Laugardagurinn 31. janúar 2009

Mið­stjórn Framsóknar með fund á morgun

Mið­stjórn Framsóknar­flokksins hefur verið kölluð saman til fundar á morgun, sunnudag kl. 13.30. Þar mun formaður flokksins kynna framgang og niðurstöður viðræðna um að Framsóknar­flokkurinn verji minnihluta­stjórn Samfylkingar og vinstri grænna falli.

Tugir fórust í brennandi olíuhafi úr olíubíl í Kenýa

Brennandi olíuhaf frá olíubíl sem valt í bænum Molo í Kenýa olli dauða að minnsta kosti fimmtíu manns í dag, Hundruð manna söfnuðust að til að reyna að ná sér í olíu sem fossaði úr bílnum. Hugsanlegt er að sígaretta hafi valdið olíusprengingunni.

Bjarni Benediktsson býður sig fram í formann Sjálfstæðis­flokksins

Bjarni Benediktsson, þingmaður hefur ákveðið að bjóða sig fram til formennsku í Sjálfstæðis­flokknum og landsfundi, sem hefst 26. mars næstkomandi. Bjarni er fyrsti maðurinn sem lýsir opinberlega yfir framboði til formennsku, en Geir H. Haarde sækist ekki eftir endurkjöri.

Hvað hyggst ný ríkis­stjórn fyrir í ESB- málum?

Heimssýn, hreyfing sjálfstæðis­sinna í Evrópu­málum, efnir til opins fundar nk. sunnudag kl 14:00 á Kaffi Rót í Hafnarstræti 17, 101 Reykjavík þar sem umræðuefnið verður hvað ný ríkis­stjórn kunni að aðhafast í Evrópu­málunum.

Snjóbrettum stolið

Töluvert er um að snjóbrettum sé stolið þessa dagana. Að undanförnu hafa lög­reglu borist margar slíkar tilkynningar, flestar ef ekki allar úr Bláfjöllum.

Hallur Magnússon býður sig fram í Reykjavík fyrir Framsókn

Hallur Magnússon hefur ákveðið að sækjast eftir einu af efstu sætum á framboðslista Framsóknar­flokksins í öðru hvoru Reykjavíkur­kjördæminu. Í yfirlýsingu segir Hallur að hann hafi gagnrýnt það sem miður hafi farið hjá Framsóknar­flokknum.

Gunnar Bragi vill fyrsta sæti hjá Framsókn í Norðvestur­kjördæmi

Gunnar Bragi Sveinsson, oddviti Framsóknar­flokksins í Skagafirði, ætlar að sækjast eftir að leiða framboðslista flokksins í Norðvestur­kjördæmi í komandi Alþingis­kosningum. Magnús Stefánsson, þingmaður hefur ákveðið að láta af þingmennsku.

Obama vill bætt samband við Kína

Barack Obama Bandaríkja­forseti hringdi í dag í Hu Jintao, starfsbróður sinn í Kína. Samtal þeirra er hið fyrsta frá því að Obama tók við embætti. Forsetarnir urðu sammála um að bæta samband þjóðanna, koma á „jákvæðara“ sambandi milli þeirra.

Boða til mótmæla og „sigurtónleika“

Samtökin Raddir Fólksins boða til mótmæla í dag á heimasíðu sinni. Einnig verða haldnir tónleikar í kvöld og rennur ágóðinn til samtakanna.