Þriðjudagurinn 20. janúar 2009

Ted Kennedy hné niður í veislumat með Obama

Ted Kennedy, öldunga­deildarþingmaður demókrata, hné niður í hátíðarhádegisverði með Barack Obama, hinum nýja forseta Bandaríkjanna.

Hluta­bréf falla þrátt fyrir embættistöku Obama

Hluta­bréf féllu almennt í verði í Bandaríkjunum í dag, þrátt fyrir þær vonir sem flestir binda við Barack Obama sem tók við forsetaembættinu í dag. S&P 500 vísitalan lækkaði um 5,3% og Dow Jones um 4%.

Bush-hjónin á leið á búgarð sinn í Texas

Eftir átta umbrotaár í embætti Bandaríkjaforseta er George W. Bush á leið á búgarð sinn í Texas. Hinn nýi Bandaríkja­forseti, Barack Obama, fylgdi forvera sínum að þyrlu sem flutti Bush og Lauru konu hans á Andrews-herflugvöllinn í Maryland. Þaðan héldu forsetahjónin fyrrverandi áfram för sinni til Texas.

111 ökumenn myndaðir vegna hraðaksturs

Brot 111 ökumanna voru mynduð á Kringlumýrarbraut í dag. Fylgst var með ökutækjum sem var ekið Kringlumýrarbraut í norðurátt, að Sigtúni.

Kannabisræktun í Laugardal

Lög­reglan stöðvaði kannabisræktun í húsi í Laugardalshverfinu um miðjan dag í gær. Við húsleit á áður­nefndum stað fundust rúmlega 10 kannabisplöntur á lokastigi ræktunar.

Rafrænar kosningar í tveimur sveitarfélögum 2010

Unnið er að undirbúningi tilraunar með rafrænar sveita­stjórnar­kosningar árið 2010. Tilraunina skal binda við tvö sveitarfélög. Rafrænar kosningar hafa farið fram erlendis og hefur upplýsinga verið aflað um tilhögun og reynslu meðal annars í Eistlandi og Kanada.

Tími enduruppbyggingar er hafinn, segir Obama

Barack Obama sór embættiseið forseta Bandaríkjanna, með hægri hönd á biblíu sem einn sinn var notuð af Abraham Lincoln. Biblían er í vörslu Bókasafns þingsins, sem er eitt stærsta bókasafn heims.

Synda framhaldsskóla­nemendur 10 hringi í kringum Ísland?

Allir nemendur framhaldsskólanna, alls tæplega 20.000, hafa fengið afhent sundkort og syndi hver þeirra 200 metra á dag í eina viku leggja þeir 28 milljón metra að baki. Það eru 28.000 km sem samsvarar því að nemendur myndu synda 10 hringi í kringum Ísland.

Obama tekinn við sem Bandaríkja­forseti

Barack Obama hefur svarið embættiseið sem forseti Bandaríkjanna. Hann flytur nú ávarp sitt til þjóðar­innar og raunar heimsbyggðarinnar allrar því sýnt er beint frá embættistökunni um allan heim.

Metanólframleiðsla hjá Carbon Recycling International

Nýsköpunar­fyrirtækið Carbon Recycling International hefur þróað tækni til framleiðslu á metanóli úr koltvíoxíði. Fyrirtækið hefur smíðað vél sem getur breytt útblæstri í orku sem getur knúið bifreiðar. Iðnaðar­ráðherra kynnti sér framleiðsluna.

Stýrivextir aldrei lægri í Kanada

Seðlabanki Kanada, Bank of Canada, lækkaði stýrivexti í dag um 50 punkta, 0,5%, niður í 1,0%. Vextir hafa ekki verið lægri í Kanada frá stofnun bankans árið 1934.

Þingfundi frestað vegna átakanna

Fundi Alþingis var fyrir skömmu frestað til klukkan 15.30. Mikil átök hafa verið utan við þinghúsið frá þingsetningu kl. 13.30 Lögrega hefur beitt gasi og handtekið nokkra. Þingmönnum var ráðlagt að halda sig frá gluggum þinghússins.

Gangur í viðræðum um spari­sjóðasameiningu

Viðræður um sameiningu Spari­sjóðsins í Keflavík, Byrs og SPRON hafa staðið yfir frá því í byrjun desember og hafa samningsaðilar kannað hvort grundvöllur er fyrir sameiningu spari­sjóðanna. Viðræðurnar hafa gengið vel.

LÍ: Leiðbeiningar um aðgerðir vegna greiðsluerfiðleika fyrirtækja

Bankaráð Landsbankans, NBI hf. hefur samþykkt leiðbeiningar um aðgerðir vegna greiðsluerfiðleika fyrirtækja. Leiðbeiningarnar taka til þess hvernig staðið skuli að endur­skipulagningu fjárhags fyrirtækja sem eru í viðskiptum við bankann.

Umsátursástand við Alþingi

Umsátursástand er nú við Alþingi en þing átti að hefjast á nýjan leik kl. 13.30 eftir jólahlé. Fjöldi mótmælenda er allt í kringum húsið. Menn hafa barið glugga hússins og hávaði er mikill. Óeirðasveit lög­reglunnar er komin á vettvang og hefur hafist handa við að rýma svæðið umhverfis þinghúsið.

Flughált er víða og aksturskilyrði eru slæm

Flughált er nú víða um allt land og því mjög slæm aksturskilyrði. Ófært er á Fjarðarheiði og á Vatnskarði eystra vegna óveðurs.

TM selur Nemi

Gengið hefur verið frá samningi um sölu á Nemi, dóttur­félags Trygginga­miðstöðvarinnar hf. í Noregi, til norska trygginga­félagsins Protector Forsikring ASA.

Spari­sjóðurinn í Keflavík selur Íbúðalána­sjóði fasteignalán

Spari­sjóðurinn í Keflavík og Íbúðalána­sjóður hafa að undanförnu átt viðræður um sölu íbúðalána Spari­sjóðsins, að verðmæti um 9,7 milljarðar, til Íbúðalána­sjóðs.

Munur á byggingarkostnaði og markaðsverði minnkar

Verulega hefur dregið saman með byggingarkostnaði fjölbýlis og markaðsverði undanfarið, en þar virðist þó enn vera talsvert meiri munur á en raunin var fyrir fimm árum, segir Greining Glitnis.

Lánin til að styrkja Kaupþing og hugmyndin frá Deutche bank

Sigurður Einarsson, fyrrverandi stjórnar­formaður Kaupþings banka, segir að engar reglur eða lög hafi verið brotin í tengslum við lán til viðskiptavina bankans sem veitt voru í ágúst og september á liðnu ári. Hugmyndin að viðskiptunum kom frá Deutche Bank

Slæm staða breska hagkerfisins kemur sér illa fyrir hið íslenska

Slæm staða breska hagkerfisins kemur sér illa fyrir hið íslenska. Bretland er afar mikilvægur útflutnings­markaður fyrir íslenskar sjávar­afurðir. Af gjaldeyris­tekjum af vöruútflutningi kom ríflega 12% frá Bretlandi í fyrra, segir Greining Glitnis.

Hæstiréttur vísar skattamáli Jóns Ólafssonar frá

Hæstiréttur hefur vísað frá dómi kæru saksóknara á hendur Jóni Ólafssyni, Hreggviði Jónssyni og Ragnari Birgissyni, vegna meintra brota á skattalögum. Héraðsdómur hafði áður vísað máli frá dómi en saksóknari áfrýjaði þeirri ákvörðun til Hæstaréttar.

Dökkar framtíðarhorfur í Þýskalandi

Þýskir sér­fræðingar eru svartsýnir á efnahagsþróun í Þýskalandi. Svokölluð ZEW vísitala mælir sýn sér­fræðinga á nánustu framtíð og hún er neikvæð. Þýskaland byggir á miklum útflutningi og því hefur ástand í öðrum löndum mikil áhrif.

Sýslumaður endurskoðar ákvörðun vegna tilmæla dómsmála­ráðherra

Sýslumaðurinn á Selfossi hefur endurskoðað ákvörðun sína um að gefa út skipun um að handtaka 370 þar sem þeir hefðu ekki skilað sér í fjárnám hjá embætti hans. Björn Bjarnason, dómsmála­ráðherra gerði athugasemdir við sýslumanninn þar sem hann hafi ekki gætt að reglum um jafnræði og meðalhóf.

Saab á leið heim?

Mikill hluti framleiðslu Saab bíla gæti flust heim til Svíþjóðar frá Þýskalandi og Austurríki takist samningar milli sænsku ríkis­stjórnar­innar og bandaríska bílarisans General Motors, sem á Saab.

BMW styttir vinnutíma starfsmanna

Þýsku bílaverksmiðjurnar BMW horfa fram á samdrátt í sölu og slæmar markaðshorfur. Til að mæta þessu verður vinnutími 26 þúsund starfsmanna styttur í febrúar og mars og dregið úr bílaframleiðslu.

Íkveikja í Tryggvagötu - áframhaldandi gæsluvarðhald

Karlmaður um fimmtugt hefur verið úrskurðaður í áframhaldandi gæsluvarðhald til 16. febrúar að kröfu lög­reglunnar á höfuðborgar­svæðinu og er það gert á grundvelli almannahagsmuna.

Verðbólguþrýstingur í Bretlandi

Kreppan harðnar í Bretlandi og þrýstir verðbólgu upp. Verðbólgutölur í nóvember og desember voru mun hærri en í sömu mánuðum ári fyrr. Í nýrri skýrslu Evrópu­ráðsins segir að horfur í Bretlandi séu verri en í flestum öðrum löndum Evrópu­sambandsins.

Efnahagssamdrátturinn verður 9,6% á þessu ári

Gert er ráð fyrir að samdráttur vergrar landsframleiðslu á þessu ári verði 9,6% að raunvirði. Samdráttur einkaneyslu verðu mun meiri eða 24,1%. Þetta kemur fram í endurskoðaðri þjóðhagsspá sem fjármála­ráðuneytið hefur gefið út.

Olíu skvett á skrifstofu sýslumannsins í Keflavík

Aðalinngangur á skrifstofum Sýslumannsins í Keflavík var löðrandi í smurolíu þegar starfsfólk mætti til vinnu í morgun. Þetta kemur fram í frétt á vef Víkurfrétta, vf.is.

Lið HÍ áfram í Airbus-keppni

Lið frá Háskóla Íslands komst í aðra umferð samkeppni sem Airbus efndi til þar sem háskóla­nemar víða um heim voru hvattir til að koma með hugmyndir til að móta framtíð flugiðnaðarins og efla vistvirkni hans. Hugmynd HÍ er að setja sólarsellur utan á flugvélar til orkuöflunar.

Kristín Baldurs­dóttir innri endurskoðandi Landsbankans

Landsbankinn, NBI hf. hefur ráðið Kristínu Baldurs­dóttir í starf innri endurskoðanda Landsbankans. Hún tekur við starfinu af Brynjólfi helgasyni, sem sagði starfi sínu lausu fyrir áramótin. Kristín mun hefja störf í bankanum í byrjun febrúar.

Buffett: Ekki hægt að finna betri mann í forsetaembættið

Warren Buffett, ríkasti maður heims, segir að Bandaríkin verði í góðum höndum þegar Barack Obama tekur við embætti forseta Bandaríkjanna. „Það hefði ekki verið hægt að finna betri mann í starfið,“ segir hann.

Hluta­bréf banka hækka í kauphöllinni í London

Hluta­bréf banka hefur hækkað töluvert í kauphöllinni í London. Royal Bank of Scotland, sem var í frjálsu falli í gær, hefur hækkað um liðlega 17% í fyrstu viðskiptum dagsins.

Lítil hækkun byggingarkostnaðar milli mánaða

Vísitala byggingarkostnaðar hækkaði um 0,1% frá fyrra mánuði. Hækkunin er hins vegar miklu meiri sé litið til síðustu tólf mánaða en á því tímabili hækkaði vísitala byggingarkostnaðar um 28,6%.

Hlutfall innflytjenda svipað hér á landi og í Noregi og Danmörku

Í ársbyrjun 2008 voru innflytjendur á Íslandi 25.265 talsins, eða 8,6% mannfjöldans. Það er mikil aukning frá árinu 1996 þegar innflytjendur voru einungis 2% landsmanna, eða 5.356 talsins. Hlutfall innflytjenda hér á landi er nú álíka hátt og í Noregi og Danmörku.

Afabarnið tekur við Toyota

Aiko Toyoda hefur verið valinn for­stjóri Toyota bílaverksmiðjanna, stærsta bílaframleiðanda í heimi. Hann tekur við á viðsjárverðum tímum samdráttar og uppsagna. Hann er barnabarn stofnanda Toyota en fjölskyldumeðlimur hefur ekki stýrt risa­fyrirtækinu undanfarin 14 ár.

Evran í vörn gagnvart dollar og jeni en pundið er í verri stöðu

Evran féll í verði gagnvart dollar og japönsku jeni í gær, eftir að framkvæmda­stjórn Evrópu­sambandsins, opinberaði verri hagvaxta­rspá fyrir evru­svæðið en áður. Þá setti lægri lánshæfiseinkunn Spánar aukin þrýsting á gengi evrunnar.

Heimskreppuótti lækkar olíuverð

Verð á amerískri hráolíu féll hratt á markaði í New York en verð á tunnu lækkaði um dollar, niður í 33,62 dollara. Ástæða lækkunarinnar er talin vera ótti um að heimskreppan sé komin til að vera. Þar réð mestu versnandi ástand í Bretlandi.

Fiat að yfirtaka Chrysler

Ítalski bílaframleiðandinn Fiat á í viðræðum við forráðamenn Chrysler verksmiðjurnar í Bandaríkjunum um kaup á stórum hlut í bankaríska fyrirtækinu. Svo gæti farið að Fiat myndi eignast meirihlutann í Chrysler.

Obama tekur við - þáttaskil í Bandaríkjunum

Barack Obama sver embættiseið sem 44. forseti Bandaríkjanna í dag, fyrstur þeldökkra stjórnmálamanna. Á innan við fimm árum hefur Obama markað þáttaskil í bandarískri stjórnmálasögu. Farið er yfir ævi hans og stjórnmálaferil.

Alþingi úr jólaleyfi í dag

Alþingi kemur fram í dag eftir jólaleyfi. Þingfundur hefst kl. 13.30 og er óundirbúinn fyrirspurnartími á dagskrá. Raddir fólksins hafa boðað til mótmætafundar við Alþingis­húsið.

Flughált á Vestfjörðum og víða á Austfjörðum

Flughálka er í Ísafjarðardjúp og víða á Vestfjörðum. Á Austurlandi er einnig flughálka á Sandvíkurheiði, Hárekstaðaleið og víðar. Ófært er um Fjarðarheiði vegna óveðurs, samkvæmt upplýsingum Vegagerðarinnar.

Útvaldir fengu milljarðalán án áhættu

Morgunblaðið greinir frá því í dag að útvaldir viðskiptavinir Kaupþings, þar á meðal Ólafur Ólafsson, hafi fengið milljarða króna að láni til að gera samninga sem þeir gátu ekki tapað á. Alls er um 84 milljarða króna að ræða til erlenda félaga í eigu viðskiptavina.