Fimmtudagurinn 5. mars 2009

Vinna fyrir faglærða Íslendinga í Manitoba

Faglærðum Íslendingum býðst fljótlega tímabundin atvinna í Kanada. Atvinnu og innflytjendamála­ráðherra Manitoba, Nancy Allan segir helst vanta þar fólk í byggingariðnaði, fólk með menntun í upplýsinga­tækni og orkumálum.

Össur pressar á Helguvíkurálver

Össur Skarphéðinsson iðnaðar­ráðherra leggur allt kapp á að fá Alþingi til að samþykkja fjárfestingasamning um álver í Helguvík. Þetta kom fram í máli ráðherrans á Iðnþingi í dag.

Segir ESB ekki valkost heldur nauðsyn

Þórður Magnússon, stjórnar­formaður Eyrir Invest, sagði á Iðnþingi í dag að aðild okkar að Evrópu­sambandinu væri ekki valkostur heldur brýn nauðsyn.

Ný heimasíða ramma­áætlunar um nýtingu vatnsafls og jarðvarma

Markmið ramma­áætlunar er að meta og forgangsraða á faglegan og hlutlægan hátt vernd og nýtingu íslenskra náttúrusvæða gagnvart virkjunarkostum fallvatna og háhitasvæða. Leggja skal mat á og flokka virkjunarkosti.

Tímabundið landamæra­eftirlit í Leifsstöð

Dóms- og kirkjumála­ráðherra hefur ákveðið að tímabundið landamæra­eftirlit á innri landamærum Schengen-svæðisins fari fram í Flugstöð Leifs Eiríkssonar dagana 5.-7. Aðgerðin er talin tengjast hugsanlegri komu félaga Vítisengla­samtakanna hingað.

Hundruð eignar­halds­félaga stofnuð í Lúxemborg

Hundruð eignar­halds­félaga, tengd íslendingum og íslenskum fyrirtækjum, hafa verið stofnuð í Lúxemborg á undanförnum árum. Flest félögin hafa verið stofnuð á vegum íslensku bankanna, að því er fram kom í kvöldfréttum Sjónvarps.

Sam­félagsverðlaun Fréttablaðsins afhent

Sam­félagsverðlaun Fréttablaðsins voru afhent við hátíðlega athöfn í Þjóðmenningarhúsinu í dag. Forseti Íslands, Ólafur Ragnar Grímsson, afhenti verðlaunin.

Sjálfstæðis­flokkurinn stærstur - stjórnar­flokkarnir í meirihluta

Fylgi Samfylkingar­innar tekur dýfu samkvæmt nýrri könnun Capacent Gallups. Sjálfstæðis­flokkurinn hefur mest fylgi, en ríkis­stjórnar­flokkarnir fengju meirihluta þingsæta, gengi þessi niðurstaða eftir í kosningum, sagði í kvöldfréttum Ríkisútvarpsins.

Kannabisræktun í Kópavogi stöðvuð

Lög­reglan á höfuðborgar­svæðinu stöðvaði kannabisræktun í húsi í Kópavogi síðdegis í gær. Við húsleit á áður­nefndum stað fundust um 50 kannabisplöntur, flestar á lokastigi ræktunar. Einnig var lagt hald á nokkra gróðurhúsalampa.

Stóriðja vettvangur sprotafyrirtækja

Rannveig Rist, for­stjóri Ísal í Straumsvík, segir það misskilning að nýsköpun í atvinnulífinu og stóriðja fari ekki saman. Þvert á móti hafa álverin verið vettvangur fyrir sprota­fyrirtæki.

Seðlabanka­stjórastöðurnar auglýstar

Forsætis­ráðherra hefur, í samræmi við ný lög um Seðlabanka Íslands, auglýst embætti seðlabanka­stjóra og aðstoðar­seðlabanka­stjóra laus til umsóknar. Umsóknarfrestur er til 31. mars nk.

Danski seðlabankinn fylgir í kjölfar þess evrópska og lækkar stýrivexti

Danski seðlabankinn fylgdi síðdegis í fótspor Seðlabanka Evrópu og lækkaði stýrivexti sína. Evrópski seðlabankinn lækkaði vexti um 0,5%, niður í 1,5%. Danski seðlabankinn lækkaði stýrivexti sína um 0,75%, úr 3% í 2,25%.

Jón Þorsteinn hættir sem stjórnar­formaður Byrs

Jón Þorsteinn Jónsson, stjórnar­formaður, hefur tilkynnt stjórn Byrs, að hann sjái sig knúinn til að láta tímabundið af stjórnar­störfum fyrir spari­sjóðinn fram að næsta aðalfundi hans. Við stjórnar­formennsku Jóns Þorsteins tekur Jón Kristjánsson sem verið hefur varaformaður stjórnar Byrs.

Eftirlauna­frumvarp orðið að lögum

Frumvarp um eftirlaun forseta, ráðherra, þingmanna og hæstaréttardómara var samþykkt á Alþingi nú eftir hádegi. Frumvarpið var afgreitt með öllum greiddum atkvæðum. Þar með hafa umdeild lög um eftirlaun verið numin úr gildi.

Efla þarf stoðir atvinnustarfsemi í landinu

Íslenskt sam­félag á nú allt undir því að efldar verði stoðir atvinnustarfseminnar í landinu. Þetta kom fram í erindi Ólafs Ísleifsson hag­fræðings á Iðnþingi Samtaka iðnaðarins sem fram fer í dag.

„Megum ekki draga úr því öryggi sem þyrlurnar veita okkur“

„Við megum ekki undir neinum kringumstæðum draga úr því öryggi sem þyrlurnar veita okkur,“ segir Friðrik J. Arngrímsson, framkvæmda­stjóri LÍÚ og lýsir áhyggjum sínum yfir þeim áhrifum sem niðurskurður ríkisútgjalda hefur á starfsemi Landhelgisgæslunnar.

SI: Lækkun vaxta og endurreisn bankakerfisins meðal forgangsmála

Samtök iðnaðarins segja að lækkun vaxta og endurreisn bankakerfisins séu meðal forgangsmála í endurreisn efnahagslífsins. Afnema verður gjaldeyris­höft, semja við erlenda kröfuhafa, auka útflutningstekjur og blása lífi í fasteigna­markaðinn. SI telja að sækja eigi um aðild að Evrópu­sambandinu.

Vextir Englandsbanka ekki lægri frá árinu 1694

Englandsbanki lækkaði í dag stýrivexti sína um 50 punkta, 0,5%. Vextirnir eru nú 0,5% og hafa aldrei verið lægri í sögu bankans sem nær aftur til ársins 1694. Mervyn King, banka­stjóri Englandsbanka, viðurkennir að vaxta­vopnið sé hætt að virka.

Mosaic Fashions gjaldþrota

Stjórn bresku tískuvörukeðjunnar Mosaic Fashions óskar eftir gjaldþrotaskiptum félagsins enda er félagið ófært um að standa við skuldbindingar sínar. Eignar­hlutur Baugs í félaginu var nær helmingur.

Makaskipti halda uppi fölsku íbúðaverði

Nafnverð íbúðar­húsnæðis á höfuðborgar­svæðinu hefur lækkað um tæplega 4% frá hruni bankanna og um tæplega 6% á síðastliðnum tólf mánuðum. Lækkunin er lítil miðað við að hagkerfið er að ganga í gegnum eina erfiðustu kreppu sem það hefur tekist á við, segir Greining Íslandsbanka.

Hagvaxta­rtölur væntanlegar

Líklegt er að nokkur hagvöxtur hafi verið á Íslandi í fyrra þrátt fyrir sífellt fastari tök fjármálakreppunnar á hagkerfinu eftir því sem leið á árið. Hagstofan birtir í fyrramálið þjóðhagsreikninga fyrir síðasta fjórðung nýliðins árs og þar með bráðabirgðatölur fyrir árið í heild.

Laun lækkuð í sænskum iðnaði

Eftirspurn eftir sænskum iðnaðarvörum hefur dregist verulega saman. Til að koma í veg fyrir uppsagnir fólks hafa því samtök atvinnurekenda í Svíþjóð og verkalýðsfélög samið um allt að 20% tímabundna lækkun launa.

Air France-KLM áhugasamt um kaup á tékkneska flug­félaginu CSA

Risaflug­félagið Air France-KLM hefur augastað á tékkneska flug­félaginu CSA en til stendur að einkavæða það. Fleiri líta það hýru auga, meðal annars rússneska flug­félagið Aeroflot.

Vöruskiptin hagstæð um 52 milljarða síðustu sex mánuði

Vöruskiptajöfnuður við útlönd hefur verið hagstæður um tæplega 51,1 milljarð króna á síðustu sex mánuðum. Allt frá september á síðasta ári hefur verið afgangur af vöruskiptum við útlönd og mest í desember eða 24,2 milljarðar króna.

Hrefnan étur allt að 300 þúsund tonn af þorski og ýsu á ári

Niðurstöður hrefnurannsókna Hafrannsókna­stofnunarinnar á árunum 2003-2007 benda til þess hrefnan éti árlega allt að 300.000 tonn af þorski og ýsu. Það er fimmfalt meira magn en eldri rannsóknir hafa leitt í ljós. Til samanburðar má nefna að heildaraflamark þorsks og ýsu á yfirstandandi fiskveiðiári er um 250.000 tonn.

Ramma­áætlun um nýtingu vantsafls og jarðvarma

Verkefnis­stjórn ramma­áætlunar um nýtingu vatnsafls og jarðvarma hefur opnað heimasíðuna www.ramma­áætlun.is. Vefsíðan er sniðin að þeim sem vilja kynna sér ramma­áætlun, tilurð hennar, markmið, verklag og framgang.

Íslendingum búsettum erlendis í meira en átta ár gert kleift að kjósa

Breyting á lögum um kosningar til Alþingis sem tók gildi í dag gerir íslenskum ríkisborgurum, sem hafa verið búsettir erlendis í meira en átta ár og höfðu ekki sótt um að verða teknir á kjörskrá fyrir 1. desember sl., kleift að kjósa í alþingis­kosningunum 25. apríl nk.

Gjaldþrotamet í Danmörku

Gjaldþrot fyrirtækja í Danmörku hafa aldrei verið fleiri, segir í nýjum tölum dönsku Hagstofunnar. Í febrúar urðu 513 dönsk fyrirtæki gjaldþrota og í desember voru þau 470.

Laun á almennum vinnu­markaði lækkuðu en hækkuðu hjá hinu opinbera

Laun opinberra starfsmanna hækkuðu um 2,7% á síðasta ársfjórðungi liðins árs, en laun á almennum vinnu­markaði lækkuðu um 0,5% miðað við þriðja fjórðung. Þetta kemur fram í útreikningi Hagstofunnar á launavísitölu sem hækkaði í heild um 0,4%.

Fækkun gistinátta á hótelum

Gistinóttum á hótelum í janúar fækkaði en fækkun gistináttanna má eingöngu rekja til Íslendinga, gistinóttum Íslendinga fækkaði um 33%, en gistinóttum útlendinga fjölgaði um 6% milli ára.

Sviptingar á rússneskum bjór­markaði

Sú var tíðin að Íslendingar fylgdust með rússneskum bjór­markaði meðan Björgólfsfeðgar voru þar. Stærstu bjórrisar heims bítast enn um þann mikla ölmarkað. Líklegt er að Anheuser-Bush selji dóttur­félag sitt þar sem kæmi dóttur­félagi Carlsberg til góða.

Bændur einhuga gegn aðild að Evrópu­sambandinu

Bændur eru einhuga gegn aðild að Evrópu­sambandinu. Það kom fram á Búnaðarþingi sem lauk í gærkvöld. Búnaðarþing lýsti óánægju sinni með að ekki skuli staðið við búvörusamninga.

Banka­stjórnendum helst kennt um hrunið

Næstum tveir af hverjum þremur landsmönnum telja að eigendur og stjórnendur bankanna hafi valdið mestu um bankahrunið í haust. Þetta kemur fram í könnun sem Viðskiptablaðið birtir í dag.

Containerships yfirtekur rekstur Contaz Line

Containerships í Finnlandi sem að hluta til er í eigu Eimskip hefur yfirtekið rekstur á fyrirtækinu Contaz Line sem er lítið skipa­félag með starfsemi í Miðjarðarhafinu.