Þriðjudagurinn 20. október 2009

Misheppnuð hluta­bréfakaup skilja eftir sig 11 milljarða skuld

Þrjú félög athafnamannsins Sigurðar Bollasonar skilja eftir sig ellefu milljarða króna skuld eftir misheppnuð hluta­bréfakaup í Landsbankanum, Glitni og Existu á árinu 2008. Allar eignirnar eru verðlausar og þurfa lánadrottnar Sigurðar því að öllum líkindum að afskrifa milljarðana ellefu.

Mansalsmálið orðið að rannsókn á stórfelldri skipulagðri glæpastarfsemi

Mansalsmálið í Reykjanesbæ hefur undið upp á sig og snýst nú um rannsókn á stórfelldri skipulagðri glæpastarfsemi með aðkomu Litháa og Íslendinga. Lög­reglan hefur gert húsleit á nokkrum stöðum í dag og fjórir til viðbótar hafa verið handteknir - allt Íslendingar.

Seðlabankinn tvívegis inn á gjaldeyris­markaðinn í dag

Óverulegar breytingar urðu á gengisvísitölu krónunnar í dag, en Seðlabankinn fór tvívegis inn á gjaldeyris­markaðinn í dag, en hann hefur ekki farið inn á markaðinn í um það bil mánuð.

Viðskipta­ráðuneytið segir erlendar skuldir Íslands viðráðanlegar

Fjölmörg lönd Vestur-Evrópu eru með þyngri verga skuldastöðu í hlutfalli við landsframleiðslu en Ísland, segir efnahags- og viðskipta­ráðuneytið. Fullyrðingar um að erlendar skuldir þjóðar­búsins séu óviðráðanlegar eiga ekki við rök að styðjast, segir ráðuneytið enn fremur.

Alþingi skori á umhverfis­ráðherra að afturkalla ákvörðun

Þingmenn Sjálfstæðis­flokks og Framsóknar­flokks hafa lagt fram þingsályktunartillögu þar sem Alþingi skorar á umhverfis­ráðherra að afturkalla ákvörðun um Suðvesturlínu. Ragnheiður Elín Árna­dóttir er fyrsti flutningsmaður.

Siða­reglur kjörinna fulltrúa staðfestar í borgar­stjórn

Borgar­stjórn Reykjavíkur staðfesti siða­reglur fyrir kjörna fulltrúa hjá Reykjavíkurborg rétt í þessu á fundi sínum. Borgarfulltrúar allra flokka að frátöldum Ólafi F. Magnússyni greiddu siða­reglunum atkvæði sitt og skrifuðu undir þær á fundinum.

Skorar á ríkis­stjórnina að endurskoða ákvörðun um Bakka

Kjördæmisráð Sjálfstæðis­flokksins í Norðaustur­kjördæmi skorar á ríkis­stjórnina að endurskoða ákvörðun um Bakka. Jafnframt skorar ráðið á ríkis­stjórnina að hverfa frá villu síns vegar og hætta við skattahækkunaráform sín.

Hlutverk lífeyris­sjóða í endurreisninni

Fimmtudaginn 22. október næstkomandi stendur Viðskiptaráð Íslands fyrir morgunverðarfundi á Hilton Reykjavík Nordica um hlutverk lífeyris­sjóðanna í því starfi sem framundan er við endurreisn hagkerfisins.

Icesave ekki tekið fyrir

Meirihluti þingmanna felldi tillögu um að taka nýtt frumvarp ríkis­stjórnar­innar um Icesave-samningana á dagskrá í dag. Leita þurfti afbrigða, þar sem of skammur tími var liðinn frá því að frumvarpið var lagt fram.

Sírenan á fyrir þá sem nenna ekki heim í strætó

Bíl­stjórar víkja fyrir sjúkrabíl með bláum ljósum og sírenu, hvort heldur er hér á landi eða erlendis. Það er hins vegar ekki alveg víst að sjúkrabílarnir í Kaupmannahöfn séu í raunverulegum neyðarakstri, með sársjúka menn um borð eða á leið í slysaútkall. Latir læknar þar í borg eiga það nefnilega til að fá sjúkrabíl­stjórana til að skutla sér bæjarleið, jafnvel heim eftir vinnu, með forgangshraði.

Mannvit: Þróunarverkefni á sviði jarðhitanýtingar í Bandaríkjunum

Verkfræðistofan Mannvit og alþjóðlega verkfræði­fyrirtækið Technip hafa undirritað samstarfssamning um þróunarverkefni á sviði jarðhitanýtingar í Bandaríkjunum. Hvergi hefur verið virkjað eins mikið af jarðhita í heiminum eins og í Bandaríkjunum. Samningurinn opnar leiðir fyrir íslensku verkfræðiskrifstofuna inn á bandaríska markaðinn.

Halda höftin aftur af krónunni?

Ekki verður hjá því komist að velta vöngum yfir því hvort þróun íslensku krónununnar hefði orðið í ætt við það sem orðið hefur með ungverslu forintuna, hefði gjaldeyris­höftum verið aflétt fljótlega eftir að áætlun stjórnvalda og AGS var ýtt af stokkunum. Ungverski gjaldmiðillinn hefur staðið af sér storminn.

Lækkar Seðlabankinn stýrivexti 5. nóvember?

Næsti vaxta­ákvörðunardagur Seðlabankans er 5. nóvember næstkomandi. Greining Íslandsbanka telur að peningastefnu­nefnd bankans muni ákveða að lækka vexti bankans þá ef endurskoðun Alþjóða­gjaldeyris­sjóðsins verður í höfn.

Apple eykur hagnað og hluta­bréf rjúka upp

Hagnaður Apple á síðasta ársfjórðungi jókst um 47% miðað við sama tíma á liðnu ári. Í heild hagnaðist tölvurisinn um 1,67 milljarða dollara í fjórðunginum sem lauk 26. september. Sala jókst um 25%.

Geysis-þjófar handteknir

Lög­reglan á Selfossi handtók um hádegi í gær þrjá Litháa í Grímsnesi. Ástæðan var grunur um aðild að þjófnaði úr ferðamanna­versluninni á Geysi fyrir rúmri viku þegar stolið var vörum fyrir um 400 þúsund krónur.

Meirihluti ber mikið traust til Evu Joly og sérstaks saksóknara

Nær 67% landsmanna segjast bera mikið traust til Evu Joly, ráðgjafa sérstaks saksóknara vegna rannsóknar á refsiverðri háttsemi í tengslum við bankahrunið. Þetta eru 7,7 sinnum fleiri en segjast bera lítið traust til frú Joly (8,7%).

AFL Starfsgreina­félag hefur aldrei gert samning um eignastýringu

AFL Starfsgreina­félag hefur aldrei gert samning um eignastýringu við Landsvaka, segir í tilkynningu. Félagið var hins vegar með samning um eignastýringu við Landsbanka Íslands hf. Sjóð­stjórar Landsvaka önnuðust því ekki á neinum tímapunkti upplýsinga­gjöf til Afls eða fóru með fjármuni félagsins.

Heimsýn Vestmannaeyjum stofnað

Í kjölfar fundar um Evrópumál í Vestmannaeyjum þann 18. október 2009 þar sem Björn Bjarnason var frummælandi var haldinn stofnfundur Heimssýnar Vestmannaeyjum. Heimssýn er hreyfing sjálfstæðis­sinna í Evrópu­málum.

Landic Property selur fasteignasafn í Danmörku fyrir tæpa 50 milljarða

Fasteigna­félagið Landic Property hf. hefur skrifað undir samning um sölu á Atlas I fasteignasafninu (Landic Property Denmark A/S) til danska fasteigna­félagsins Jeudan A/S. Fasteignasafnið samanstendur af 31 fasteign sem flestar eru staðsettar í miðborg Kaupmannahafnar.

Kaupþing tapar máli gegn breska fjármála­ráðuneytinu

Dómstóll í Bretlandi (e. High Court of Justice) kvað í dag upp dóm í máli Kaupþings banka gegn breska fjármála­ráðuneytinu, en málið hófst í janúar 2009 er Kaupþing banki óskaði eftir lagalegri endurskoðun á lögmæti ákvörðunar breska fjármála­ráðuneytisins í október 2008 um að flytja innstæður á Kaupthing Edge reikningum hjá Kaupthing Singer & Friedlander (KSF) til þriðja aðila.

Guðmundur Magnússon gefur kost á sér í 1. sæti á Seltjarnarnesi

Guðmundur Magnússon, framkvæmda­stjóri hefur ákveðið að gefa kost á sér í prófkjöri Sjálfstæðis­manna á Seltjarnarnesi fyrir sveitar­stjórnar­kosningarnar næsta vor, og mun sækjast eftir 1. sætinu.

UVG: Mannréttinda­ráðuneyti standi undir nafni

Stjórn Ungra vinstri grænna (UVG) lýsir yfir miklum vonbrigðum með ákvörðun Útlendinga­stofnunar og Rögnu Árnadóttur, dóms- og mannréttindamála­ráðherra þess efnis að vísa fjórum flóttamönnum úr landi og senda þá til Grikklands.

Ríkislögreglu­stjóri: Standa verður vörð um uppbygginguna

Haraldur Johannessen ríkislögreglu­stjóri segir að nú ríki óvissutímar og lög­reglan standi á tímamótum. Hann kveður nauðsynlegt að farið verði varlega í breytingar á skipan lög­reglumála hér á landi. Sú uppbyggingarvinna sem unnin hefur verið megi ekki fara forgörðum.

Olían nálgast 80 dollara – og gullið fylgir með

Verð á olíu hækkar og nálgast nú 80 dollara á tunnu í kjölfar falls dollarans en verðgildi hans hefur ekki verið lægra í 14 mánuði. Verðfall hans eykur sókn fjárfesta í olíuna. Lækkun dollarans veldur enn fremur hækkun á gulli og almennt hækka málmar í verði.

Hækkun vísitölu byggingarkostnaðar

Vísitala byggingarkostnaðar reiknuð um miðjan október 2009 er 497,0 stig sem er hækkun um 0,34% frá fyrri mánuði. Vísitalan hefur hækkað um 7,2% síðastliðna tólf mánuði.

AGS hótar sænskum bönkum

Alþjóða­gjaldeyris­sjóðurinn, AGS, hefur sett þumalskrúfur á sænska banka. Reyni þeir að losna undan lánasamningum í Eystrasaltslöndunum mun AGS ekki vinna gegn gengisfalli gjaldmiðla þar. Swedbank og SEB hafa lánað mest á svæðinu.

Fjárfestar flýja bandarískan svika­sjóð

Fjárfestar flýja nú bandaríska vogunar­sjóðinn Galleon Group í kjölfar meintra innherjasvika Raj Rajaratnam, eins stofnenda sjóðsins. Þegar liggur fyrir að þeir sem lagt hafa fé sitt í sjóðinn vilja ná 1,3 milljörðum dollara út úr honum.

Snorri býður sig fram til formennsku í BSRB

Snorri Magnússon, formaður Lands­sambands lög­reglumanna, hefur tilkynnt að hann bjóði sig fram til formanns BSRB á 42. þingi bandalagsins, sem haldið verður á Grand Hótel í Reykjavík, dagana 21. – 23. október.

Stöðugleikasáttmálinn í algjörri óvissu

Stöðugleikasáttmáli ríkisins og aðila vinnu­markaðarins er í mikilli óvissu. Vilhjálmur Egilsson, framkvæmda­stjóri Samtaka atvinnulífsins, segir að mögulegt að samningurinn falli. Gylfi Arnbjörnsson, forseti Alþýðu­sambandsins tekur undir að sáttmálinn sé í uppnámi.

Mál Stíms enn hjá FME

Fjármála­eftirlitið (FME) hefur ekki sent málefni Stíms til efnahagsbrota­deildar ríkislögreglu­stjóra eða til sérstaks saksóknara. FME er enn með málið til skoðunar sem hefur reynst flóknara en í fyrstu var talið.

Bretar kátir með Icesave-samninginn

Ian Pearson yfirmaður hag­deildar breska fjármála­ráðuneytisins segir að Icesave samkomulagið sem nú liggur fyrir sé góðar fréttir fyrir breska og hollenska skattgreiðendur. Vísir vitnar í orð Pearson á vefsíðunni Fresh Business Thinking.