU“ í Noregi

Sendi­nefnd níu Íslendinga fór til Noregs í morgun til að taka þátt í aðalfundi NEI TIL EU, en það eru systur­samtök Heimssýnar á Íslandi sem berjast gegn aðild að ESB. Í sendi­nefndinni eru m.a. þrír þingmenn frá jafn mörgum flokkum.

Spölur tapar 129 milljónum

Tap Spalar ehf. eftir skatta nam alls 129 milljónum króna á síðasta rekstrarári sem lauk 30. september síðastliðinn. Spölur á og rekur Hvalfjarðargöngin.

Guðmundur Franklín: Tær viðskiptasnilld

Þetta er svar við því sem snýr að mér í grein Jóhannesar Jónssonar sem kenndur er við Bónus, í Fréttablaðinu í morgun 27 nóvember 2009, segir Guðmundur Frankín Jónsson í tilkynningu. Guðmundur er fjárfestir í Þjóðarhag - hópi sem hafði hug á að gera tilboð í Haga en fékk ekki.

Fimm milljarða vikuvelta á fasteigna­markaði

Fjöldi þinglýstra kaupsamninga á höfuðborgar­svæðinu 20. nóvember til og með 26. nóvember 2009 var 47. Þar af voru 32 samningar um eignir í fjölbýli, 11 samningar um sérbýli og 4 samningar um annars konar eignir en íbúðar­húsnæði. Heildarveltan var 5.048 milljónir króna og meðalupphæð á samning 107,4 milljónir króna. Þetta er mun meiri velta en vikuna á undan.

9,3 milljónum úthlutað úr Samfélags­sjóði Alcan

Úthlutað hefur verið úr Samfélags­sjóði Alcan vegna þeirra styrkumsókna sem bárust sjóðnum frá maí síðastliðnum til og með október. Styrkveitingar að þessu sinni eru 29 að fjárhæð samtals kr. 9,3 milljónir króna. Alls bárust 70 umsóknir.

Hrein erlend staða þjóðar­búsins batnar

Ef litið er fram hjá áhrifum af efnahagsreikningi gömlu bankanna hefur mikil breyting orðið til batnaðar í erlendri stöðu þjóðar­búsins. Samkvæmt nýlega birtum tölum Seðlabankans var hrein erlend staða þjóðar­búsins við útlönd í septemberlok neikvæð um 5.739 milljarða króna og batnaði um 90 milljarða króna milli ársfjórðunga.

Áætlanir um bólusetningu vegna inflúensunnar raskast

Fyrirsjáanlegt er að gildandi áætlun um bólusetningu almennings gegn inflúensunni A(H1N1) raskast verulega vegna þess að minna berst til landsins af bóluefni en gert var ráð fyrir og afhending dregst. Mjög hefur dregið úr inflúensufaraldrinum hérlendis.

Þannig nauðlenti „Sully“ á Hudson-ánni – tölvugert myndband

Í nýju tölvugerðu myndbandi er hægt að upplifa nauðlendingu Airbus 320 þotu US Airlines á Hudson-ánni við New York 15. janúar síðastliðinn þar sem reyndi á áratugalanga reynslu og hæfni Chesley „Sully“ Sullenberger flug­stjóra. Honum tókst að bjarga öllum sem um borð voru, 155 manns. Frá flugtaki til nauðlendingar liðu 6 mínútur. Með því má fylgjast hér - og raunverulegum upptökum úr flug­stjórnar­klefa og flugumferðar­stjórnar.

Árangurslaus fundur strandríkja um makríl í Edinborg

Fundi strandríkja um stjórn makrílveiða á árinu 2010 var slitið í Edinborg í morgun án þess að niðurstaða næðist. Andrúmsloftið á fundinum var erfitt og markaðist af deilum Norðmanna og Evrópu­sambandsins um veiðirétt þeirra fyrr­nefndu innan lögsögu ESB.

Óttast að Dúbaí verði fyrsti dómínókubburinn sem fellur í nýrri kreppuhrinu

Skuldir Dúbaí eru taldar nema um 60 milljörðum dollara. Það eru gríðarlegar skuldir smáríkis en kannski ekki risavaxnar í alþjóðlegu samhengi. Harkaleg viðbrögð hlutabréfa­markaða við ástandinu í Dúbaí valda engu að síður áhyggjum enda líta sumir svo á að fall Dúbaí gæti haft dómínóáhrif, fall þess væri þá fyrsti kubburinn í annarri umferð alþjóða­kreppunnar.

Risafjárfestingar Volkswagen og Ford í Brasilíu

Þýsku bílaverksmiðjurnar Volkswagen munu fjárfesta verulega í Brasilíu næstu árin, þ.e. á árabilinu 2010 til 2014. Hið sama gildir um bandaríska bílarisann Ford. Búist er við metsölu bíla í Brasilíu, stærsta makaði Suður-Ameríku, í ár.

Vísitala framleiðsluverðs hækkar um 0,3%

Vísitala framleiðsluverðs í október 2009 var 187,0 stig (4. fjórðungur 2005 = 100) og hækkaði um 0,3% frá september 2009 samkvæmt útreikningum Hagstofunnar.

106 fyrirtæki gjaldþrota í október

Í október 2009 voru 106 fyrirtæki tekin til gjaldþrotaskipta samanborið við 78 fyrirtæki í október 2008, sem jafngildir tæplega 36% fjölgun milli ára. Alls hafa 747 fyrirtækið orðið gjaldþrota á árinu.

Á sjötta þúsund hafa undirritað áskorun til forseta vegna Icesave

Á innan við tveimur sólarhringjum hafa á sjötta þúsund manns undirritað áskorun til forseta Íslands um að undirrita ekki ný lög um Icesave-skuldir, ef frumvarp ríkis­stjórnar­innar sem nú er til umræðu á þingi verður samþykkt.

Samráð um að svara ekki bréfum Jóhönnu Sigurðardóttur

Rit­stjórar Morgunblaðsins telja það augljóst að forsætis­ráðherrar Bretlands og Hollands hafi haft samráð um að svara ekki bréfum Jóhönnu Sigurðardóttur til þeirra í þrjá mánuði þar sem meðal annars var óskað eftir fundi um Icesave-deiluna.

Er Mogginn neikvæður út í Haga vegna þess að þeir auglýsa ekki?

Jóhannes Jónsson gagnrýndir Morgunblaðið harðlega fyrir umfjöllun um málefni Haga og 1998. Í grein í Fréttablaðinu varpar hann fram þeirri spurningu hvort ástæða þess að Hagar auglýsa ekki í Morgunblaðinu.

Skattamálin fást ekki rædd fyrr en búið er að afgreiða Icesave

Næturfundur var á þingi og lauk fundi ekki fyrr en á öðrum tímanum í nótt. Felld var dagskrártillaga stjórnar­andstöðunnar um að í dag yrðu tekin fyrir skattafrumvörp ríkis­stjórnar­innar auk frumvarp til fjáraukalaga, áður en haldið væri áfram með umræður um Icesave.

Sjómannaafslátturinn afnuminn í áföngum

Fjármála­ráðherra leggur til í nýju frumvarpi um tekjuöflun ríkisins að sjómannaafslátturinn verði látinn fjara út á fjórum árum frá og með tekjuárinu 2011. Hann lækki því um 25% af því sem hann er nú á hverju áranna 2011–2013.