Föstudagurinn 13. febrúar 2009

Álit Seðlabanka Evrópu afþakkað

Seðlabanki Evrópu bauðst til að gefa Íslendingum álit á nýju frumvarpi um Seðlabanka Íslands. Viðskipta­nefnd Alþingis afþakkaði boðið.

„Innlend framleiðsla ORA er íslensk framleiðsla“

Fiskbollurnar frá ORA eru íslensk framleiðsla, rétt eins og þorri þeirra vörutegunda sem seldur er undir merkjum ORA, segir í tilkynningu fyrirtækisins. Hún kemur í framhaldi af fréttum um það hvenær vara sé íslensk og hvenær ekki.

Ungir sjálfstæðis­menn í Suður­kjördæmi kalla eftir endurnýjun

Ungir sjálfstæðis­menn í Suður­kjördæmi hvetja til þess að kynslóðaskipti eigi sér stað í forystusveit flokksins, bæði í kjördæminu sem og annars staðar, að því er fram kemur í ályktun frá öllum félögum ungra sjálfstæðis­manna í kjördæminu.

Samruni Morgunblaðsins og Fréttablaðsins ógiltur

Það er niðurstaða Samkeppnis­eftirlitsins að samruni Morgunblaðsins og Fréttablaðsins hefði falið í sér mjög alvarlegar samkeppnishömlur á mörkuðunum fyrir útgáfu dagblaða, auglýsingar í dagblöðum, dreifingu dagblaða og prentun dagblaða.

Sendiherrar hafa áhyggjur af hvalveiðum

Sendiherrar Bandaríkjanna, Finnlands, Bretlands, Þýskalands, Svíþjóðar, Frakklands og Hollands afhentu Steingrími J. Sigfússyni sjávar­útvegs­ráðherra bréf þar sem lýst er yfir áhyggjum vegna áforma um veiðar á 150 langreyðum og 100 hrefnum hér við land í ár.

Framkvæmda­nefnd um efnahags­stefnu ríkis­stjórnar­innar

Ríkis­stjórnin samþykkti á fundi sínum í morgun tillögu forsætis­ráðherra um að sett verði laggirnar framkvæmda­nefnd um efnahags­stefnu ríkis­stjórnar­innar. Í henni eiga sæti forsætis­ráðherra og fjármála­ráðherra en með nefndinni starfar verkefnis­stjóri.

Stuðningur við nýju ríkis­stjórnina mælist 56,1%

Stuðningur við nýja ríkis­stjórn mælist nú töluvert hærri en fyrri ríkis­stjórn naut dagana fyrir stjórnar­slit. Stuðningur við ríkis­stjórnina mælist nú 56,1% en fylgi fyrri ríkis­stjórnar mældist 24,2% í janúar, samkvæmt nýrri könnun MMR.

Sjálfstæðis­flokkurinn mælist stærstur á ný

Stuðningur við Sjálfstæðis­flokk og Samfylkingu eykst milli kannana en fylgi Vinstri grænna dregst saman. Þá dalar fylgi Framsóknar­flokks dalar heldur, að því er fram kemur í nýrri könnun MMR.

Seltjarnarnes er draumasveitar­félagið

Seltjarnarnes er útnefnt draumasveitar­félagið í Vísbendingu, vikuriti um viðskipti og efnahagsmál. Seltjarnarnes fær einkunnina 7,8 og er eina sveitar­félagið sem fær yfir 7,0 í einkunn. Næst kemur Snæfellsbær með 6,8, þá Eyjafjarðarsveit með 6,7.

Eldisfiskur frá Víetnam ógnar þorskmörkuðum í Evrópu

Stóraukinn innflutningur Evrópu­sambandsins á eldisfiskinum Pangasius frá Víetnam er þegar farinn að ógna hefðbundnum mörkuðum sjávar­afurða að mati forvígismanna í norskum sjávar­útvegi. Fiskurinn er í auknum mæli notaður í stað þorsks.

Forval VG í Reykjavík fer fram 7. mars

Forval Vinstri grænna í Reykjavík fyrir komandi alþingis­kosningar fer fram 7. mars næstkomandi en framboðsfrestur rennur út 19. febrúar næstkomandi.

Unnur Brá vill í 2. sæti Sjálfstæðis­flokksins í Suður­kjördæmi

Unnur Brá Konráðs­dóttir, sveitar­stjóri í Rangárþingi eystra og varaþingmaður, gefur kost á sér í prófkjöri Sjálfstæðis­flokksins í Suður­kjördæmi. Hún óskar eftir stuðningi í 2. sæti í prófkjörinu.

Fasteignakaupendur ánægðir með Íbúðalána­sjóð

Í viðhorfskönnun meðal fasteignakaupenda sem Capacent Gallup gerði nýlega kemur fram að 94,1% þeirra eru jákvæðir gagnvart Íbúðalána­sjóði. Jákvæðni gagnvart sjóðnum meðal fasteignakaupenda hefur aldrei verið meiri frá því að slíkar mælingar hófust.

Efnahagspakki Bandaríkjanna lyftir olíuverði lítillega

Von um að hinn gríðarlegi efnahagspakki Bandaríkja­stjórnar stöðvi enn frekara fall efnahagslífs þar í landi hefur heldur lyft hluta­bréfamörkuðum í dag og hækkað olíuverð eftir margra daga verðfall. Olíuverð er engu að síður mjög lágt, tæpir 35 dollarar á tunnu.

Kjötframleiðsla og sala dregst saman

Sala á kjöti var 24% minni í janúar en á sama tíma í fyrra og um 11% síðustu þrjá mánuði. Mestur samdráttur er á sölu kindakjöts milli mánaða 55.3% og 27,6% sé horft til síðustu þriggja mánaða. Framleiðsla á kjöti var 9,3% minni í janúar en í sama mánuði 2008.

Íhuga rannsókn á íslensku bönkunum í Bretlandi

Efnahagsbrota­deild bresku lög­reglunnar hefur til skoðunar hvort hefja eigi formlega rannsókn á starfsemi íslensku bankanna í Bretlandi. Þetta kemur fram í netútgáfu breska dagblaðsins The Times.

Stóra U-beygjan

Nú er tekin U-beyja. Í stað þess að vinna út frá því að dreifa sem mest eignar­haldi á fyrirtækjum miðað við þá þröngu stöðu sem upp er komin og leggja drög að nýrri uppbyggingu á virkum og trúverðugum hlutabréfa­markaði sem er algjör nauðsyn fyrir öflugt atvinnulíf er tekin þveröfug stefna, segir Vilhjálmur Egilsson, framkvæmda­stjóri Samtaka atvinnulífsins.

Ævi Önnu Nicole Smith verður að óperu

Í hugum manna byggist efnisþráður í óperu gjarnan á því að aðalpersónan deyr eftir dramatíska atburðarás. Hvað getur þá hentað betur í fyrir óperu en stormasamt líf Önnu Nicole Smith sem lést fyrir réttum tveimur árum, í febrúar 2007?

Hypo Real skrefi nær þjóðnýtingu í Þýskalandi

Þýska ríkið hefur færst skrefi nær því að þjóðnýta Hypo Real Estade bankann eftir að upp úr samningaviðræðum við bandaríska fjárfestinn J. C. Flowers slitnaði í gær. Það yrði fyrsta þjóðnýting þýsks banka frá árinu 1931.

Ódýrari iPhone væntanlegur

Apple setur ódýrari iPhone síma á markað í sumar og um leið verður 3G gerðin uppfærð. Hinn nýi sími mun kosta 99 dollara í Bandaríkjunum, eða rúmlega 11 þúsund krónur. Síminn verður eins í útliti, með sömu grafík en minna minni.

Flughált víða um land

Flughálka er að myndast víða um land og er fólk beðið um að sýna aðgát og athuga aksturskilyrði áður en lagt er af stað. Á Vesturlandi er víðast hvar flughálka.

Mikill samdráttur á evru­svæðinu

Landsframleiðslan dróst saman um 1,5% á evru­svæðinu á milli þriðja og fjórða fjórðungs síðastliðins árs og er það mesti samdráttur á milli ársfjórðunga sem mælst hefur á svæðinu í 13 ár. Samdrátturinn var mikill í tveimur stærstu hagkerfum svæðisins, Þýskalandi og Frakklandi, segir Greining Glitnis.

AGS boðar tímasetta áætlun um afnám hafta

Heildarmat á skilvirkni hamlanna á gjaldeyris­markaði og áform um að aflétta þeim smám saman verður hluti af fyrstu endurskoðun efnahags­áætlunar stjórnvalda sem unnin er í samstarfi við Alþjóða­gjaldeyris­sjóðinn (AGS) núna í febrúar, segir Greining Glitnis.

Ráðinn framkvæmda­stjóri lækninga á Land­spítalanum

Björn Zoëga bæklunarskurðlæknir hefur verið ráðinn framkvæmda­stjóri lækninga á Land­spítalanum. Aðrir umsækjendur voru Friðbjörn Sigurðsson, Kristján Sigurðsson og Vilhelmína Haralds­dóttir.

Aurora velgerða­sjóður ráðstafar 111,5 milljónum

Stjórn Auroru velgerða­sjóðs hefur úthlutað alls 111,5 milljónum króna í styrki til sex verkefna á sviði mannúðar, mennta og menningar hérlendis og í Afríkuríkjunum Síerra Leóne og Mósambík, þar af til fjögurra verkefna sem sjóðurinn hefur ekki styrkt áður.

Danir rifja upp hrakfarir Dash 8/Q400

Flugslysið í Buffalo þar sem ný gerð Dash 8/Q400 hrapaði verður til þess að Danir rifja enn upp hrakfallasögu þessarar flugvélartegundar hjá SAS. Félagið stöðvaði rekstur allra slíkra véla af eldri gerð Q400 eftir þrjú óhöpp en hefur nú endurnýjað flotann með nýju gerðinni.

Ólöf Nordal þingmaður fer fram í Reykjavík

Ólöf Nordal, þingmaður Sjálfstæðis­flokksins í Norðaustur­kjördæmi, hefur ákveðið að taka þátt í prófkjöri Sjálfstæðis­flokksins í Reykjavík fyrir komandi alþingis­kosningar. Prókjörið fer fram 13. og 14. mars næstkomandi.

Ætlum að koma standandi út úr kreppunni

„Við fórum standandi inn í þessa kreppu og ætlum helst að koma standandi út úr henni,“ segir Andrés Sigurðsson rekstrar­stjóri Loftorku í Reykjavík, en fyrirtækið hefur vakið athygli fyrir ákveðin viðbrögð við efnahagsþrengingunum,segir á síðu SA.

Einar Skúlason vill fyrsta sæti hjá framsókn í Reykjavík

Einar Skúlason, skrifstofu­stjóri þing­flokks Framsóknar­flokksins, hefur ákveðið að bjóða sig fram í fyrsta sæti flokksins í Reykjavík suður í komandi þingkosningum.

Minni en verðmætari afli

Fiskafli í janúar nam alls 70.852 tonnum í janúar 2009 samanborið við 76.891 tonn í janúar 2008. Metinn á föstu verði var hann þó 33% verðmeiri en á sama tíma í fyrra, segir Hagstofan.

Kastrup verður safnflugvöllur langflugs SAS

Norræna flug­félagið SAS verður að draga saman seglin í kreppunni. Hluti af því er að gera Kastrupflugvöll í Kaupmannahöfn að safnflugvelli fyrir langflug félagsins í austur og vestur. Norðmenn og Svíar verða því í flestum tilfellum að fljúga til Kaupmannahafnar, ætli þeir að nota SAS til langferða.

Meira tap á Air France-KLM en búist var við

Risaflug­félagið Air France-KLM tapaði miklu á þriðja fórðungi ársins, 505 milljónum evra, eða sem svarar 75 milljörðum íslenskra króna. Tapið er rúmlega tvöfalt meira en sér­fræðingar höfðu spáð.

Bílasala minnkar um 27% í Evrópu - hrun á Íslandi, Írlandi og Lettlandi

Sala bifreiða í Evrópu dróst saman um 27% í janúar og hefur sala ekki verið minni í rúma tvo áratugi, samkvæmt upplýsingum Samtaka evrópskra bílaframleiðenda. Nær algjört hrun var í sölu á Íslandi, Írlandi og Lettlandi.

Danske Bank tapar mest norrænna stórbanka

Danske Bank tapar mest norrænna stórbanka. Útþensla bankans til Írlands og Finnlands hefur haft vond áhrif á rekstur hans. Sex stærstu bankar á Norðurlöndunum Nordea, Danske Bank, Handelsbanken, SEB Bank, DnB Nor og SwedBank töpuðu 461 milljarði króna.

XD: Árni Árnason vill 4. sæti Suður­kjördæmi

Árni Árnason blaðamaður úr Reykjanesbæ, gefur kost á sér í 4. sætið í prófkjöri Sjálfstæðis­flokksins í Suður­kjördæmi, sem fram fer 14. mars næstkomandi.

Glitnir lækkar leigu­greiðslu bílasamninga

Glitnir Fjármögnun hefur ákveðið að bjóða þeim viðskiptavinum sem eru með bílasamninga í erlendri mynt skilmálabreytingu sem felur í sér tímabundna lækkun á leigu­greiðslu í 8 mánuði og lengingu á samningi um fjóra mánuði.

Hag­fræðingar svartsýnni á efnahagsbata í Bandaríkjunum

Hag­fræðingar eru almennt svartsýnni á bata í efnahagslífinu í Bandaríkjunum en áður. Þetta er niðurstaða könnunar Wall Street Journal. Flestir búast við nokkrum hagvexti á seinni helmingi ársins en ekki nægjanlegum.

Hluta­bréf í Asíu hækka

Hluta­bréf í Asíu hækkuðu nokkuð í verði í fyrsta skipti í fimm daga. Það voru bankar og rafeinda­fyrirtæki sem leiddu hækkunina. Enn einu sinni hafa fjárfestar reynt að lofa bjartsýni ráða ferðinni. MSCI Asíu vísitalan hækkaði um 1,2%.

49 látnir í flugslysi í Buffalo í New York-ríki

49 manns fórust þegar farþegavél á leið til Buffalo-borgar í New York-ríki hrapaði skömmu fyrir lendingu, þarf af voru 44 farþegar og fjögurra manna áhöfn. Einn maður á jörðu lést. Flugvélin, sem var frá Continental flug­félaginu átti aðeins fimm mínútur á áfangastað.

Rannsókn á sölu stjórnar­manna á stofn­bréfum í SPRON

Ríkis­saksóknari hefur falið efnahagsbrota­deild ríkislögreglu­stjóra að rannsaka sölu þriggja stjórnar­manna í SPRON á stofn­bréfum sumarið 2007, áður en fyrirtækið var skráð á markað. Rannsóknin beinist að Hildi Petersen, Ásgeiri Baldurs og Gunnari Þór Gíslasyni.