Sunnudagurinn 25. janúar 2009

Kosningabaráttan er hafin, segir dómsmála­ráðherra

Björn Bjarnason dómsmála­ráðherra segir að kosningabaráttan vegna komandi þingkosninga sé hafin. Hann segir að nú liggi ekki annað fyrir en að stjórnar­flokkarnir marki sér eigin stefnu til framtíðar. Ekki sé hægt að semja um annað í ríkis­stjórn en brýnustu afgreiðslumál.

Kosið verður um endurreisn en ekki Evrópu­sambandið

Styrmir Gunnarsson, fyrrverandi rit­stjóri Morgunblaðsins, segir í nýrri grein hér á AMX, að kosningarnar í vor muni ekki snúast um aðild að ESB heldur tillögur stjórnmála­flokkanna um endurreisn efnahags- og atvinnulífs landsins. ESB-bólan er sprungin.

Staða Davíðs ræður lífi ríkis­stjórnar­innar

Staða seðlabanka­stjóra virðist ráða miklu um það hvort ríkis­stjórnin heldur velli. Formenn stjórnar­flokkanna ákveða framhald stjórnar­samstarfsins í síðasta lagi á morgun. Ef sátt á að nást um framhaldið hljóta böndin að berast að Seðlabankanum, segir Ingibjörg Sólrún.

Ráðherraafsögnin vekur athygli ytra

Afsögn Björgvins G. Sigurðssonar úr embætti viðskipta­ráðherra vekur athygli á Norðurlöndum og raunar mun víðar um heim. Norræna fréttastofan NTB segir að verði íslenska ríkis­stjórnin þvinguð frá sé hún hin fyrsta í Evrópu sem falli beinlínis vegna fjármálakreppunnar.

For­stjóri FME hættir 1. mars

Jónas Fr. Jónsson, for­stjóri Fjármála­eftirlitsins, lætur af starfi 1. mars næstkomandi. Gengið var frá starfslokum for­stjórans á fundi stjórnar FME í dag. Stjórnar­menn eftirlitsins óska eftir að láta af störfum þegar í stað.

Fátítt að ráðherrar segi af sér

Það er fátítt að íslenskur ráðherra segi af sér. Sú hefð er miklu ríkari í nálægum löndum að eintakir ráðherrar taki pólitíska ábyrgð á því sem kemur upp á. Aðeins fjórir ráðherrar hafa sagt af sér á undan Björgvin G. Sigurðssyni.

Skúli segir Björgvin gefa tóninn

Björgvin G. Sigurðsson leggur sitt af mörkum við að breyta pólitískri siðmenningu landsins með ákvörðun sinni. Afsögn hans er ekki staðfesting á einhvers konar afglöpum eða sekt heldur fyrst og fremst viðurkenning á þeirri staðreynd að ríkis­stjórninni hefur ekki tekist að mynda það trúnaðar­samband við þjóðina, segir Skúli Helgason, framkvæmda­stjóri Samfylkingrinnar.

Óeining innan Samfylkingar um stjórnar­samstarfið

Geir H. Haarde, forsætis­ráðherra sagði við fréttamenn að greinilegt sé að mjög skiptar skoðanir séu innan Samfylkingar­innar um framhald stjórnar­samstarfsins. Forystumenn ríkis­stjórnar­innar hafa verið á fundum í dag til að ákveða framhaldið.

Formenn stjórnar­flokkanna sitja á fundi

Geir H. Haarde og Ingibjörg Sólrún Gísla­dóttir sitja nú á fundi til að ræða framtíð samstarfs Sjálfstæðis­flokksins og Samfylkingar­innar í ríkis­stjórn. Á fundinum sitja einnig Þorgerður Katrín Gunnars­dóttir, varaformaður Sjálfstæðis­flokksins og Össkur Skarphéðinsson, iðnaðar­ráðherra.

Björgvin G. segir af sér, stjórn og for­stjóri FME hætta

Björgvin G. Sigurðsson, viðskipta­ráðherra hefur sagt af sér ráðherraembætti. Jafnframt hefur Jóns Sigurðsson sagt af sér sem formaður stjórnar Fjármála­eftirlitsins. Stjórnin FME mun víkja en ráðherra hefur falið henni að ganga frá starfslokasamningi við Jónas Fr. Jónsson, for­stjóra FME.

Björgvin G. Sigurðsson boðar til blaðamannafundar

Björgvin G. Sigurðsson, viðskipta­ráðherra hefur boðað til blaðamannafundar kl.10:30. Tilefni fundarins liggur ekki fyrir, en Björgvin hefur legið undir mikilli gagnrýni á undanförnum vikum vegna stöðunnar í bankamálum.

Flughált kringum Þingvelli og á Bláfjalla- og Krísuvíkurleið

Á Suðurlandi er hálka og hálkublettir víða á útvegum, þó eru hálkublettir á Hellisheiði og í Þrengslum. Flughált er í kringum Þingvallavatn og á Bláfjalla- og Krýsuvíkurleið.