Föstudagurinn 6. mars 2009

Vissu ekki um Black Sunshine

Stjórnar­menn í gamla Kaupþingi heyrðu fyrst um félagið Black Sunshine hjá fréttamanni en bandarísk undirmálslán sem Kaupþing fjárfesti í enduðu í þessu félagi í Lúxemborg, sagði í frétt Stöðvar 2. Fyrrverandi for­stjóri Kaupþings hafnar því að bókhald félagsins hafi verið fegrað.

Rannsóknar­nefndin skoðar fjölmiðla- og stjórnmálamenn

Rannsóknar­nefnd Alþingis um bankahrunið mun óska eftir starfsmannalistum frá öllum fjölmiðlum landsins og er ætlunin að kanna hvort starfsmenn fjölmiðla hafi notið óeðlilegrar fyrir­greiðslu hjá bönkunum. Þá verður skoðað hvort stjórnmálamenn hafi fengið sérstaka fyrir­greiðslu í bankakerfinu.

Vítisenglum vísað frá Leifsstöð

Lög­reglan hefur í dag og undanfarna daga stöðvað félaga í vélhjóla­samtökunum Hells Angels, eða Vítisenglum og stuðningsklúbbum við komu þeirra til Keflavíkurflugvallar. Mönnunum hefur verið meinuð landganga og er hluti þeirra er farinn úrt landi.

Mun stjórnlagaþing kosta 1.200 til 1.500 milljónir króna?

Mun stjórnlagaþing kosta 1.200 til 1.500 milljónir króna? Svo spyr Birgir Ármannsson alþingis­maður og segir með ólíkindum að forsætis­ráðherra og fjármála­ráðherra skuli flytja mál af þessu tagi án þess að geta gert grein fyrir áætluðum kostnaði vegna þess.

Bænda­samtökin telja sig ekki hafa brotið samkeppnislög

Bænda­samtök Íslands telja sig ekki hafa brotið samkeppnislög en svo telur Samkeppnis­eftirlitið sem úrskurðað hefur að BÍ skuli greiða 10 milljónir króna í stjórnvaldssekt fyrir það sem kallað er ólöglegt verðsamráð.

Ferðamálaráð uggandi vegna hvalveiða

Ferðamálaráð tekur undir þær áhyggjur sem Samtök ferðaþjónustunnar og fyrirtæki í Hvalaskoðunar­samtökum Íslands, hafa þegar lýst af fyrirhuguðum hvalveiðum Íslendinga.

Ferðakostnaður ráðherra og ríkisstarfsmanna lækkaður

Fjármála­ráðherra vill lækka dagpeninga starfsmanna ríkisins á ferðalögum erlendis. Jafnframt hefur hann ákveðið að breyta sérstökum ákvæðum um endurgreiddan ferðakostnað og dagpeninga til ráðherra og æðstu embættismanna ríkisins.

Ólögmætt verðsamráð á vettvangi Bænda­samtaka Íslands

Samkeppnis­eftirlitið hefur komist að þeirri niðurstöðu að Bænda­samtök Íslands hafi brotið gegn samkeppnislögum með aðgerðum sem miðuðu að því að hækka verð á búvörum. Snýr brotið að búvörum sem ekki lúta opinberri verðlagningu skv. búvörulögum, s.s. kjúklingum, eggjum, grænmeti og svínakjöti.

Norrænir námsmannastyrkir í kreppunni

Samstarfs­ráðherrar Norðurlanda samþykktu að veita jafnvirði 14,4 milljóna danskra króna til að aðstoða Íslendinga í fjármálakreppunni. Meginmarkmiðið er aðstoða fræðimenn og ungt fólk sem hyggst stunda nám og rannsóknir í háskólum á Norðurlöndum.

Tveir fyrrum miðlarar Kaupþings ákærðir

Tveir fyrrverandi verð­bréfamiðlarar hjá gamla Kaupþingi hafa verið ákærðir fyrir markaðsmisnotkun. Er þeim gefið að sök að hafa reynt að hafa áhrif á verð­myndun skulda­bréfa í Exista til hækkunar.

Debenhams að kaupa Principles

Breska sjónvarpsstöðin Sky News segir, að verslunarkeðjan Debenhams sé að kaupa keðjuna Principles af Mosaic Fashons.

Ríkis­stjórnin hyggst skapa 4000 ný ársverk

Ríkis­stjórnin hefur samþykkt viðtækar tillögur í atvinnumálum, sem ætlað er að skapa ríflega 4000 ársverk á næstu misserum. Það eru störf í byggingariðnaði, við byggingu snjóflóðavarnagarða, gróðursetningu, kvikmynda­gerð, ferðaþjónustuverkefni og fleira.

Stork með 50 milljarða í handbæru fé

Stork samstæðan, sem meðal annars er í eigu Eyris Invest, skilaði um 25 milljarða hagnaði á síðasta ári. Handbært fé fyrirtækisins er hátt í 50 milljarðar króna eða 330 milljónir evra. Í frétt frá félaginu kemur fram að það sé vel fjármagnað til lengri tíma.

Raungengi krónunnar enn afar lágt

Raungengi krónunnar er enn afar lágt í sögulegu samhengi þrátt fyrir þann bata sem orðið hefur síðustu mánuði. Þannig er raungengið nú fimmtungi undir langtímameðaltali og þriðjungi lægra en það var í lok árs 2005 þegar það náði hámarki, segir Greining Íslandsbanka.

Samið um uppgjör vegna dóttur­félags Glitnis í Lúxemborg

Skila­nefnd Glitnis og Seðlabanki Lúxemborgar hafa undirritað samning um hvernig staðið skuli að uppgjöri skulda vegna dóttur­félags Glitnis í Lúxemborg. Með samningnum hefur tekist að verja mikilvæga hagsmuni Glitnis og viðskiptavina hans, segir skila­nefndin.

Bréf Stoða valda Royal Unibrew vanda

Staða danska brugg­fyrirtækisins Royal Unibrew er alvarleg. Verð hluta­bréfa félagsins hefur helmingast undanfarna sjö daga og hefur ekki verið lægra síðan 1988. Óvissa um stöðu fimmtungshlutar Stoða í félaginu veldur félaginu m.a. vanda á markaði.

Bónus oftast með lægsta verðið

Bónus var oftast með lægsta verðið í verðkönnun ASÍ í lágvöruverðs­verslunum. Nettó var oftast með hæsta verðið. Mestur verðmunur í könnuninni var 92% á tannkremstúpu og mestur verðmunur á heilhveitibrauði var 84%.

Samdráttur hjá ríkis­sjóði

Handbært fé frá rekstri ríkis­sjóðs var jákvætt um 16 milljarða króna í janúar. Það er 9,4 milljörðum lakari útkoma en á sama tíma í fyrra.

Samdráttur landsframleiðslu á síðasta ársfjórðungi

Landsframleiðsla er talin hafa dregist saman um 0,9% að raungildi frá 3. ársfjórðungi 2008 til 4. ársfjórðungs 2008. Á sama tíma drógust þjóðar­útgjöld saman um 14%.

Aukið umferðar­eftirlit á Hafnarfjarðarvegi

Lög­reglan á höfuðborgar­svæðinu boðar aukið umferðar­eftirlit á Hafnarfjarðarvegi en þar hefur borið á hraðakstri. Sýnileg löggæsla verður aukin og ökumenn mega búast við því að sjá lög­reglumenn við radarmælingar.

Landsframleiðslan jókst um 0,3% á síðasta ári

Landsframleiðslan á árinu 2008 varð 1.465 milljarðar króna og jókst að raungildi um 0,3% frá fyrra ári. Þessi vöxtur kemur í kjölfar 5,5% vaxtar á árinu 2007.

Berglind sett aðstoðar­yfirlög­regluþjónn í efnahagsbrota­deild

Dóms- og kirkjumála­ráðherra hefur að tillögu ríkislögreglu­stjóra sett Berglindi Kristinsdóttur til þess að gegna embætti aðstoðar­yfirlög­regluþjóns í efnahagsbrota­deild tímabundið um hálfs árs skeið.

Fundu leynilegan bankareikning Baggers í Bretlandi

Efnahagsbrota­deild dönsku lög­reglunnar komst á snoðir um leynilegan bankareikning danska fjársvikarans Stein Baggers í Bretlandi. Vegna þessa er honum haldið lengur í varðhaldi. Yfirvöld vilja ekki að hann sleppi undan réttvísinni á ný.

Starfsmönnum boðin húsgögn Baugs

Jón Ásgeir Jóhannesson, stjórnar­formaður Baugs, býður nú húsgögn af skrifstofum félagsins í London til sölu. Húsgögnin voru boðin núverandi og fyrrverandi starfsmönnum fyrirtækisins í tölvupósti.

Rannsókna­nefndin vill lista yfir stjórnendur 365

Rannsóknar­nefnd Alþingis um bankahrunið hefur óskað eftir að fá lista yfir þá sem hafa starfað sem stjórnar­menn í 365 frá 2004 til 2008 og yfirmenn hjá fyrirtækinu. Þetta kemur fram í frétt Fréttablaðsins í morgun.

LÍÚ: Megum ekki draga úr því öryggi sem þyrlurnar veita

Við megum ekki undir neinum kringumstæðum draga úr því öryggi sem þyrlurnar veita okkur,“ segir Friðrik J. Arngrímsson, framkvæmda­stjóri LÍÚ og lýsir áhyggjum sínum yfir þeim áhrifum sem niðurskurður ríkisútgjalda hefur á starfsemi Landhelgisgæslunnar.

Greiðslubyrði húsnæðislána í erlendri mynt minnkuð

Í komandi viku geta viðskiptavinir Íslandsbanka sótt um greiðslujöfnun á húsnæðislánum í erlendri mynt. Miðað verður við greiðslubyrði eins og hún var 1. maí á síðasta ári. Þá var gengisvísitalan rétt undir 150 stig en í lok dag í gær var gengisvísitalan 188,11 samkvæmt upplýsingum M5.is.