Föstudagurinn 20. mars 2009

Setningarræða Steingríms J. Sigfússonar á landsfundi VG

Ég vil byrja á því að bjóða ykkur öll velkomin til sjötta reglulega landsfundar Vinstrihreyfingarinnar græns framboðs. Það hefur mikið vatn til sjávar runnið síðan við hittumst á sambærilegum vettvangi í febrúar 2007 í aðdraganda Alþingis­kosninga. Í þeim kosningum vann Vinstrihreyfingin grænt framboð góðan sigur

Síma­samband á ný milli Norður- og Suður-Kóreu

Norður-kóreska ríkis­stjórnin hefur tilkynnt yfirvöldum í Suður-Kóreu að síma­sambandi milli landanna tveggja verði komið á að nýju, en norður-kóresku yfirvöldin rufu það 9. mars síðastliðinn til þess að mótmæla sameiginlegri heræfingu Bandaríkjanna og Suður-Kóreu.

Endurreisnar­nefndin: Of seint brugðist við heimatilbúnum vanda

Grunngildi Sjálfstæðis­flokksins brugðust ekki heldur fólk. Svo segir meðal annars í skýrslu Endurreisnar­nefndar Sjálfstæðis­flokksins sem kom út í dag. Hún er gagnrýnin á hlut Seðlabankans, Fjármála­eftirlitsins og stjórnvalda í aðdraganda bankahrunsins.

Landsfundur VG: Formaður vill áfram rauðgræna ríkis­stjórn

Landsfundur Vinstrihreyfingarinnar græns framboðs hófst síðdegis. Í setningarræðu Steingríms J. Sigfússonar, formanns flokksins, kom fram vilji hans til að hér sitji áfram við völd rauðgræn ríkis­stjórn, Samfylkingar og Vinstri grænna.

Nýi Kaupþing banki lækkar vexti um 1%

Nýi Kaupþing banki hefur ákveðið að lækka óverðtryggða vexti inn- og útlána um 1% til samræmis við stýrisvaxta­lækkun Seðlabankans.

Aðvörun frá efnahagsbrota­deild ríkislögreglu­stjóra

Upp á síðkastið hefur borið á því að íslenskum aðilum hafi borist tölvupóstar frá erlendum aðilum sem óska eftir að ráða fólk til vinnu. Atvinnutilboð þessi eru gjarnan um að viðkomandi taki að sér að leggja til bankareikninga í sínu nafni sem hinn erlendi aðili geti millifært inn á peninga. Tilboð þessi tengjast oftast fjársvikastarfsemi.

Hluta­bréf féllu í Barclays vegna meintra skattsvika

Hluta­bréf í stórbankanum Barclays féllu um nær 10% í kauphöllinni í London í dag í framhaldi af fréttum blaðsins The Guardian um að bankinn hefði skotið stórum upphæðum undan skatti.

Tryggingafræðileg staða lífeyris­sjóðanna versnar

Tryggingafræðileg staða lífeyris­sjóðanna hefur versnað verulega á árinu 2008 og eru aðeins 3 sjóðir með jákvæða tryggingafræðilega stöðu samanborið við 20 sjóði við árslok 2007. Þetta kemur fram í yfirliti Fjármála­eftirlitsins.

Sjálfstæðis­flokkurinn fékk mest frá fyrirtækjum

Ríkisendurskoðun hefur birt yfirlit yfir fjárframlög fyrirtækja til stjórnmála­flokkanna. Samanlagt fengu stjórnmála­flokkarnir rúmlega 136 milljónir króna með þeim hætti, Sjálfstæðis­flokkurinn mest. Allir voru stjórnmála­flokkarnir hins vegar reknir með tapi.

Dráttarvextir lækka

Dráttavextir lækka frá 1. apríl 2009 um 1% verða 24,0% fyrir tímabilið 1. apríl - 30. apríl 2009, að því er Seðlabanki Íslands greinir frá.

Allir kaupréttir felldir úr gildi hjá Iceland Air

Stjórn Icelandair Group hf. samþykkti á fundi sínum í dag, 20. mars 2009, tillögu for­stjóra og stjórnar­formanns um að fella úr gildi alla kauprétti for­stjóra í félaginu. Þetta kemur fram í tilkynningu frá félaginu.

Listi Frjálslynda flokksins í NA-kjördæmi frágenginn

1.sæti lista Frjálslynda flokksins í Norðaustur­kjördæmi skipar Ásta Hafberg Sigmunds­dóttir, verkefna­stjóri á Fáskrúðsfirði, Axel Yngvason verkamaður Kópaskeri skipar 2.sætið og í 3. og 4. sæti eru Kári Þór Sigríðarson, búfræðingur á Akureyri og Eiríkur Guðmundsson, nemi Djúpavogi.

Landsbankinn lækkar vexti

Í framhaldi af lækkun stýrivaxta úr 18% í 17% hefur Landsbankinn ákveðið að lækka vexti á óverðtryggðum inn- og útlánum til samræmis. Ennfremur hefur bankinn ákveðið að lækka vexti á verðtryggðum inn- og útlánum.

Ögmundur gagnrýnir Seðlabankann harðlega

Ögmundur Jónasson, heilbrigðis­ráðherra segir að vaxta­stefna Seðlabankans sé óskiljanleg. Hann segir að hátt vaxta­stig verði ekki þolað öllu lengur. Þjóðinni blæði út á meðan eigendur jökla­bréfa og aðrir fja´rmagns­eigendur hagnist á hávaxta­stefnunni.

Starfsfólk HB Granda fær áður umsamdar launahækkanir

HB Grandi hefur ákveðið að greiða starfsfólki fyrirtækisins þær launahækkanir sem samið hafði verið um að tækju gildi 1. mars áður en aðilar vinnu­markaðarins komu sér saman um að fresta þeim.

Penninn endur­skipulagður og Nýja Kaupþing tekur yfir

Undanfarna mánuði hefur Nýi Kaupþing banki átt í viðræðum við eigendur Pennans ehf. um endur­skipulag á fyrirtækinu. Markmiðið hefur verið að treysta undirstöður rekstrarins. Viðræðunum er nú lokið og varð niðurstaðan sú að Nýi Kaupþing banki mun taka yfir rekstur Pennans ehf.

Tap af rekstri Lands­virkjunar 344,5 milljónir dollara

Tap af rekstri samstæðu Lands­virkjunar á árinu 2008 var 344,5 milljónir Bandaríkjadala en rekstrarhagnaður fyrir fjármagnsliði og skatta (EBIT) var 246 milljónir Bandaríkjadala

Önnur stór kannabisverksmiðja

Lög­reglan á höfuðborgar­svæðinu stöðvaði umfangsmikla kannabisræktun í iðnaðarhúsnæði á Kjalarnesi í gær. Við húsleit á áður­nefndum stað fundust um eitt þúsund kannabisplöntur. Önnur kannabisverksmiðja fannst á svipuðum slóðum í fyrradag.

LÍU hvetur banka og spari­sjóði til að taka frumkvæði að vaxta­lækkun

Stýrivaxta­lækkun Seðlabanka Íslands í gær bendir ekki til þess að peningstefnu­nefnd sé í nægilegum tengslum við þann raunveruleika sem við þjóðinni blasir, segir LÍÚ og hvetur banka og spari­sjóði til að lækka vexti umtalsvert.

Hugsmiðjan gegn svikum og spillingu

Hugbúnaðar­fyrirtækið Hugsmiðjan hefur gert samning við evrópsk samtök á heilbrigðissviði gegn svikum og spillingu í Evrópu. Hugsmiðjan mun sjá um ráðgjöf, hönnun og forritun á nýjum vef samtakanna sem byggður verður á íslenska vefumsjónarkerfinu Eplica.

Segir umræðu um óseldar og tómar íbúðir villandi

Formaður Meistara­félags iðnaðarmanna í Hafnarfirði segir umræðu um óseldar og tómar íbúðir villandi, að ekki sé gerður greinarmunur á óbyggðum lóðum annars vegar og hins vegar íbúðum sem eru tilbúnar eða í byggingu.

Dag­deildargjöld afnumin

Ögmundur Jónasson heilbrigðis­ráðherra hefur afnumið svokölluð dag­deildargjöld sem lögð voru á 1. janúar síðastliðinn.

Liverpool mætir Chelsea

Það verður enskur slagur átta liða úrslitum í meistara­deildinni í knattspyrnu en þar drógust saman Liverpool og Chelsea. Sigurvegarinn í þeirri rimmu mætir annað hvort Barcelona eða Bayern München í undanúrslitum.

Spáir stýrivaxta­lækkun um 1 prósentu 8. apríl

Greining Íslandsbanka spáir því að vaxta­ákvörðunar­nefnd Seðlabankans muni ákveða að lækka vexti um eina prósentu 8. apríl. Stýrivextir verði þá 16%. Nokkuð líklegt sé að nefndin muni stíga þriðja skrefið í þeim efnum á vaxta­ákvörðunarfundi sínum 7. maí.

Snör viðbrögð starfsmanna Vallaskóla á Selfossi

Starfsmaður Vallaskóla á Selfossi brást snaggaralega við, eftir hádegi í gær, er hann veitti því athygli er 17 ára piltur kom í skólann og gaf sig á tal við 16 ára gamlan nemanda skólans. Sá eldri fékk hinn til að koma með sér útaf skóla­lóðinni og allt í einu birtust þar nokkrir piltar og skipti engum togum að þeir réðust á nemandann.

Auður Capital býður séreignasparnað

Einstaklingum býðst nú að láta Auði Capital sjá um umsýslu og ávöxtun séreignasparnaðar eða viðbótarlífeyrissparnaðar eins og hann er stundum nefndur. Þessi nýja þjónusta nefnist FramtíðarAuður-séreign.

Össur hf. hækkar um tæp 13%

Hluta­bréf Össurar hf. hafa hækkað um 12,7% í dag í liðlega 28 milljóna króna viðskiptum. AMX greindi frá því í gær að breskur einkaframtaks­sjóður væri í samstarfi við stærsta hluthafann að undirbúa yfirtöku­tilboð.

Sláturleyfishafar vara við hugmyndum um inngöngu í ESB

Lands­samtök sláturleyfishafa vara eindregið við hugmyndum um inngöngu Íslendinga í Evrópu­sambandið. Þau telja að það myndi á fáum árum leiða til endaloka íslensks landbúnaðar.

Nýr ávöxtunarkostur fyrir eigendur séreignar­sparnaðar

MP banki fékk leyfi til að taka á móti greiðslum í séreignasparnað undir lok síðasta árs og bankinn starfrækir nú Séreignasparnað MP Banka, sem allir launþegar geta greitt í allt að 4% af launum og jafnframt fengið 2% mótframlag frá launagreiðanda.

Íbúðalána­sjóður tapaði 6,9 milljörðum - vegna bankahruns

Tap af rekstri Íbúðalána­sjóðs nam 6,9 milljörðum króna árið 2008. Sjóðurinn varð fyrir verulegum skakkaföllum vegna falls þriggja stærstu banka landsins. Eiginfjárhlutfall sjóðsins er 4,6% en langtímamarkmið er að það sé yfir 5,0%.

„Dagurinn sem dollarinn dó“

Bandaríkjadollar hefur ekki átt verri viku í 24 ár en þá síðustu. Hann féll um 5,1% gagnvart öðrum helstu gjaldmiðlum heims. Fallið er hið versta frá árinu 1985. Alan Ruskin yfirhag­fræðingur telur að þetta geti haft alvarlegar afleiðingar í för með sér fyrir Bandaríkin sem þjóð, ekki bara dollarann sem gjaldmiðil. Heiti nýrrar skýrslu Standard Chartered Bank er: „The day the dollar died“.

Um 40 þúsund manns taka þátt í vali frambjóðenda

Um eða yfir 40 þúsund manns hafa tekið beinan þátt í að velja frambjóðendur á framboðslista stjórnmála­flokkanna vegna komandi kosninga. Öll prófkjör eða forval eru nú að baki fyrir utan prófkjör Sjálfstæðis­flokksins í Norðvestur­kjördæmi.

Þegar gjaldeyris­höftin eyða störfum

Gjaldeyris­höftin sem við settum í vetur í samstarfi við Alþjóða­gjaldeyris­sjóðinn voru réttlætanleg á þeim tíma. Nú eru hins vegar breyttir tímar. Alltaf var um það rætt að þetta væri skammtímaráðstöfun, segir Einar K. Guðfinnsson og rekur dæmi um skaðsemi gjaldeyris­haftanna.

Bandaríkjaþing samþykkir 90% skatt á bónus­greiðslur

Fulltrúa­deild Bandaríkjaþings samþykkti í gær leggja 90% skatt á bónus­greiðslur til yfirmanna fyrirtækja sem eru með yfir 250 þúsund dollarar í laun á ári [um 28,4 milljónir króna]. Skatturinn leggst á yfirmenn fyrirtækja sem hafa fengið fimm milljarða dollara eða meira í ríkisaðstoð

Innflutningur sjúklinga getur skapað 300 störf

Róbert Wessmann telur að allt að 300 störf gætu skapast við þjónustu erlendra sjúklinga. Salt Investment, fjárfestingar­félag Róberts, hefur hug á því í samstarfi við Mayo Clinic, heilbrigðis­stofnun í Bandaríkjunum, að byggja upp þjónustu hér á landi.

Ungir framsóknar­menn fagna endurskoðun áfengislöggjafar

Félag ungra framsóknar­manna í Skagafirði fagna því að fjármála­ráðherra hafi stofnað nefnd til að fara yfir áfengislöggjöfina, sem þeir telja fyrir löngu úrelta. Þeir óttast hins vegar að höft og bönn Vinstri grænn verði í fyrirrúmi.