Laugardagurinn 14. mars 2009
Lokatölur Samfylkingarinnar í Reykjavík
Lokatölur liggja fyrir í prófkjöri Samfylkingarinnar í Reykjavík. Ásta Ragnheiður Jóhannesdóttir fór upp í 8. sæti á lokasprettinum og Mörður Árnason fór upp fyrir Önnu Pálu Sverrisdóttur. Þá höfði Helgi Hjörvar og Sigríður Ingibjörg Ingadóttir sætaskipti í 3. og 4. sætinu. Jóhanna Sigurðardóttir fékk 78% atkvæða í 1. sæti.
Enn óbreytt hjá sjálfstæðismönnum í Kraganum
Nú hafa 4000 atkvæði verið talin, eða 71%, í prófkjöri Sjálfstæðisflokksins í Suðvesturkjördæmi. Röð frambjóðenda er óbreytt frá síðustu tölum en enn er nokkuð mjótt á munum milli frambjóðenda í 3. - 6. sætið.
Óbreytt röð hjá sjálfstæðismönnum í Reykjavík
Um 78% atkvæða í prófkjöri sjálfstæðismanna í Reykjavík hafa verið talin. Röðin er óbreytt frá síðustu tölum. Illugi leiðir, þá Guðlaugur Þór og Pétur Blöndal.
Fjórðu tölur úr Kraganum: Spenna um 3. - 6. sæti
Bjarni Benediktsson er sem fyrr efstur og Þorgerður Katrín önnur. Ragnheiður Ríkharðsdóttir er þriðja, Jón Gunnarsson fjórði, Óli Björn Kárason fimmti og Ármann Kr. Ólafsson í sjötta sætinu. Spenna er um úrslitin því ekki munar miklu á 3.-6. sæti.
Fjórðu tölur úr Reykjavík - sætaskipti Erlu og Sigríðar
Þegar 5210 atkvæði hafa verið talin í prófkjöri sjálfstæðismanna í Reykjavík er staðan óbreytt nema hvað Erla Ósk Ásgeirsdóttir og Sigríður Á. Andersen hafa haft sætaskipti.
Þriðju tölur - Illugi áfram með örugga forystu
Þriðju tölur hafa verið birtar í talningu í prófkjöri sjálfstæðismanna í Reykjavík. Talin hafa verið 4732 atkvæði og hefur Illugi Gunnarsson örugga forystu í 1. sætið, með alls 2814 atkvæði.
Árni Páll og Katrín efst hjá Samfylkingunni í Kraganum
Árni Páll Árnason er í fyrsta sæti á lista Samfylkingar í kraganum eftir að öll atkvæði hafa verið talin. Katrín Júlíusdóttir er í 2.sæti, Lúðvík Geirsson í 3. sæti og Þórunn Sveinbjarnardóttir í því fjórða með 1104.
Sætaskipti hjá sjálfstæðismönnum í Kraganum
Ragnheiður Ríkharðsdóttir er komin upp fyrir Jón Gunnarsson en þau eru í 3. og 4. sæti. Óli Björn Kárason kominn í 5. sæti en Ármann Kr.Ólafsson er í 6. sæti og Rósa Guðbjartsdóttir er í 7. sæti. Bjarni og Þorgerður Katrín eru í 1.-2.
Jóhanna langefst í Reykjavík en Sigríður Inga fylgir Össuri
Jóhanna Sigurðardóttir forsætisráðherra er með yfirburðastöðu þegar talin hafa verið um 30% atkvæða í prófkjöri Samfylkingarinar í Reykjavík. Össur Skarphéðinsson er annar og Sigríður Ingibjörg Ingadóttir í þriðja. Ásta Ragnheiður nær ekki inn lista þeirra efstu.
Bjarni Benediktsson efstur í kraganum
Bjarni Benediktsson er efstur þegar talin hafa verið 200 atkvæði í prófkjöri Sjálfstæðisflokksins í Suðvesturkjördæmi. Þorgerður Katrín Gunnarsdóttir er í öðru sæti.
Guðlaugur Þór ætlar ekki í formannsframboð
Guðlaugur Þór Þórðarsson alþingismaður ætlar ekki að gefa kost á sér sem formaður á landsfundi Sjálfstæðisflokksins. Hann greinir frá þessu á heimasíðu sinni.
Joly segir líkur á að stjórnendur banka hafi brotið lög
Eva Joly segir að miklar líkur séu á að stjórnendur íslensku bankana hafi gerst brotlegir við lög í starfsemi sinni. Hún lét þessi orð falla í vinsælum sjónvarpþætti í Noregi í gærkvöld, að því er Ríkisútvarpið greindi frá.
Gunnar Bragi og Guðmundur Steingrímsson efstir
Gunnar Bragi Sveinsson sigraði í prófkjöri Framsóknarflokksins í Norðvesturkjördæmi. Gunnar Bragi Sveinsson fékk 782 atkvæði í 1. sæti. Í öðru sæti varð Guðmundur Steingrímsson með 635 atkvæði í 1.-2. sæti.
40 manns á útifundi Harðar Torfasonar
Fuglarnir hvísla að rétt um 40 manns hafi sótt útifund „Radda fólksins“ á Austurvelli í dag. Það verður forvitnilegt að fylgjast með því hvort þær upplýsingar munu koma fram í fjölmiðlum, ekki síst ríkisfjölmiðlunum.
Rouibini hefur rétt fyrir sér eins og framsókn
Smáfuglunum er eins farið og mörgum öðrum, að þeir eru ekki alltaf vissir um, hvaða hagfræðingi þeir eiga að trúa. Skoðunum þeirra er demt yfir landsmenn í ýmsum myndum og þær virðast vera jafnmargar og mennirnir, sem flytja þær. Þess vegna er óhjákvæmilegt, að menn velji sér eitthvert átrúnaðargoð til að hafa fótfestu.