Laugardagurinn 24. janúar 2009

Boða mótmæli á morgun gegn ofbeldi

Um netheima gengur nú tölvu­bréf þess efnis að á morgun, sunnudag, kl. 15 verði mótmæli á Austurvelli þar sem ofbeldi gegn lög­reglu og stofnunum sam­félagisns er mótmælt. AMX bárust sambærileg bréf úr ýmsum áttum og þar af eitt frá skipuleggjendum mótmælanna.

Biðst afsökunar

Hörður Torfason, forsvarsmaður Radda fólksins, baðst afsökunar á ummælum sínum vegna veikinda Geirs H. Haarde, við upphaf mótmælaaðgerða á Austurvelli. Í viðtali við mbl.is í gær sagði Hörður: „Hvað er hann að draga veikindi sín fram í dagsljósið núna?“

Vinstri græn halda landsfund 20.-22. mars

Á stjórnar­fundi Vinstrihreyfingarinnar græns framboðs síðdegis var ákveðið að stefna að því að halda landsfund flokksins helgina 20.-22. mars. Dagsetning fundarins tekur mið af vilja Vinstri grænna til að gengið verði til kosninga laugardaginn 4. apríl

Formenn stjórnar­flokkanna ræða saman í dag

Geir H. Haarde forsætis­ráðherra hefur hug á því að starfa áfram fram að kosningum, en hann mun ræða framhald ríkis­stjórnar­innar við Ingibjörgu Sólrúnu Gísladóttur um helgina.

Steingrímur J. getur gert sér vonir um stól forsætis­ráðherra

Tvær skoðanakannanir síðustu daga benda til þess að ef gengið yrði til kosninga nú yrði Vinstrihreyfingin grænt framboð öflugasta stjórnmálaafl landsins. Þetta þýðir að Steingrímur J. Sigfússon getur gert sér vonir um að setjast í stól forsætis­ráðherra.

Frjálslyndir vilja ekki aðild að ESB

Meirihluti flokksmanna Frjálslynda flokksins, sem tóku þátt í póstkosningu, vilja ekki að Ísland óski eftir aðild að Evrópu­sambandinu. Tæp 52% voru andvíg aðildarumsókn en tæplega 35% voru hlynnt aðildarviðræðum.

Vinstri grænir og Framsókn með þægilegan meirihluta

Skoðanakönnun Fréttablaðsins bendir til þess að Steingrímur J. Sigfússon verði forsætis­ráðherra að loknum kosningum með stuðningi framsóknar­manna. Vinstri grænir hafa áður átt velgengni að fagna í aðdraganda kosninga en misst flugið í kosningabaráttunni. Sjálfstæðis­flokkurinn þarf að velja sér formann og Samfylkingin logar í innan­flokksdeilum. Frjálslyndi þurrkast út.

Fylgi Samfylkingar­innar í frjálsu falli

Fylgi Samfylkingar­innar hrynur í nýrri skoðanakönnun sem Fréttablaðið birtir í dag. Fylgi flokksins hefur ekki verið minna í tvö ár. Fylgi Sjálfstæðis­flokksins heldur áfram að minnka en vinstri grænir eru stærsti flokkurinn.

Víða hálka

Á Suðurlandi er hálka og hálkublettir víða á útvegum. Flughált er í kringum Þingvallavatn og á Bláfjalla- og Krýsuvíkurleið. Flughált er á Mývatnsöræfum.