Föstudagurinn 13. mars 2009

Madoff reynir að losna úr steininum

Bandaríski fjársvikarinn Bernard Madoff er nú á bak við lás og slá í rammgerðu fangelsi. Sólarhring eftir að hann játaði sig sekan um 65 milljarða dollara fjásvik reynir hann hvað hann getur til að sleppa úr haldi áður en dómur fellur í júní.

Efnahagur Íslands aftur á rétta braut

Fréttir sem umheiminum hafa borist af íslenskum efnahagsmálum undanfarna mánuði hafa verið neikvæðar, svo ekki sé meira sagt - þar til í kvöld. Þá mátti lesa fyrstu jákvæðu fréttina í Börsen en þar sagði að efnahagur Íslands væri aftur kominn á rétta braut eftir hrunið í haust.

Kópavogur sigraði í Útsvari

Kópavogur sigraði í spurningakeppni stærstu sveitar­félaganna Útsvari í Ríkissjónvarpinu í kvöld og varði þar með titil sinn frá því í fyrra. Keppinautur Kópavogsliðsins í úrslitaleiknum var Fljótsdalshérað. Lokatölur urðu 69-62.

Flestir vilja að Bjarni verði formaður

Flestir vilja að Bjarni Benediktsson verði formaður Sjálfstæðis­flokksins, samkvæmt nýrri könnun Stöðvar 2 og Fréttablaðsins. Hann er sá eini sem hefur gefið kost á sér til formennskunnar.

Mikill áhugi á vinnu í Kanada

Hundruð manna sóttu kynningarfund um atvinnu í Kanada, með áherslu á Manitoba fylki sem haldinn var í dag. Fundurinn var einkum ætlaður fólki með iðn- og háskóla­menntun. Áhugi var á atvinnumöguleikum á gömlum Íslendingaslóðum.

HS Orka tapaði nær 11,7 milljörðum króna

Tap HS Orku, sem áður hét Hitaveita Suðurnesja, nam tæplega 11,7 milljörðum króna á síðasta ári.

Tap Byrs nær 29 milljarðar króna

Byr spari­sjóður tapaði 28,8 milljörðum króna á síðasta ári. Það er mikill viðsnúningur frá árinu á undan en þá var hagnaður tæplega 8 milljarðar króna. Uppgjör Byrs ber þess skýr merki, að á síðasta ári reið yfir íslenskt efnahagslíf eitt versta áfall síðari tíma.

Hvetur útgerðir til að vinna sem mest af makríl til manneldis

Steingrímur J. Sigfússon sjávar­útvegs­ráðherra hvetur útgerðir til að vinna sem mest af makrílafla sínum til manneldis sem skilar umtalsvert meiri verðmætum en fari aflinn til bræðslu og er auk þess meira í anda sjálfbærrar þróunar.

Nítján sóttu um starf for­stjóra Fjármála­eftirlitsins

Nítján manns sóttu um starf for­stjóra Fjármála­eftirlitsins en umsóknarfrestur rann út 11. mars. Listi umsækjenda fer hér á eftir.

44 fasteignir seldar á höfuðborgar­svæðinu í vikunni

Fjöldi þinglýstra kaupsamninga á höfuðborgar­svæðinu 6. mars til og með 12. mars 2009 var 44. Engum kaupsamningi þinglýst á Suðurnesjum í vikunni en 4 á Akureyri og 2 á Árborgar­svæðinu.

Olíufundur undan Brasilíuströndum hugsanlega hinn mesti í þrjátíu ár

Risaolíu­félagið ExxonMobil tilkynnti í ársbyrjun um olíufund á svæði sem kallast Azulao-1, undan ströndum Brasilíu. Nánari rannsóknir leiða í ljós að þessi olíufundur, til viðbótar við fund brasilíska olíu­félagsins Petrobras á svokölluðu Tupi-svæði, geti verið hinn mesti í þrjátíu ár.

Helguvík: Um 3.300 ársverk vegna framkvæmda

Alls skapast um 3.300 ársverk í kringum framkvæmdir vegna byggingar álvers Norðuráls í Helguvík. Mestur verður fjöldinn á vormánuðum 2011 en þá er talið að 1200-1500 starfsmenn verði í byggingaframkvæmdum, hönnun og bygginga­stjórn.

Viljayfirlýsing um flutning þjónustu fatlaðra til sveitar­félaga

Viljayfirlýsing milli ríkis­stjórnar­innar og Sambands íslenskra sveitar­félaga um að sveitarfélög landsins taki við málefnum fatlaðra af ríkinu árið 2011 var undirrituð í dag. Heildarkostnaður þjónustu ríkisins við fatlaða nemur nú kringum 10 milljörðum króna árlega.

Skipta­stjóri í þrotabúi Baugs Group

Erlendur Gíslason, lögmaður hjá lögmannsstofunni Logos, hefur verið skipaður skipta­stjóri þrotabús Baugs Group. Félagið var lýst gjaldþrota í Héraðsdómi Reykjavíkur í dag.

Helguvík: Rétt tímasetning og mikilvægar tekjur

Jafnvel þeir, sem eru á móti stóriðju, viðurkenna að ef á annað borð sé til rétt tímasetning fyrir að ráðast í framkvæmdir þá sé sá tími runninn upp. Efnahagslífið þarf á verulegri innspýtingu að halda og aukið atvinnuleysi kallar á aðgerðir í atvinnumálum.

Fjallað verði um sameiningu sveitar­félaga á Alþingi

Efling sveitar­félaga var meðal umfjöllunarefna Kristjáns L. Möller samgöngu­ráðherra þegar hann flutti ávarp við setningu landsþings Sambands íslenskra sveitar­félaga í dag. Ráðherrann setti fram þá hugmynd að Alþingi myndi ákveða sameiningarkosti með samráði við sveitarfélög.

Áframhaldandi greiðslustöðvun Hansa

Héraðsdómur Reykjavíkur hefur veitt Hansa ehf. áframhaldandi greiðslustöðvun til 8. júní næstkomandi. Félagið er í eigu Björgólfs Guðmundssonar en helsta eign þess er enska knattspyrnuliðið West Ham United.

63 aftursætisbanka­stjórar á Alþingi

Vilhjálmur Egilsson, framkvæmda­stjóri Samtaka atvinnulífsins, segir 63 aftursætisbanka­stjóra vera á Alþingi sem hver hafi sinn viðskiptavinahóp. Fjölmargir slíkir banka­stjórar séu einnig utan þings sem allir telji sig vita betur en bankastarfsmenn hvernig eigi að reka banka.

Færri erlendir ferðamenn en meiri tekjur af hverjum

Á síðasta ársfjórðungi ársins 2008 fækkaði erlendum ferðamönnum til Íslands miðað við sama ársfjórðung ársins á undan um 1,3%. Hins vegar varði hver erlendur ferðamaður að jafnaði meira en helmingi hærri upphæð í neyslu hér á sama tímabili.

Atkvæða­greiðsla utan kjörfundar getur hafist á morgun

Atkvæða­greiðsla utan kjörfundar getur hafist á morgun, laugardag, þar sem kjördagur fyrir kosningar til Alþingis hefur formlega verið ákveðinn 25. apríl næstkomandi.

Svigrúm til stýrivaxta­lækkunar

Mark Flanagan formaður sendi­nefndar Alþjóða­gjaldeyris­sjóðsins á Íslandi, segir að svigrúm sé að skapast fyrir lækkun stýrivaxta.

Krónan veikist á ný

Eftir hægfara styrkingu undanfarnar vikur veiktist krónan um rúm 2% í gær og hefur gengið lækkað um 0,8% til viðbótar það sem af er degi. Er nú gengi krónu gagnvart evru lægra en það hefur verið frá miðjum febrúar síðastliðnum, segir Greining Íslandsbanka.

Sendi­nefnd AGS á heimleið

Sendi­nefnd Alþjóðgjaldeyris­sjóðsins (AGS) sem verið hefur hér á landi er á heimleið. Rætt hefur verið um mótun stefnu í ríkisfjármálum til næstu ára, áætlun um afléttingu gjaldeyris­hafta og lækkun vaxta, nýja tíma­áætlun fyrir enduruppbyggingu bankarkerfisins og greiðsluaðlögun fyrir heimilin.

Neytenda­stofnanir auka eftirlit með bönkum og lána­stofnunum

Neytendastofa og norrænar systur­stofnanir hennar, sem fara með eftirlit og framkvæmd laga á sviði neytendamála á Norðurlöndunum, hafa markað sér þá sameiginlegu stefnu fyrir næsta ár að auka eftirlit með bönkum og lána­stofnunum með það að markmiði að réttindi neytenda séu að fullu virt.

SA: Endurreisn atvinnulífs gengur allt of hægt

Samtök atvinnulífsins lýsa þungum áhyggjum af stöðu atvinnu- og efnahagsmála í bréfi til formanna stjórnmála­flokkanna. Þar segir að allt of hægt hafi gengið að taka lykilákvarðanir um endurreisn atvinnulífsins og seinagangurinn valdi íslenskum fyrirtækjum enn meiri erfiðleikum en fyrirsjáanlegt var.

Hnökrar lagfærðir í prófkjöri Samfylkingar­innar

Netkosningu í prófkjöri Samfylkingar­innar í Reykjavík var lokað tímabundið í gærkvöldi vegna hnökra á kerfinu en hefur verið opnuð á ný eftir lagfæringar. Hægt var að sjá hverjir höfðu kosið í prófkjörinu og hvort fólk væri á kjörskrá.

Karl V. gengur til liðs við Frjálslynda flokkinn

Karl V. Matthíasson, þingmaður Samfylkingar­innar, hefur ákveðið að ganga til liðs við Frjálslynda flokkinn. Hann fékk ekki brautargengi í prófkjöri Samfylkingar­innar um síðustu helgi. Karl segir hugsjónir sínar um sjávar­útvegsmál eiga hljómgrunn í Frjálslynda flokknum.

Fjölgun þjófnaða og innbrota í efnahagskreppunni

Kreppan segir til sín víða. Þjófnuðum og innbrotum hefur fjölgað verulega frá því seinni hluta árs 2008 og fram í byrjun árs 2009. Niðurstöður samantektar ríkislögreglu­stjóra sýna að brotin eru 98% fleiri en yfir sama tímabil árið á undan.

Aukinn fiskafli

Heildarafli íslenskra skipa í nýliðnum febrúarmánuði, metinn á föstu verði, var 27% meiri en í febrúar 2008. Aflinn nam alls 99.648 tonnum í febrúar 2009 samanborið við 85.808 tonn í sama mánuði árið áður.

Aukinn launakostnaður nema í iðnaði

Heildarlaunakostnaður á greidda stund jókst um 8,1% frá fyrri ársfjórðungi í samgöngum og flutningum, 6,1% í iðnaði, 5,7% í verslun og viðgerðarþjónustu og 5,3% í byggingarstarfsemi og mannvirkjagerð. Heildarlaunakostnaður á greidda stund án óreglulegra greiðslna jókst í áður­nefndum atvinnugreinum nema iðnaði.

Markmið Heilsu­félags Reykjaness er að skapa 300 ný störf

Sveitarfélögin Garður, Sandgerði, Reykjanesbær og Vogar auk Þróunar­félags Keflavíkurflugvallar, Bláa Lónsins og Keilis – Miðstöðvar vísinda, fræða og atvinnulífs hafa stofnað Heilsu­félag Reykjaness um uppbyggingu á heilsutengdum tækifærum á Reykjanesi. Meginmarkmið félagsins er að skapa 300 störf.

Fýkur í evrópsk skattaskjól

Evrópsku smáríkin Andorra og Liechtenstein hafa látið undan þrýstingi og munu ekki lengur halda hlífiskildi yfir ríkum útlendingum sem sent hafa gríðarlega fjármuni þangað í skattaskjól. Afstaða yfirvalda í þessum ríkjum eykur mjög þrýstinginn á stjórnvöld í Sviss.

Koma þarf í veg fyrir hrun byggingariðnaðar

Mikill samdráttur í byggingariðnaði hefur gríðarleg margfeldisáhrif og leiðir til enn frekari samdráttar í efnahagslífinu og minni hagvaxtar. Takist að koma í veg fyrir hrun greinarinnar skilar það sér margfalt til baka til sam­félagsins, segir Ásgeir Magnússon, verkefna­stjóri byggingasviðs SI.

Sjálfstæðis­flokkur stærstur - meirihluti styður ríkis­stjórn

Tæp 60% landsmanna styðja minnihluta­stjórn Samfylkingar og Vinstri grænna, samkvæmt nýrri skoðanakönnun Capacent Gallup. Sjálfstæðis­flokkurinn er stærsti stjórnmála­flokkur landsins en Samfylkingin fylgir fast á hæla hans.