Laugardagurinn 28. febrúar 2009

Á annað hundrað í forvali VG um allt land

Alls gefa 103 kost á sér í forvali Vinstri grænna í öllum kjördæmum vegna alþingis­kosninga í apríl. Þetta kemur fram í tilkynningu frá flokknum.

Yfir tuttugu gefa kost á sér hjá VG í Norðvestur­kjördæmi

Alls gefa 22 kost á sér í forvali vinstri grænna í Norðvestur­kjördæmi vegna alþingis­kosninga í apríl. Jón Bjarnason þingmaður flokksins sækist eftir endurkjöri.

Össur vill þriðja sætið

Össur Skarphéðinsson, iðnaðar- og utanríkis­ráðherra, stefnir að þriðja sæti á framboðslista Samfylkingar­innar í prófkjöri fyrir komandi kosningar. Þetta er í samræmi við yfirlýsingar Jóhönnu Sigurðardóttur og Ingibjargar Sólrúnar Gísladóttur í morgun.

Jón Baldvin gegn Ingibjörgu Sólrúnu

Jón Baldvin Hannibalsson, fyrrverandi ráðherra og formaður Alþýðu­flokksins, ætlar að bjóða sig fram til formanns Samfylkingar­innar á landsfundi flokksins í mars. Með þessu stendur hann við orð sín um að bjóða sig fram ef Ingibjörg Sólrún víkur ekki af sjálf.

Ingibjörg heldur áfram og Jóhanna verður forsætis­ráðherraefni

Ingibjörg Sólrún Gísla­dóttir ætlar að halda áfram þingmennsku og gefa kost á sér til endurkjörs sem formaður Samfylkingar­innar. Hún mun leggja til við landsþing flokksins að Jóhanna Sigurðar­dóttir verði forsætis­ráðherraefni flokksins eftir komandi kosningar.

Mosaic á leið í greiðslustöðvun og Kaupþing eignast félagið

Mosaic Fashion, sem er að stórum hluta í eigu Baugs Group, er á leið í greiðslustöðvun samkvæmt frétt Times í morgun. Talið er líklegt að Kaupþing eignist 90% hlutafjár eftir að félagið hefur gengið í gegnum róttækja endur­skipulagningu.

Hagnaður Íslandspósts 79 milljónir

Hagnaður Íslandspósts á síðasta ári nam 79 milljónum króna. Hann var minni en áætlað var. Hagnaður fyrirtækisins var um 230 milljónir króna árið 2007.

Jóhanna og Ingibjörg Sólrún með sameiginlega blaðamannafund

Ingibjörg Sólrún Gísla­dóttir, formaður Samfylkingar­innar og Jóhanna Sigurðar­dóttir forsætis­ráðherra hafa boðað sameiginlegan blaðamannafund kl. 11.00 í dag. Þar er búist við yfirlýsingu Ingibjargar Sólrúnar um framtíð hennar í stjórnmálum.

Þúsundir bókatitla á bóka­markaði

Í dag, laugardaginn 28. febrúar, hefst hinn sígildi og árlegi bóka­markaður Félags íslenskra bókaútgefenda í Perlunni. Bóka­markaðurinn hefur verið við lýði næstum samfleytt frá því í lok sjötta áratugar síðustu aldar og táknmynd hans, glaðbeitti bókakarlinn, er greipt í huga íslensks almennings.

Fimmtán í framboði hjá Samfylkingunni í Kraganum

Fimmtán gefa kost á sér í prófkjöri Samfylkingar­innar í Suðvestur­kjördæmi, sjö konur og átta karlar. Kosið verður á netinu 12.-14. mars næstkomandi. Kosning er bundin við félaga í Samfylkingunni og stuðningsmenn sem hafa skráð sig í síðasta lagi 10. mars kl. 18.

Fimmtán í forvali VG í Kraganum

Alls gefa 15 kost á sér í forvali Vinstrihreyfingarinnar - græns framboðs í Suðvestur­kjördæmi vegna alþingis­kosninganna. Í forvalinu á að raða allt að sex frambjóðendum í efstu sæti á listanum.