Föstudagurinn 6. febrúar 2009

Hallgrímur Helgason fær 9,6 milljónir frá skattgreiðendum

Hallgrímur Helgason, rithöfundur, var í dag valinn einn þriggja rithöfunda sem fá greidd laun úr opinberum sjóðum til næstu þriggja ára. Heildarupphæðin nemur 9,6 milljónum króna. Styrkir til Hallgríms bætast við sölutekjur af bókum og laun fyrir önnur störf. Hallgrímur er því á margföldum launum.

Eiríkur og Ingimundur svara Jóhönnu

Eiríkur Guðnason og Ingimundur Friðriksson, seðlabanka­stjórar hafa svarað forsætis­ráðherra bréflega í dag. Jóhanna Sigurðar­dóttir hefur óskað eftir því formlega að seðlabanka­stjórar segir starfi sínu lausu. Ekkert hefur verið gefið upp um svör Eiríks og Ingimundar.

Börsen: Seðlabanka­stjórarnir virða forsætis­ráðherrann ekki viðlits

Hinn nýi íslenski forsætis­ráðherra, Jóhanna Sigurðar­dóttir, hefur beðið þrjá banka­stjóra Seðlabanka Íslands að segja af sér, en það verður greinilega ekki auðvelt að losna við þá, segir í frétt danska viðskiptablaðsins Börsen þar sem fram kemur að banka­stjórarnir virði forsætis­ráðherrann ekki viðlits.

Fjármála­ráðherrarnir ræddu hugsanlegt mynt­samstarf

Steingrímur J. Sigfússon fjármála­ráðherra og Kristin Halvorsen, fjármála­ráðherra Noregs, áttu fund í dag þar sem hugsanlegt mynt­samstarf þjóðanna kom til tals.

Sambýlismaður í haldi lög­reglu

Vettvangsrannsókn á máli konu á fertugsaldri, sem fannst látin í Kapelluhrauni í Hafnarfirði í gær, er ekki lokið. Hin látna var klæðalítil er að var komið, segir í frétt frá lög­reglunni.

Samkomulag um uppskiptingu Enex

Samkomulag hefur tekist milli eigenda Enex um uppskiptingu félagsins. Hún hefur verið staðfest á hluthafafundi og af stjórnum stærstu eigendanna, Reykjavik Energy Invest (REI), dóttur­félags Orkuveitu Reykjavíkur og Geysis Green Energy. Enex hefur verið í eigu Geysis að 70% og REI að 26,5%.

Sigmundur Ernir vill á lista Samfylkingar­innar nyrðra

Sigmundur Ernir Rúnarsson, fyrrum starfsmaður Stöðvar 2, hefur ákveðið að gefa kost á sér í annað sæti Samfylkingar­innar í Norðaustur­kjördæmi fyrir þingkosningarnar í vor.

Ungir jafnaðarmenn vilja prófkjör hjá Samfylkingunni

Ungir jafnaðarmenn, ungliðahreyfing Samfylkingar­innar, hefur samþykkt ályktun þess efnis að Samfylkingin haldi opin prófkjör til að tryggja aðkomu almennings og almenna flokksmanna að vali á frambjóðendum flokksins.

Jóhanna vill Ásmund burt

Jóhanna Sigurðar­dóttir forsætis­ráðherra er ósátt við að Ásmundur Stefánsson taki við sem banka­stjóri Landsbankans án þess að staðan sé auglýst. Hún segir þetta ganga gegn vilja ríkis­stjórnar­innar og reynt verði að fá ákvörðuninni hnekkt.

Fiskiskipum fækkaði um tæplega 600 á fimm árum

Íslenskum fiskiskipum fækkaði um 43,5% á árunum 2003 – 2008. Alls voru skráð fiskiskip 1356 talsins fiskveiðiárið 2003/2004. Þeim hafði fækkað niður í 767 fiskveiðiárið 2007/2008. Fækkunin nemur 589 skipum.

Aðstoðar­maður Steingríms J. Sigfússonar

Jóhann Guðmundsson hefur verið ráðinn aðstoðar­maður Steingríms J. Sigfússonar, sjávar­útvegs- og landbúnaðar­ráðherra. Hann hefur undanfarinn áratug verið skrifstofu­stjóri í samgöngu­ráðuneytinu.

Hagnaður FIH dróst saman um nær 20 milljarða

Hagnaður FIH Erhvervsbank, sem er í íslenskri eigu, árið 2008 nam 184 milljónum danskra króna eftir skatta, eða sem svarar 3,6 milljörðum íslenskra króna. Hagnaðurinn er milljarði danskra króna, 19,6 milljörðum íslenskra króna, minni en árið 2007.

Hef áhuga á að leysa hvalveiðimálið á farsælan hátt

Steingrímur J. Sigfússon sjávar­útvegs­ráðherra sagði á borgarafundi um hvalveiðimál á Akranesi í gær að hann hefði áhuga á að leysa hvalveiðimálið á farsælan hátt. Tekist hefur verið á um ákvörðun forvera hans í embætti um veiðikvóta.

Lög­reglan krefst gæsluvarðhalds

Lög­reglan hefur krafist gæsluvarðhalds yfir manninum sem handtekinn var í nótt í tengslum við andláts konu sem fannst í dúfnakona skammt frá álverinu í Straumsvík.

Kannabis og amfetamín haldlagt á Akureyri

Lög­reglan á Akureyri handtók aðfararnótt s.l. þriðjudags tvo menn á tvítugs- og fertugsaldri rétt norðan Akureyrar grunaða um fíkniefnamisferli eftir að þeir höfðu verið stöðvaðir á bifreið á leið til bæjarins.

Ríkislögreglu­stjóri ósáttur við frétt RÚV

„Í [frétt RÚV] var einnig tekið fram að ríkislögreglu­stjóri hafi viljað ganga miklu harðar fram gegn mótmælendum en gert var. Þetta er ósatt enda lagði ríkislögreglu­stjóri sérstaka áherslu á að lög­reglan gengi ekki harðar fram en þörf krefði“, segir Haraldur Johannessen í yfirlýsingu.

Ilva hluti stærstu húsgagnakeðju Danmerkur

Húsgagnakeðjan Ilva er aftur komin í danskar hendur, eins og AMX hefur greint frá. Börsen fjallar um kaup IDdesign á keðjunni af íslenska félaginu Lagernum. Með kaupunum er til orðin stærsta keðja húsgagnaverslana í Danmörku.

Lækkun vaxta í 8% skapar sjö þúsund störf

Samtök atvinnulífsins segja að með því að lækka stýrivexti niður í 8% geti hugsanlega skapast sjö þúsund fleiri störf á Íslandi á næsta ári, en annars hefði orðið. Þetta er rúmlega helmingur af þeim fjölda sem nú er án vinnu.

Beiðni Baugs Group um greiðslustöðvun frestað

Héraðsdómur Reykjavíkur hefur frestað til þriðjudags að taka afstöðu til beiðni stjórnar Baugs Group um greiðslustöðvun félagsins og nokkurra dóttur­félaga. Beiðnin var talin óljós og byggja á gömlum upplýsingum sem eru úreltar.

„Tímamótaáfangi í þróun jafnréttisbaráttunnar“

Jafnréttisráð fagnar þeim sögulegu tímamótum sem orðið hafa í íslensku sam­félagi hvað jafnrétti kynjanna og hlut kvenna í völdum á vettvangi stjórnmálanna varðar. Ekki aðeins hefur kona í fyrsta skipti tekið forystu fyrir ríkis­stjórn heldur er hlutur kynjanna í fyrsta skipti jafn meðal ráðherra.

Jóhanna fékk köku ársins

Stefán Hrafn Sigfússon, verðlauna­hafi í keppninni um Köku ársins 2009 afhenti Jóhönnu Sigurðardóttur, forsætis­ráðherra, eina slíka í morgun. Jóhann Felixson, formaður Lands­sambands bakarameistara, betur þekktur sem bakarameistarinn Jói Fel, óskaði forsætis­ráðherra velfarnaðar í starfi. Kakan var síðan borin fram á ríkis­stjórnar­fundi.

Þjóðverjar koma evru­svæðinu varla til bjargar

Ólíklegt er að Þjóðverjar séu reiðubúnir að koma evru­svæðinu til bjargar ef á þarf að halda, segir Wolfgang Münchau, aðstoðar­rit­stjóri Financial Times.

Stjórnir Baugs og BG mótmæltu ekki beiðni um greiðslustöðvun

Stjórnir Baugs Group hf („Baugur“) og BG Holding ehf („BG Holding“) ákváðu að andmæla ekki beiðni Landsbanka Íslands hf um greiðslustöðvun BG Holding í Bretlandi sem tekin var fyrir hjá breskum dómstól High Court of Justice fyrr í dag.

Fallist á greiðslustöðvun BG Holding

Dómstóll í Bretlandi hefur fallist á kröfu skila­nefndin Landsbankans um að BG Holding, dóttur­félag Baugs Group í Bretlandi, verði sett í greiðslustöðvun.

Krónan styrkist

Eftir skammvinnt bakslag í upphafi vikunnar hefur krónan haldið áfram að styrkjast jafnt og þétt, segir Greining Glitnis.

Seðlabankinn virkur á gjaldeyris­markaði

Hrein sala Seðlabankans á gjaldeyri á markaði nam 1,3 milljörðum króna í janúar og samsvarar það tæpum þriðjungi af heildarveltu á millibanka­markaði með gjaldeyri í mánuðinum. Þetta hlutfall var áþekkt í desember, segir Greining Glitnis.

Kaup­félag Héraðsbúa í þrot

Kaup­félag Héraðsbúa hættir öllum rekstri. N1 tekur yfir rekstur Söluskála og Hraðbúðar á Egilsstöðum. Samkaup tekur yfir rekstur allra verslana, segir í frétt Ríkistútvarpsins.

Seðlabanka­stjóri: Ekkert hefði getað bjargað bönkunum

Eftir á að hyggja hefði öruggasta leiðin til þess að koma í veg fyrir hrun bankanna e.t.v. verið sú að setja í upphafi þrengri skorður við starfsemi þeirra en fjármálafyrirtækja í öðrum löndum Evrópska efnahags­svæðisins, segir Ingimundur Friðriksson seðlabanka­stjóri. Hann skýrir aðdraganda bankahrunsins í grein sem ætlunin var að flytja í Finnlandi sem ekki varð af enda hefur forsætis­ráðherra krafist afsagnar bank­stjóranna þriggja.

Ástralinn áfram í keppninni um Moggann

Ástralinn Steve Cosser, Óskar Magnússon, Hallbjörn Karlsson og Árni Hauksson og Almenningshluta­félag um rekstur Morgunblaðsins eru fjárfestarnir sem boðið hefur verið að halda áfram í söluferli Fyrirtækjaráðgjafar Nýja Glitnis á hlutafé í Árvakri, útgáfu­félagi Morgunblaðsins.

Fleiri fljúga með Norwegian en sætanýting er verri

Farþegaaukning varð hjá norska lágfargjaldaflug­félaginu Norwegian í janúar en sætanýting véla félagsins er hins vegar verri en áður. Tekjur af hverjum farþega hafa aukist.

Maður handtekinn í tengslum við líkfund

Karlmaður á fertugsaldri var haldtekinn í nótt í tengslum við rannsókn á láti konu sem fannst við Reykjanesbraut á móti álverinu í Straumsvík í gærkvöldi. Hann verður yfirheyrður í dag, samkvæmt upplýsingum lög­reglu.

Fleiri gistinætur á hótelum

Gistinætur á hótelum í desember síðastliðnum voru 58.800 og fjölgaði um 10% frá desember 2007 þegar gistinætur voru 53.600. Gistinóttum á hótelum fyrir árið 2008 fjölgaði um rúm 2% milli ára.

Vondur fjórðungur fyrir Volvo

Verulegt tap var á Volvo bílaverksmiðjunum á síðasta fjórðungi liðins árs, 2,5 milljarðar sænskra króna eða sem svarar 35 milljörðum íslenskra króna. Það er mikill viðsnúningur frá sama tíma árið á undan.

Afkomu British Airways má líkja við magalendingu

Líkja má afkomu breska flug­félagsins British Airways fyrstu þrjá fjórðunga liðins árs við magalendingu. Viðvörunarljósin blikka eftir uppgjör þriggja fjórðunga - en viðbúið er að talsvert tap hafi verið á rekstrinum sé litið til ársins í heild.

Bagger eins og skátadrengur í samanburði við hinn japanska Nami

Japaninn Kazutsugi Nami er talinn hafa svikið um 160 milljarða króna af fjárfestum. Danskir fjölmiðlar sem skrifað hafa óteljandi fréttir um fjársvikarann Stein Bagger segja hann hreinlega eins og skátadreng í samanburði við þann japanska.

Elísabet drottning reynir að innheimta leigu af Kaupþingi

Elísabet II Breta­drottning hefur krafið skila­nefnd Kaupþings um greiðslu á ógreiddri leigu. Fasteigna­félag drottningar leigði gamla Kaupþingi skrifstofuhúsnæði undir höfuðstöðvar Singer & Friedlander við Hanover-stræti 1 í London fyrir 2,8 milljónir punda á ári.

Vaka með meirihluta í Háskólanum

Vaka, félags lýðræðissinnaðra stúdenta, sigraði í kosningum til stúdentaráðs Háskóla Íslands og fékk 52,25% atkvæða eða 2.342 atkvæði. Röskva fékk 47,75% atkvæða eða 2.140 atkvæði.

Jón Magnússon segir skilið við Frjálslynda flokkinn

Jón Magnússon, þing­flokksformaður Frjálslynda flokksins, hefur ákveðið að gefa ekki kost á sér í komandi þingkosningum fyrir flokkinn. Hann segir í viðtali við DV að ekki sé hægt að bjóða sig fram fyrir flokk þar sem allt sé í vitleysu.

Kona fannst látin við geymslu­svæðið í Hafnarfirði

Konan fannst látin í gærkvöldi austan við Reykjanesbrautina á móts við álverið í Straumsvík. Áverkar voru á líkinu og var fjölmennt lið lög­reglu og tæknimanna kallað á vettvang. Réttarmeina­fræðingur var einnig kallaður til.