Fimmtudagurinn 19. mars 2009

Guðfríður Lilja og Ögmundur leiða í SV-kjördæmi

Framboðslisti Vinstri grænna var samþykktur í kvöld, samkvæmt tilkynningu. Í samræmi við forval leiða Guðfríður Lilja Grétars­dóttir og Ögmundur Jónasson listann.

Kannabisræktun á Kjalarnesi - lausir úr haldi

Tveir karlar á þrítugsaldri, sem lög­reglan á höfuðborgar­svæðinu handtók í gærkvöld í tengslum við rannsókn á kannabisræktun á Kjalarnesi, eru nú lausir úr haldi lög­reglu. Í umræddu máli fann lög­reglan 621 kannabisplöntu í iðnaðarhúsnæði.

Framboðslisti VG í Reykjavík frágenginn

Kjördæmisfundur Vinstri grænna í Reykjavík, sem haldin var í kvöld samþykkti framboðslista fyrir bæði Reykjavíkur­kjördæmin. Katrín Jakobs­dóttir, menntamála­ráðherra leiðir í norður­kjördæmi en Svandís Svavars­dóttir er oddviti í suður­kjördæmi.

Bænda­samtökin áfrýja úrskurði Samkeppnis­eftirlitsins

Stjórn Bænda­samtaka Íslands hefur ákveðið að áfrýja úrskurði Samkeppnis­eftirlitsins sem birtur var í mars síðastliðinn til úrskurðar­nefndar samkeppnismála. Þar komst Samkeppnis­eftirlitið að þeirri niðurstöðu að Bænda­samtök Íslands hefðu brotið gegn samkeppnislögum með aðgerðum sem hafi miðað að því að hækka verð á búvörum.

Eyrir hafnaði tilboði enska einkaframtaks­sjóðsins í Össur

Eyrir Invest staðfestir að hafa móttekið tilboð í hlutafjáreign sína í Össuri eftir viðræður við tiltekna einkaframtaks­sjóði. Viðræður þessar voru ekki að frumkvæði Eyris Invest. Eyrir Invest hafnaði tilboðum sem komu í hlut félagsins enda endurspegluðu tilboðin að mati Eyris Invest ekki þá virðisaukningu sem framundan er í rekstri Össurar. Þetta kemur fram í yfirlýsingu frá Eyri.

Samfylkingin mælist stærst - stjórnar­flokkarnir með 38 þingsæti

Ríkis­stjórnar­flokkarnir fengju 38 þingsæti af 63 samkvæmt nýrri skoðanakönnun Capacent-Gallup. Þá segjast 64.3% styðja stjórnina, en 35.7% vera henni andvíg. Samfylkingin mælist með mest fylgi, 31,2% en Sjálfstæðis­flokkurinn með 26,5%.

Jóhanna í formennskuna

Jóhanna Sigurðar­dóttir forsætis­ráðherra hefur ákveðið að bjóða sig fram til formanns Samfylkingar­innar á landsfundi flokksins í lok mánaðarins. Landsfundur flokksins verður haldinn um aðra helgi.

Stýrivaxta­lækkun í Tyrklandi

Tyrkneski seðlabankinn lækkaði stýrivexti í dag um 1 prósentustig, frá 11,5 í 10,5%. Bankinn er því á sama róli og Seðlabanki Íslands en vextir hafa verið afar háir í þessum löndum.

Dapurlegt útlit í Finnlandi

Tvær nýjar efnahagsspár gera ráð fyrir 3,5-4% samdrætti í þjóðar­framleiðslu Finna. Þær reikna einnig með mjög auknu atvinnuleysi í ár og á næsta ári, 8,1-9,6%.

Fjölmennasti landsfundur VG frá upphafi hefst á morgun

Landsfundur Vinstrihreyfingarinnar - græns framboðs hefst á morgun og verður fundurinn sá fjölmennasti frá upphafi. Í frétt frá Vinstri grænum segir að mikil fjölgun hafi verið í flokknum að undanförnu og eru félagar nú yfir fimm þúsund.

Húsasmíðameistarar: Hækkun hámarkslána flýtir fyrir endurreisn

Hækkun hámarkslána Íbúðalána­sjóðs myndi virka sem blóðgjöf fyrir bygginga- og mannvirkjagerð í landinu og stuðla að því að koma hjólum atvinnulífsins af stað á ný, segir í tilkynningu Meistara­félags húsasmiða.

Össur staðfestir viðræður en segir engar ásættanlegar tillögur borist

Össur hf. hefur gefið út tilkynningu vegna fréttar AMX fyrr í dag um að breskur einkaframtaks­sjóður undirbúi tilboð í 36% hlut í félaginu. Staðfest er að tilteknir hluthafar hafi átt í viðræðum, en sagt að engar ásættanlegar tillögur hafi borist.

Norðmenn ekki í aðstöðu til að gagnrýna makrílveiðar Íslendinga

Samtök framleiðenda uppsjávar­fisks í Danmörku líta svo á að Norðmenn séu ekki í neinni aðstöðu til að kvarta undan makrílveiðum Íslendinga. Christian Olsen, talsmaður samtakanna, segir í samtali við Fishing News International, að bæði Norðmenn og Færeyingar hafi úthlutað sér viðbótarkvótum í makríl.

Aðalheiður í Kaffitári formaður stjórnar ÁTVR

Aðalheiður Héðins­dóttir í Kaffitári hefur verið skipuð formaður stjórnar Áfengis- og tóbaks­verslunar ríkisins. Þá hefur fjármála­ráðherra ákveðið að skipa starfshóp sem hefur það hlutverk að gera heildstæða úttekt á áfengislöggjöfinni.

Viðskipti með hluta­bréf Össurar stöðvuð

Kauphöllin hefur stöðvað viðskipti með hluta­bréf Össurar hf. í kjölfar fréttar hér á AMX um væntanlegt yfirtöku­tilboð frá erlendum einkaframtaks­sjóði. Sagt er að frétt sé væntanleg vegna málsins. Áður en viðskipti voru stöðvuð hafði gengi bréfa fyrirtækisins hækkað um 8%.

Olíuverð yfir 50 dollara á ný

Olíuverð hefur hækkað mikið undanfarinn sólarhring, frá því að vera rétt yfir 46 dollarar á tunnu af Norðursjávar­olíu í nær 50 dollara og yfir 50 dollara á tunnu af bandarískri olíu. Hækkun olíuverðs frá því síðdegis í gær varð á sama tíma og gengi dollars byrjaði að veikjast.

Straumi veitt heimild til greiðslustöðvunar

Héraðsdómur Reykjavíkur hefur veitt Straumi-Burðarási fjárfestingabanka hf. heimild til greiðslustöðvunar. Heimildin gildir til 11. júní 2009. Hörður Felix Harðarson hrl. hefur tekið að sér starf aðstoðar­manns félagsins í greiðslustöðvun.

Einkaframtaks­sjóður undirbýr yfirtöku­tilboð í Össur langt yfir markaðsverði

Samkvæmt heimildum AMX undirbýr breskur einkaframtaks­sjóður tilboð í 36% hlutafjár í Össuri hf. Tilboðið verður gert í samráði við William Demant Invest, sem er stærsti hluthafinn í Össuri. Tilboðið, sem ekki hefur verið lagt fram formlega, er yfir 50% hærra en síðasta markaðsvirði Össurar.

L-listinn vill að ríkið yfirtaki eigur verst settu skuldara

L-listinn vill að ríkið stofni sérstakan sjóð sem yfirtekur fasteignir þeirra fjölskyldna sem hafa skuldsett sig umfram fjárhagslega getu. Fyrri eigendur fái síðan forleigurétt og forkaupsrétt að eignunum. Listinn bendir á að aðfgerðin hafi verið notuð með góðum árangri í kreppunni miklu.

Metfjöldi atvinnulausra í Bandaríkjunum

Sjöunda mánuðinn í röð bættust yfir 600 þúsund í hóp atvinnulausra í Bandaríkjunum. Fjöldi atvinnulausra þar í landi er nú 5,47 milljónir sem er met. Ástandinu á vinnu­markaði í landinu er lýst sem ömurlegu.

SI: Fyrirtækin að kikna undan ofurvöxtunum

Stjórn Samtaka iðnaðarins lýsir miklum vonbrigðum með að Seðlabanki Íslands skuli ekki ganga miklu lengra í lækkun stýrivaxta en ákveðið var í dag. Fyrirtækin eru að kikna undir ofurvöxtunum og vaxta­munur milli Íslands og samkeppnislanda fáránlegur, segir stjórnin.

Skuldir sjávar­útvegs innan við 2% af heildarskuldum fyrirtækja 2007

Við höfum alltaf gert okkur grein fyrir því að skýringanna á skuldasöfnun íslenskra fyrirtækja væri ekki að leita innan sjávar­útvegsins, segir Adolf Guðmundsson, formaður Lands­sambands íslenskra útvegs­manna.

Nýtt tilboð til lánardrottna Kaupþings í Lúxemborg

Yfirvöld í Lúxemborg og fjárfestingar­sjóður frá Líbýu hafa lagt fram nýtt og betrumbætt tilboð til lánardrottna Kaupþings í Lúxemborg um endur­skipulagningu bankans.

Stórum hluta starfsmanna Straums sagt upp störfum

Um 90 manns af um 145 manna starfsliði Straums -Burðaráss verður sagt upp störfum. Launamál eru í uppnámi. Sumir fengu allt að sjö milljónum króna í bónus­greiðslur rúmri viku áður en skila­nefnd var sett yfir bankann, segir Vísir.

Íbúðaverð hefur lækkað að raunvirði um 20% undanfarið ár

Íbúðaverð á höfuðborgar­svæðinu lækkaði um 0,6% á milli janúar og febrúar samkvæmt upplýsingum sem Fasteignaskrá Íslands birti í gær. Undanfarna 12 mánuði hefur íbúðaverð á höfuðborgar­svæðinu lækkað um 5,3% að nafnvirði og rúmlega 20% að raunvirði,segir Greining Íslandsbanka.

Markaðurinn vænti meiri vaxta­lækkunar

Markaðurinn virðist hafa búist við því að peningastefnu­nefnd Seðlabankans myndi ákveða að taka öllu stærra skref nú a.m.k. ef marka má viðbrögð á skuldabréfa­markaði í morgun en ávöxtunarkrafa óverðtryggðra skulda­bréfa hefur hækkað nokkuð, segir Greining Íslandsbanka um stýrivaxta­lækkunina.

Peningastefnu­nefnd: Gætilega dregið úr peningalegu aðhaldi

Við upphaf vaxta­lækkunarferlisins telur peningastefnu­nefnd Seðlabnaknans rétt að fara varlega og haga vaxta­breytingum með hliðsjón af tíðu endurmati á stöðunni eftir því sem efnahagslegur stöðugleiki eykst. Í því ljósi hefur nefndin ákveðið að bæta við vaxta­ákvörðunarfundi 8. apríl næstkomandi.

Bush skrifar um stærstu ákvarðanir sínar á forsetaferlinum

George W. Bush, fyrrverandi Bandaríkja­forseti, vinnur að bók um stærstu ákvarðanir sínar á átta ára valdaferli í Hvíta húsinu. Hún kemur út á næsta ári. Forsetafrúin fyrrverandi skráir einnig minningar sínar og mun keppa við bóndann um hylli lesenda.

Lúðvík vill í 5. sætið

Lúðvík Geirsson, bæjar­stjóri í Hafnarfirði, hafnar því að taka þriðja sætið á lista Samfylkingar­innar í Suðvestur­kjördæmi en hann lenti í því í prófkjöri flokksins um helgina eftir að hafa sóst eftir fyrsta sætinu. Þess í stað vill bæjar­stjórinn í 5. sæti listans.

Bandarískt fjárfestinga­félag minnkar hlut sinn í Royal Unibrew

Bandaríska fjárfestinga­félagið Artio Global Management hefur minnkað hlut sinn í dönsku ölgerðinni Royal Unibrew. Félagið átti 11,18% hlut í þessari næststærstu ölgerð Danmerkur en á eftir söluna 9,84%. Stoðir fara með fimmtung hlutafjár í Royal Unibrew, hlut sem FL Group keypti í félaginu á sínum tíma.

Straumur óskar eftir heimild til greiðslustöðvunar

Straumur-Burðarás fjárfestingabanki hf. hefur óskað eftir því við Héraðsdóm Reykjavíkur að bankanum verði veitt heimild til greiðslustöðvunar. Greiðslustöðvunina á að nýta til að koma bankanum í rekstrarhæft form á ný.

Vísitala byggingarkostnaðar lækkar

Vísitala byggingarkostnaðar, reiknuð um miðjan mars 2009, er 490,7 stig. Það er lækkun um 0,4% frá fyrri mánuði, að því er Hagstofan greinir frá.

Versta kreppa í Danmörku frá stríðslokum

Danski seðlabankinn gerir ráð fyrir 1,1% samdrætti í þjóðar­framleiðslu í ár. Það telja sér­fræðingar Danske Bank og Sydbank vera bjartsýni og reikna með 2,5% samdrætti. Seðlabanka­stjórinn segir kreppuna þá verstu frá stríðslokum.

Stýrivextir lækkaðir um 1 prósentu í 17%

Peningastefnu­nefnd hefur ákveðið að lækka stýrivexti Seðlabanka Íslands um 1,0 prósentu í 17,0%. Aðrir vextir Seðlabankans verða einnig lækkaðir í sama mæli.

Samfylkingin er loftbólu­flokkur, segir Sigmundur Davíð

Sigmundur Davíð Gunnlaugsson, formaður Framsóknar­flokksins, líkir Samfylkingunni við loftbólu­flokk, sem sé afsprengi þess loftbóluhagkerfisins þar sem allt gekk út á ímynd og að hanna atburðarás og umræðu.

Íslenskt merki um ábyrgar fiskveiðar Íslendinga vekur athygli erlendis

Erlendir fjölmiðlar hafa fjallað nokkuð um íslenskt merki um ábyrgar fiskveiðar Íslendinga, sem kynnt var fyrir fullum sal gesta á sjávar­útvegssýningunni í Boston fyrr í vikunni. Almenna merkið var fyrst kynnt á Íslensku sjávar­útvegssýningunni í byrjun október.

Umfangsmikil kannabisræktun stöðvuð

Lög­reglan á höfuðborgar­svæðinu stöðvaði gríðarlega umfangsmikla kannabisræktun í iðnaðarhúsnæði í Reykjavík í gærkvöld. Við húsleit á áður­nefndum stað fundust hundruð kannabisplantna á ýmsum stigum ræktunar.