Föstudagurinn 23. janúar 2009

Flugskóli Keilis fær nýjar kennsluvélar

Samgöngu- og öryggisskóli Keilis flugakademíu á Keflavíkurflugvelli tók í dag í notkun tvær nýjar kennsluflugvélar og um leið fór fram skóla­setning næsta hóps í einkaflugnámi sem fer fram með fjarkennslu. Kennsluvélarnar eru af gerðinni Diamond. Von er á þremur vélum til viðbótar á næstu misserum.

Kallar efnahagshrunið á breytingar á stjórnskipun Íslands?

Kallar efnahagshrunið á breytingar á stjórnskipun Íslands og stjórnsýslunni? Leitað verður svara við þessari spurningu á miðvikudaginn í málstofu laga­deildar Háskóla Íslands sem sem og hvort nýjar leiðir séu við skipulag framkvæmdavaldsins.

Vilhjálmsdómi verður áfrýjað

Fyrrverandi stjórn gamla Glitnis hefur ákveðið að áfrýja dómi héraðsdóms í máli Vilhjálms Bjarnasyni gegn stjórninni. Fyrr í dag féll dómur Vilhjálmi í vil þar sem stjórn bankans var talin hafa gengið gegn hagsmunum hluthafa.

Finnsk kreppa

Mjög hægir á í finnsku efnahagslífi á árinu. Þjóðarframleiðsla mun falla um meira en 2 prósent, segir Jyrki Katainen fjármála­ráðherra. Ríkis­stjórnin mun á næstu vikum kynna neyðar­áætlun vegna ástandsins.

Nýherji tapaði rúmum 1200 milljónum

Tap Nýherja á síðasta ári nam 1.201 milljón króna. Rekstur og afkoma Nýherja hf. á fjórða ársfjórðungi ber merki þeirra skyndilegu sviptinga, sem urðu í rekstrarumhverfi íslenskra fyrirtækja eftir fall bankanna í október og stórfellda lækkun á verðgildi íslensku krónunnar, segir for­stjórinn.

Mótmælendur gefa löggunni blóm

Lög­reglan er ánægð með hvernig mótmæli þróuðust í gær, eftir að hafa farið úr böndunum daginn áður. Á vef lög­reglunnar er sagt frá því að nokkrir úr hópi mótmælenda hafi tekið sig til að fært lög­reglumönnum blóm.

Ingibjörg Sólrún komin heim

Ingibjörg Sólrún Gísla­dóttir kom síðdegis til Íslands frá Svíþjóð þar sem hún gekkst undir aðgerð vegna heilaæxlis. Ingibjörg Sólrún er nú að ræða við fréttamenn í Leifsstöð. Báðir formenn stjórnar­flokkanna stríða við alvarleg veikindi.

Loftferðasamningur milli Íslands og Singapúr

Loftferðasamningur milli Íslands og Singapúr var undirritaður í dag. Samningurinn er fyrsti loftferðasamningur sem gerður er á milli ríkjanna.

Seðlabankinn lækkar vexti óverðtryggðra lána

Frá og með 1. febrúar 2009 breytast vextir óverðtryggðra lána úr 21,0% í 20,0% og skaðabótavextir verða 13,3% en voru áður 14,0%. Vextir eru því eftirfarandi: Óverðtryggð lán 20,0%, skaðabótakröfur 13,3% og verðtryggð lán 5,9%, segir í tilkynningu Seðlabankans.

Sjálfstæðis­flokkurinn og ESB – hvað er fram undan?

Styrmir Gunnarsson og Óli Björn Kárason ræða afstöðu Sjálfstæðis­flokksins til ESB aðildar á opnum fundi í Kaffi Rót á sunnudaginn. Það er Heimssýn, hreyfing sjálfstæðis­sinna í Evrópu­málum sem boðar til fundarins.

Harmar að ofbeldishópar eyðileggi friðsamleg mótmæli

Sameiginlegur fundur mið­stjórnar og þing­flokks Sjálfstæðis­flokks harmar að ofbeldishópar hafa reynt að eyðileggja og sundra friðsömum mótmælaaðgerðum almennings. Fundurinn lýsir fullum stuðningi við hófsamar og óhjákvæmlegar aðgerðir lög­reglunnar.

Skip­stjóri og vél­stjóri í einum og sama manninum

Samgöngu­ráðuneytið hefur kveðið upp úrskurð þar sem hnekkt er ákvörðun mönnunar­nefndar skipa í máli Keilis ehf. frá því sl. sumar. Þar hafnaði nefndin beiðni útgerðarinnar um að sami maður fengi að gegna stöðu skip­stjóra og vél­stjóra eins og verið hafði frá árinu 2004.

ASÍ fundur án niðurstöðu

Formannafundur ASÍ ræddi í dag beiðni SA um seinkun á framkvæmd ýmissa ákvæða núgildandi kjarasamnings vegna efnahagsástandsins. Umræður urðu miklar en fundinum lauk án niðurstöðu.

Þorgerður Katrín leysir Geir af

Þorgerður Katrín Gunnars­dóttir, menntamála­ráðherra og varaformaður Sjálfstæðis­flokksins, mun gegna embætti forsætis­ráðherra í fjarveru Geirs H. Haarde á meðan hann verður í læknismeðferð erlendis.

Nestispakkinn í tísku á ný

Nestispakkinn er kominn í tísku á ný. Kreppan hefur orðið til þess að Bandaríkjamenn passa pyngjuna betur en áður og draga úr heimsóknum á skyndibitastaði. Þetta eru góð tíðindi fyrir danska fyrirtækið Plumrose, sem framleiðir beikon, skinku og aðrar áleggstegundir.

Listahátíð í Reykjavík og Iceland Express í samstarf

Samstarfssamningur þess efnis að Iceland Express verði einn af aðal­samstarfsaðilum Listahátíðar í Reykjavík var undirritaður í morgun. Er þetta í fyrsta sinn sem Listahátíð og Iceland Express starfa saman.

Wal-Mart kaupir stærslu verslunarkeðju Chíle

Forráðamenn bandarísku verslunarkeðjunnar Wal-Mart greindu í dag frá kaupum á stærstu verslunarkeðju í Chíle, Distribucion y Servicio, D&S.

Hált í hálkunni

Nokkuð var um að fólk ætti erfitt með að fóta sig í hálkunni í gær, ekki síst eldri borgarar. Tvær fullorðnar konur í Kópavogi duttu í hálkunni um hádegisbil og sú þriðja í Reykjavík.

SA: Lækka verður stýrivexti strax í 12%

Ekkert fyrirtæki getur þrifist í starfsumhverfi þar sem stýrivextir eru 18% og raunvextir á bilinu 20-30%, segir á síðu Samtaka atvinnulífsins en þar kemur fram hjá Vilhjálmi Egilssyni, framkvæmda­stjóra samtakanna, að lækka verði stýrivexti strax í 12%.

Samningar um endurskoðun ríkisbankanna

Ríkisendurskoðun hefur samið við þrjú endurskoðunarfélög um að annast endurskoðun nýju ríkisbankanna á tímabilinu 2009–2010. Einnig hefur verið gengið frá ráðningu félaga til að endurskoða stofnefnahagsreikninga tveggja banka og reikninga þeirra fyrir tímabilið frá stofnun til ársloka 2008.

Geir lætur af formennsku í Sjálfstæðis­flokknum

Geir H. Haarde, formaður Sjálfstæðis­flokksins hefur ákveðið að láta af formennsku. Þetta gerir hann vegna veikinda en hann hefur greinst með illkynja æxli í vélinda. Landsfundi hefur verið frestað til mars og þar verður kjörinn nýr formaður. Sjálfstæðis­flokkurinn vill að gengið verði til kosninga í maí næstkomandi.

Æxli Ingibjargar Sólrúnar er góðkynja

Læknar hafa staðfest að heilaæxli Ingibjargar Sólrúnar Gísladóttur, utanríkis­ráðherra og formanns Samfylkingar­innar, sé góðkynja. Ingibjörg Sólrún kemur til landsins í dag.

Vilhjálmi dæmdar bætur vegna starfsloka Bjarna Ármannssonar

Héraðsdómur hefur dæmt fyrrverandi stjórn gamla Glitnis til að greiða Vilhjálmi Bjarnasyni bætur vegna starfsloka Bjarna Ármannssonar sem for­stjóra bankans. Vilhjálmur stefni stjórninni fyrir að hafa ekki gætt jafnræðis milli hluthafa þegar hluta­bréf Bjarna voru keypt á yfirverði.

Kennarar segja forsendur samstöðu í kjaramálum brotnar

Kennara­sambandsins (KÍ) telur að forsendur samstöðu um kjaramál brostnar vegna þess að ríkis­stjórnin hefur ekki komið að samráði samtaka launamanna og vinnuveitenda.

Steingrímur nýtur mests trausts formanna stjórnmála­flokkanna

Traust til formanna stjórnar­flokkanna mælist mun minna en í desember, að því er fram kemur í nýrri skoðanakönnun MMR, Markaðs- og miðlarannsókna. Steingrímur J., Sigfússon, formaður Vinstri grænna, er sá sem flestir segjast bera mikið traust til.

Samfylkingin frestar framtíðarþingi

Framtíðarþingi Samfylkingar­innar sem halda átti á morgun, laugardag, hefur verið frestað vegna stjórnmálaástandsins.

Sálgæsla í efnahagskreppu

Starfshópur sér­fræðinga á að skila tillögum til heilbrigðis­ráðherra um það hvernig best má verjast fylgifiskum efnahagskreppu á sál­félagslega sviðinu. Hópnum er m.a. ætlað að fara yfir viðbrögð finnskra heilbrigðisyfirvalda sem þau gripu til þegar efnahagkreppa reið þar yfir.

Áhyggjur af svartri vinnu í atvinnuleysinu

Miklar áhyggjur eru uppi meðal iðnmeistara af því að svört atvinnustarfsemi aukist til muna í því mikla atvinnuleysi sem er að verða meðal iðnaðarmanna í landinu. Kröfur um að tekið verði á þessum þætti eru háværar.

Hlutur kvenna í áhrifastöðum vex og minnkar

Karlar eru við stjórnvölinn í mun ríkara mæli en konur. Hlutur kvenna fer þó vaxandi í ýmsum áhrifastöðum en stendur í stað eða minnkar í öðrum. Kynjaskipting meðal stjórnar­formanna og stjórnar­manna fyrirtækja var óbreytt árin 1999–2007, en konur voru þar rúmur fimmtungur.

Bensínafsláttur á bóndadegi

Skeljungur bauð konum í morgun að dekra við karla sína í tilefni bóndadags með því að fylla á tankinn og fá 10 krónu afslátt á lítra. N1 svaraði með því að bjóða körlum líka tíkall í afslátt. Það er því þorrastuð á bensínstöðvunum.

Moody's telur horfur neikvæðar en lánshæfi óbreytt

Lánshæfi ríkis­sjóðs Íslands er óbreytt í nýrri skýrslu Moody's en horfur eru sagðar neikvæðar. Landið er enn talið í flokki fjárfestinga enda efnahagslegur styrkur í meðallagi og stofnanir sam­félagsins sterkar.

Fullur skilningur forsætis­ráðherra á hlutskipti lög­reglumanna

Mat forsætis­ráðherra er að lög­reglan og lög­reglumenn hafi sinnt sínu starfi með miklu sóma undanfarna mánuði við erfiðar aðstæður, segir eftir fund Geirs H. Haarde með formanni Lands­sambands lög­reglumanna í kjölfar óeirðanna.

Endurskoðun KPMG á IT Factory gagnrýnd

Endurskoðunar­fyrirtækið KPMG sem sá um endurskoðun á svindl­fyrirtæki danska fjársvikarans Stein Baggers, IT Factory, þvær hendur sínar af svikum hans en æ fleiri sér­fræðingar gagnrýna endurskoðunar­fyrirtækið fyrir að taka ekki eftir augljósum hættumerkjum.

Obama fyrsti forsetinn í tölvupóst­sambandi

Barack Obama mun halda BlackBerry símanum sínum og hann verður fyrsti forseti Bandaríkjanna sem verður í tölvupóst­sambandi. Miklar áhyggjur hafa verið vegna notkunar Obama á farsíma og tölvupósti.

Enn er víða óveður og varað við ferðalögum

Enn er óveður í Staðarsveit og á Laxárdalsheiði en stórhríð á Fróðárheiði. Á Vestfjörðum er óveður á Klettshálsi, Gemlufallsheiði og á Steingrímsfjarðarheiði. Vegfarendur eru beðnir um að athuga vel akstursskilyrði áður en lagt er af stað.

Lækkunin heldur áfram á mörkuðum í Asíu

Hluta­bréf lækkuðu töluvert í verði í dag og er þetta þriðja vikan í röð sem markaðir lækka. MSCI Asíu vísitalan lækkaði um 2,6% og er vikulækkunin 4,6%.