Sunnudagurinn 8. febrúar 2009

Björn sammála Davíð að bréf Jóhönnu sé einsdæmi

Björn Bjarnason alþingis­maður tekur undir með Davíð Oddssyni, formanni banka­stjórnar Seðlabanka Íslands, að bréf Jóhönnu Sigurðardóttur forsætis­ráðherra, „með lítt dulbúnum hótunum“ til banka­stjóra Seðlabankans í síðustu viku sé einsdæmi.

Stjórnar­skrárbreytingar undirbúnar

Jóhanna Sigurðar­dóttir forsætis­ráðherra hefur sett á fót ráðgjafarhóp til að vinna tillögur um breytingar á stjórnar­skránni. Björg Thorarensen, forseti laga­deildar HÍ, mun leiða ráðgjafarhópinn, sem undirbúa mun frumvarp til stjórnar­skipunarlaga.

Þórlindur óskar eftir 4. sæti í prófkjöri Sjálfstæðis­flokksins

Þórlindur Kjartansson, formaður Sambands ungra sjálfstæðis­manna, gefur kost á sér í prófkjöri Sjálfstæðis­flokksins í Reykjavík. Hann óskar eftir stuðningi í 4. sæti í prófkjörinu.

Davíð hættir ekki

Davíð Oddsson, seðlabanka­stjóri mun ekki verða við ósk forsætis­ráðherra um að láta af störfum. Það er því ljóst að hvorki Davíð né Eiríkur Guðnason verða við beiðni Jóhönnu um afsögn úr starfi seðlabanka­stjóra. Ingimundur Friðriksson hefur fallist á beiðni forsætis­ráðherra.

Rúinn trausti og næstum óstarfhæfur segir viðskipta­ráðherra um seðlabankann

Í jómfrúrræðu sinni á Alþingi í umræðum um breytingar á lögum um Seðlabanka Íslands sagði Gylfi Magnússon, viðskipta­ráðherra, meðal annars: „Öll saga eftirstríðsáranna sem er sá tími sem við höfum haft okkar eigin sjálfstæða gjaldmiðil í þeim skilningi að hann var ekki bundinn föstu gengi gagnvart dönsku krónunni var svona. Þetta er ein samfelld hrakfallasaga.“