Sunnudagurinn 1. mars 2009

Obama í Evrópu­reisu

Barack Obama Bandaríkja­forseti verður í önnum fyrstu dagana í apríl. Hann verður í London 1.apríl á G20-toppfundi. Þá tekur við leiðtogafundur NATO 3.-4. apríl og loks hittir hann þjóðar­leiðtoga Evrópu­sambandsins í Prag 5. apríl.

Meirihluti landsmanna andvígur aðild að Evrópu­sambandinu

Meirihluti landsmanna er andvígur því að sótt verði um aðild að Evrópu­sambandinu. Þetta er niðurstaða könnunar Stöðvar 2 og Fréttablaðsins. Alls eru tæp 54% andvíg því að sækja um aðild en 46% er því hlynnt.

Dagur B. Eggertsson ætlar í varaformann Samfylkingar

Dagur B. Eggertsson, borgarfulltrúi hefur ákveðið að sækjast eftir embætti varaformanns Samfylkingar­innar á landsfundi flokksins um miðjan mars næstkomandi. Þetta kemur fram á Facebook-síðu Dags.

Umferðarslys á Breiðamerkursandi

Um kl. 09:30 var tilkynnt til lög­reglunnar á Höfn um að alvarlegt umferðarslys hefði orðið á Breiðamerkursandi skammt austan við Jökulsárlón. Um var að ræða fimm einstaklinga af erlendum uppruna.

Atvinnuleysið veldur AGS áhyggjum

Vaxandi atvinnuleysi og tafir við endurreisn bankakerfisins eru meðal helstu áhyggjuefna sendi­nefndar Alþjóða­gjaldeyris­sjóðsins sem nú er stödd hér á landi, segir Steingrímur J. Sigfússon, fjármála­ráðherra.

Býður sig fram til formennsku í Frjálslynda flokkinum

Guðni Halldórsson, viðskiptalög­fræðingur ætlar að bjóða sig fram til formennsku í Frjálslynda flokknum á landsþingi sem haldið verður um miðjan mars. Hann sækist jafnframt eftir efsta sæti í prófkjöri flokksins í Norðvestur­kjördæmi.

Ásta Ragnheiður sækist eftir 4. sæti í Reykjavík

Ásta Ragnheiður Jóhannes­dóttir, félags og tryggingamála­ráðherra sækist eftir 2. sæti á framboðslista Samfylkingar­innar í öðru hvoru Reykjavíkurkjördæmanna og stefnir því á 4. sætið í prófkjörinu.

Enn fellir kreppan tvo bandaríska banka

Bandarísk yfirvöld hafa neyðst til að yfirtaka tvo banka sem sáu ekki fram úr vandamálum sínum. Þar með eru bankarnir orðnir 16 sem stjórnvöld hafa orðið taka yfir það sem af er þessu ári. Bankarnir sem voru þjóðnýttir eru Security Savings bankinn í Nevada og Heritage Community Bank í Illinois.

Snarpur jarðskjálfti undir Vatnajökli

Snarpur jarðskjálfti, 4,3 á Richter, varð við Lokahrygg undir vestanverðum Vatnajökli þegar klukkuna vantaði 20 mínútur í 1 í nótt.Enginn gosórói er á skjálfta­svæðinu, eða annað sem bendir til eldsumbrota.

Asískir fjárfestar sagðir vera að kaupa West Ham

Hópur asískra fjárfesta er í þann veginn að kaupa enska úrvals­deildarliðið West Ham af Björgólfi Guðmundssyni, segir breska blaðið Sunday Mirror. Sagt er að kaupverð sé 90 milljónir breskrar punda, eða sem svarar hálfum fimmtánda milljarði króna.