Laugardagurinn 7. mars 2009
Átján Hells Angels meðlimir verið stöðvaðir
Allt hefur verið með kyrrum kjörum í Flugstöð Leifs Eiríkssonar í dag. Alls hafa 18 Hells Angels meðlimir verið stöðvaðir undanfarna daga og eru þeir farnir úr landi. Umferð um flugstöðina hefur gengið vel og tíðindalítið fyrir sig.
Atli Gíslason efstur hjá VG í Suðurkjördæmi
Atli Gíslason alþingismaður sigraði í forvali Vinstri grænna í Suðurkjördæmi.
Sigmundur Ernir líklegur á þing -Kristján Möller efstur
Kristján L. Möller samgönguráðherra varð í efsta sæti í prófkjöri Samfylkingarinnar í Norðausturkjördæmi. Sigmundur Ernir Rúnarsson fjölmiðlamaður varð í öðru sæti. Líklegt er að Sigmundur Ernir hafi tryggt sér þingsæti í prófkjörinu.
Grétar Mar efstur hjá Frjálslyndum í Suðurkjördæmi
Grétar Mar Jónsson skipar fyrsta sætið á lista Frjálslynda flokksins i Suðurkjördæmi fyrir kosningarnar í vor. Valip var á lista flokksins á kjördæmisfélagi flokksins í dag.
Sigmundur Davíð efstur í Reykjavík norður en Vigdís í suður
Sigmundur Davíð Gunnlaugsson, formaður Framsóknarflokksins, verður í efsta sæti á lista flokksins fyrir þingkosningarnar í vor í Reykjavíkurkjördæmi norður. Vigdís Hauksdóttir leiðir lista flokksins í Reykjaíkurkjördæmi suður.
Kolbrún efst hjá Frjálslynda flokknum í SV-kjördæmi
Kolbrún Stefánsdóttir, framkvæmdastjóri Sjálfbjargar, skipar 1. sæti á lista Frjálslynda flokksins í Suðvesturkjördæmi í komandi þingkosningum. Helgi Helgason stjórnmálafræðingur verður í öðru sæti.
Lítill stuðningur við Jón Baldvin
Lítill stuðningur er við framboð Jóns Baldvins Hannibalssonar í formennsku Samfylkingarinnar meðal stuðningsmanna flokksins. Þetta kemur fram í skoðanakönnun MMR. Ingibjörg Sólrún nýtur stuðnings mikils meirihluta.
Samkeppniseftirlitið hluti af froðuhagkerfinu segir Jón Bjarnason
Jón Bjarnason, þingmaður Vinstri grænna, segir að Samkeppniseftirlitið sé á villigötum eftir að það sektaði Bændasamtök Íslands um 10 milljónir króna vegna ólögmæts samráðs. Þingmaðurinn segir að lagaumgjörð og áherslur Samkeppniseftirlitsins séu hluti af því kerfi sem leiddi hrun þess froðuhagkerfisins.
Stór skref í endurskipulagningu Kaupþings í Lúx
Mikilvægur áfangi hefur náðst í endurskipulagningu Kaupthing Bank Luxembourg S.A., dótturfélags Kaupþings banka hf. með samkomulagi milli bankanna um uppgjör sín á milli. Samkomulagið er hluti af endurskipulagningu bankans sem var samþykkt af yfirvöldum í Lúxemborg með samningi við fjárfestingarsjóð í eigu Líbýskra yfirvalda frá því í desember 2008.
Lánaði 478 milljarða til eiganda sinna
Gamli Kaupþings bankani lánaði nokkrum stærstum eigendum sínum og aðilum tengdum þeim 478 milljarða króna. Um er að ræða lán til félaga í eigu Ágústs og Lýðs Guðmundssonar, Ólafs Ólafssonar og Roberts Tchenguiz.
Beiðni Hansa um lengri greiðslustöðvun frestað
Beiðni Hansa, eignarhaldsfélag Björgólfs Guðmundssonar um enska knattspyrnufélagið West Ham, um framlengingu greiðslustöðvunar var tekin fyrir í gær hjá Hérðasdómi. Beiðnin var ekki afgreidd en dómari mun taka afstöðu til málsins í komandi viku.
Smáfuglarnir velta fyrir sér, hve langt aftur rannsóknarnefnd bankahrunsins ætlar að leita og hvaða kvarða hún ætlar að nota um dómgreind þeirra, sem að því hafa komið að því að reisa þjóðinni þann hurðarás um öxl, sem blasir við öllum eftir hrun bankanna.
Hillary Clinton og Sergei Lavrov, utanríkisráðherrar Bandaríkjanna og Rússlands, hittust í Genf föstudaginn 6. mars, daginn eftir að Hillary var í Brussel, þar sem hún hitt því miður ekki Össur Skarphéðinsson, af því að hann ákvað að sitja heima.