Mánudagurinn 2. mars 2009

Hús rýmd í Bolungarvík vegna snjóflóðahættu

Lýst hefur verið yfir hættustigi vegna snjóflóðahættu í Bolungarvík og hefur verið ákveðið að rýma reit 4, en þar eru eftirtalin hús: Ljósaland 2, Traðarland 18-21-22 og Tröð I.

Leitin að Aldísi Westergren heldur áfram

Leit lög­reglunnar á höfuðborgar­svæðinu að Aldísi Westergren, 37 ára, hefur enn engan árangur borið en síðast er vitað um ferðir hennar við Gvendargeisla í Grafarholti í Reykjavík þriðjudaginn 24. febrúar.

Nýr framkvæmda­stjóri DHL á Íslandi

Christophe Piganiol hefur tekið til starfa sem nýr framkvæmda­stjóri hjá DHL á Íslandi. Christophe tekur við starfinu af Shad Hallam sem tekur við nýju starfi hjá DHL í Svíþjóð.

Enginn arður og stjórnar­laun lækkuð

Stjórn Icelandair Group hf. leggur til við aðalfund félagsins að ekki verði greiddur arður vegna rekstrarársins 2008. Stjórnin leggur enn fremur til að laun stjórnar­manna verði lækkuð um 20%.

Viðbúnaður vegna snjóflóðahættu á norðanverðum Vestfjörðum

Viðbúnaður er vegna snjóflóðahættu á norðanverðum Vestfjörðum. Snjólfóðavakt Veðurstofu Íslands hefur lýst yfir óvissuástandi vegna hættunnar.

Kaupþing yfirtekur hluta Mosaic Fashions

Kaupþing hefur ákveðið, í samvinnu við fyrrum stjórnendur Mosaic Fashions, að stofna félagið Aurora Fashions sem tekur yfir rekstur verslanakeðjanna Karen Millen, Coast, Warehouse og Oasis sem áður tilheyrðu Mosaic Fashions.

Brim segir upp fólki á Grenivík

Nær öllum starfsmönnum landvinnslu Brims á Grenivík hefur verið sagt upp störfum. Starfsmenn eru sextán og hefur þrettán þeirra verið sagt upp.

Icelandair Group tapaði 7,5 milljörðum á liðnu ári

Tap á rekstri Icelandair Group á síðasta ári nam 7,5 milljörðum króna. Árið áður var 257 milljóna króna hagnaður af rekstri félagsins.

For­stjóri Freddie Mac hættir

David Moffet, for­stjóri bandaríska fasteignabankans Freddie Mac, hefur sagt upp störfum. Samhliða leitar bankinn enn á náðir bandarískra stjórnvalda um aðstoð.

Dollarinn styrkist og styrkist

Samhliða því að ástand versnar stöðugt á hlutabréfa­markaði styrkist Bandaríkjadollar og virðist nú vera hin örugga höfn. Japanska jenið býður ekki lengur sama stöðugleika og áður og því leitar fjárfestar í dollar. Styrking dollars gagnvart evru er veruleg.

Íslensk sala í Grimsby í fyrsta sinn í mörg ár

„Það eru einhver ár frá því íslenskt fiskiskip landaði þarna síðast,“ segir Eiríkur Tómasson, framkvæmda­stjóri Þorbjarnar hf. í Grindavík, en skip félagsins, Sturla GK 12, seldi í dag 65 tonn af blönduðum afla á fisk­markaði í Grimsby.

Kínverjar sagðir kaupa Volvo fyrir mánaðamót

Kínverski bílaframleiðandinn Geely Automobile Holdings mun kaupa Volvo áður en marsmánður er úti, fullyrðir Asíuútgáfa Wall Street Journal. Ford á Volvo. Viðræður Ford og Geely um Volvo eru sagðar hafa staðið vikum saman.

Úrskurðar­nefnd lækkar fiskverð um 10-15%

Á fundi Úrskurðar­nefndar sjómanna og útvegs­manna í dag, 2. mars, var ákveðið að lækka verð á slægðum og óslægðum þorski og slægðri og óslægðri ýsu, sem ráðstafað er til eigin vinnslu eða seld til skyldra aðila. Karfaverð er óbreytt.

Sigmundur Davíð gagnrýnir ríkis­stjórnina fyrir aðgerðaleysi

Sigmundur Davíð Gunnlaugsson, formaður Framsóknar­flokksins gagnrýnir ríkis­stjórn Jóhönnu Sigurðardóttur harðlega fyrir aðgerðaleysi. Ríkis­stjórnin er minnihluta­stjórn og ver Framsóknar­flokkurinn hana falli.

Ríkissafn Íslandsbanka fær góðar viðtökur

Í desember síðastliðnum setti Eignastýring Íslandsbanka nýjan verðbréfa­sjóð á markað og ber hann heitið Ríkissafn - ríkisskulda­bréf og innlán. Sjóðurinn fjárfestir eingöngu í skuld­bréfum með ábyrgð ríkis­sjóðs og í innlánum fjármála­stofnana.

Skattsvik með aðstoð bankamanna?

Skúli Eggert Þórðarson ríkisskatt­stjóri er sannfærður um að ákveðnir starfsmenn fallinna íslenskra banka hafi átt þátt í því að auka skráningu félaga í skattaskjólum. Hann hefur, samkvæmt frétt Ríkisútvarpsins, rökstuddan grun um að þetta hafi menn gert til að svíkja undan skatti.

Tapið nam 3,2 milljörðum króna á klukkustund

Tap bandaríska tryggingar­isans AIG á síðasta ársfjórðungi var stjarnfræðilegt. Erfitt að átta sig á slíkum tölum Vilji menn brjóta þær upp má sjá að tapið á dag nam 78 milljörðum og á hverri klukkustund tapaði AIG 3,2 milljörðum króna!

Ólíkt hafast þau að, Jóhanna og Jón Sigurðsson

Vinnubrögð við breytingu á lögum um Seðlabankann, sem samþykkt voru í síðustu viku, eru gjörólík þeim sem voru við höfð árið 1993 þegar Jón Sigurðsson, þáverandi viðskipta­ráðherra lagði fram frumvarp um breytingar á lögum um bankann.

Slysarannsóknar­nefndir sameinaðar í eina

Frumvarp til laga um rannsókn samgönguslysa er nú til umsagnar. Felur það í sér sameiningu núverandi rannsóknar­nefnda sjóslysa, flugslysa og umferðarslysa í eina og er markmiðið að efla og bæta slysarannsóknir.

Embætti for­stjóra Heilsugæslu höfuðborgar­svæðisins auglýst

Heilbrigðis­ráðuneytið auglýsir laust til umsóknar embætti for­stjóra Heilsugæslu höfuðborgar­svæðisins. Undir hana heyra m.a. fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði.

Lítil umsvif á íbúða­markaði

Umsvif á húsnæðis­markaði jukust lítillega í febrúar frá fyrri mánuði en samtals voru gerðir 175 kaupsamningar um húsnæði í febrúar samanborið við 117 samninga í janúar. Engu að síður eru umsvifin enn afar lítil miðað við það sem áður var, segir Greining Íslandsbanka.

Þrjú efstu sætin „frátekin“ hjá Samfylkingunni

Fátt bendir til annars en að Jóhanna Sigurðar­dóttir, Ingibjörg Sólrún Gísla­dóttir og Össur Skaprhéðinsson raði sér í þrjú efstu sætin í prófkjöri Samfylkingar­innar. Lítið svigrúm virðist fyrir nýliða í átta efstu sætunum.

Sebelius þykir líkleg sem heilbrigðis­ráðherra Obama

Víst þykir að Kathleen Sebelius, ríkis­stjóri í Kansas, verði næsti heilbrigðis­ráðherra í ríkis­stjórn Bandaríkjanna. Hennar bíður að koma í gegn þeim endurbótum sem Barack Obama Bandaríkja­forseti hefur lofað á heilbrigðiskerfi landsins.

Aðdáendur Vina hafa óbeit á Paris Hilton

Á dögunum fjölluðu fjölmiðlar um sprota­fyrirtækið TellmeTwin - www.tellmetwin.com - sem hlaut í janúar síðastliðnum hæsta styrk sem tækniþróunar­sjóður Rannís veitir. Styrkurinn er veittur til að þróa virkni vefsins áfram og er verkefnið unnið í samstarfi við Ara Kristinn Jónsson, forseta tölvunarfræði­deildar Háskólans í Reykjavík og Andreas Weigend, kennara við Berkeley- og Stanford- háskólana í Bandaríkjunum.

Lítil endurnýjun hjá Samfylkingunni í Reykjavík

Svo gæti farið að lítil endurnýjun verði í þingliði Samfylkingar­innar í Reykjavík. Sitjandi þingmenn, varaþingmenn og gamall refur í pólitík gætu skipað „öruggu“ sætin. Fátt kemur í veg fyrir að Jóhanna Sigurðar­dóttir verði í fyrsta sæti í prófkjöri flokksins og Ingibjörg Sólrún Gísla­dóttir verði kjörin í annað sætið.

Skulda­bréf Existu á athugunarlista

Skulda­bréf útgefin af Existu hf. hafa verið færð á athugunarlista Kauphallar Íslands vegna óvissu um fjárhagslega stöðu útgefanda.

Buffett svartsýnn vegna 2009 en sér ljósið þegar líður á 2010

Það verður liðið nokkuð á árið 2010 áður við förum að sjá ljós við enda efnahagskreppunnar, segir hinn heimsþekkti fjárfestir Warren Buffett. Niðursveiflan nú er það gjald sem við greiðum fyrir margra ára óábyrga lána­stefnu.

Spjallfundur um ESB, evru og hagsmuni Íslands

Gunnar Rögnvaldsson verður á opnum spjallfundi Heimssýnar um Evrópu­sambandið og Ísland kl. 17 í dag. Þar verður rætt um þróun efnahagsmála innan ESB, íslensku krónuna, evruna og hvort hag Íslendinga sé betur borgið innan eða utan ESB eða með eða án evru.

Gjaldeyris­höft ekki afnumin að sinni

Seðlabanki Íslands hefur metið hvort nauðsynleg skilyrði þess að hægt sé að afnema gjaldeyris­höft séu til staðar og komist að þeirri niðurstöðu að svo sé ekki. Næsta endurskoðun mun eiga sér stað eigi síðar en 1. september.

Fiskiskipum fækkar

Í lok árs 2008 voru 1.529 fiskiskip á skrá hjá Siglinga­stofnun og hafði þeim fækkað um 113 frá árinu áður. Vélskipum fækkaði um 65 og opnum fiskibátum fækkaði um 44 milli ára.

HSBC segir upp 6100 í Bandaríkjunum

Breski stórbankinn HSBC, sem er stærsti banki Evrópu, tilkynnti í morgun að tekjutap liðins árs næmi 70%. Versnandi hagur bankans hefur það í för með sér að hann neyðist til að segja upp 6100 starfsmönnum í Bandaríkjunum.

Bandaríksk stjórnvöld koma AIG enn og aftur til bjargar

Bandarísk stjórnvöld koma tryggingar­isanum AIG enn til hjálpar og nú með 30 milljarða dollara framlagi. Tap AIG á fjórða ársfjórðungi var gríðarlegt, eða 60 milljarðar dollara. Frá því í haust hefur ríkið lagt AIG til 150 milljarða dollara.

Exista óskar eftir frestun á greiðslu vaxta og afborgana

Exista hefur óskað eftir frestun á greiðslu vaxta og afborgana sem koma til greiðslu á meðan félagið er í viðræðum við helstu lánadrottna. Exista á í viðræðum við innlendar og erlendar lána­stofnanir um endurskoðun lánasamninga og uppgjör gagnkvæmra krafna.

Ótrúlegt að ákvæði stjórnar­skrár vefjist fyrir mönnum

Björn Bjarnason, fyrrverandi dómsmála­ráðherra, segi að það sé ótrúlegt að ákvæði stjórnar­skrá vefjist fyrir mönnum þegar kemur að skipan erlendra ríkisborgara í embætti. Hann segir það með ólíkindum, að sú áhætta skuli tekin að ganga gegn þessu ákvæði, þegar seðlabanka­stjóri á í hlut.

Tuttugu í prófkjöri Samfylkingar­innar í Reykjavík

Alls gefa 20 kost á sér í prófkjöri Samfylkingar­innar vegna alþingis­kosninganna í apríl. Kosið er um átta efstu sætin á framboðslistanum í báðum Reykjavíkurkjördæmunum. Jóhanna Sigurðar­dóttir býður sig ein fram í efsta sætið, en Jón Baldvin Hannibalsson óskar eftir stuðningi í eitt af átta efstu.

Banaslys á Akrafjallsvegi

Banaslys varð á Akrafjallsvegi á milli Akraness og Hvalfjarðarganga í gærkvöldi þegar bíll, sem var á leið til Akraness, var ekið út af á röngum vegarhelmingi.