Mánudagurinn 19. janúar 2009

Hluta­bréf banka snarlækka

Hluta­bréf í stærstu bönkum Bretlands féllu verulega í verði í dag. Mest var fall bréfa í Royal Bank of Scotland (RBS) sem voru í frjálsu falli í dag. Hluta­bréf Lloyds Banking Group, féllu um 34% og bréf í HSBC lækkuðu um 6,5%.

Á yfir 100 km hraða í gegnum Hvalfjarðargöng

Langflestir þeirra sem fara í gegnum Hvalfjarðargöng fara á löglegum hraða, raunar eru þeir sárafáir sem brjóta lögin. En þeir eru þó til sem hafa áhuga á að láta taka mynd af sér, en hraðamyndavélar eru víða í göngunum.

Höfða mál vegna rýrnunar peningarmarkaðs­sjóðs LÍ

Á annan tug manna hefur höfðað mál á hendur Landsbanka Íslands vegna rýrnunar peningamarkað­sjóðs bankans í aðdraganda bankahrunsins, segir í frétt Vísis en þar kemur fram að um 56-57 milljarðar króna hafi verið leystar út úr honum á dagana fyrir lokun.

Danskir lífeyris­sjóðir íhuga aðkomu að „bankapakka“ ríkisins

Danska ríkis­stjórnin tilkynnti í gær um 100 milljarða danskra króna viðbótaraðstoð við hart leikið danskt bankakerfi, eða sem svarar 2270 milljörðum íslenskra króna. Í bankapakka II er opnað fyrir þann möguleika að aðrir komi að aðstoðinni en ríkið og það íhuga dönsku lífeyris­sjóðirnir.

Mikil verðlækkun á greiðslumarki mjólkur

Samkvæmt meðalverði á síðustu 500.000 lítrum á greiðslumarki mjólkur sem skipt hafa um eigendur, hefur orðið um 50 króna lækkun á lítra frá 1. desember 2008.

Hert eftirlit með lyfjaávísunum

Með tilkomu lyfjagagnagrunns Landlæknis hefur eftirlit með lyfjaávísunum verið hert. Mjög hefur t.d. dregið úr notkun Contalgins (morfíns) hjá notendum yngri en fertugum.

Um 7,6 milljarðar í geðheilbrigði

Tæpur þriðjungur samskipta heimilislækna við sjúklinga tengist geðrænum einkennum. Þetta kemur fram í svari heilbrigðis­ráðherra við fyrirspurn Sivjar Friðleifdóttur.

Fjórði hver mun leita sér að vinnu erlendis í atvinnuleysi

Tæplega 27% þeirra sem eru í launaðri vinnu munu reyna að finna sér atvinnu í öðrum löndum ef þeir verða atvinnulausir. Meirihlutinn myndi þó byrja á að leita sér að vinnu hérlendis eða liðlega 53%.

Frummatsskýrsla fyrir mislæg gatnamót liggur fyrir

VSÓ Ráðgjöf hefur nú lokið við gerð frummatsskýrslu vegna mats á umhverfisáhrifum fyrir framkvæmdir vegna Hallsvegar, Úlfarsfellsvegar og mislægra gatnamóta við Vesturlandsveg.

Saknarðu jarðvegsþjöppunnar?

Lög­reglan á höfuðborgar­svæðinu lagði nýlega hald á verkfæri. Mörgum þeirra hefur þegar verið komið til skila, en eftir stendur þessi jarðvegsþjappa.

Hluta­bréf Royal Bank of Scotland halda áfram að falla

Lítil fyrirstaða virðist vera í lágmarksverði á hluta­bréfum í Royal Bank of Scotland. Þegar þetta er skrifað hafa bréfin fallið um 65,4% í dag. Bankinn hefur gefið út að tap á síðasta ári verði allt að 28 milljarðar punda.

Finnur Sveinbjörnsson ráðinn til loka þessa árs

Stjórn Nýja Kaupþings hefur ákveðið að framlengja ráðningarsamning Finns Sveinbjörnssonar, sem banka­stjóra bankans, til loka þessa árs. Jafnframt hefur stjórn bankans ákveðið að auglýsa starf banka­stjóra undir lok ársins.

Styrkur til náms í japönskum fræðum

Japönsk stjórnvöld bjóða fram styrk til ungs fólks í japönskunámi sem hyggur á háskólanám í japönsku eða japönskum fræðum við háskóla í Japan.

Helmingur útskriftarnema HR hefur þegar fengið vinnu

Brautskráning frá Háskólanum í Reykjavík fór fram í Háskóla­bíói á laugardaginn en alls voru 193 nemendur brautskráðir frá skólanum. Helmingur þeirra nemenda sem útskrifuðust í dag hafa nú þegar fengið vinnu.

Lánshæfismat Spánar lækkað - annað evrulandið á viku

Standars & Poor's, mats­fyrirtækið, hefur lækkað lánshæfismat Spánar úr AAA í AA vegna stöðu opinberra fjármála. Spánn er annað evrulandið á fimm dögum sem verður fyrir því að lánshæfi er lækkað.

Hluta­bréf í Royal Bank of Scotland falla um 58%

Hluta­bréf Royal Bank of Scotland hafa verið í frjálsu falli það sem af er dag, en bankinn hefur tilkynnt um gríðarlegt tap á síðasta ári. Fyrir stundu höfðu hluta­bréf bankans lækkað um liðlega 58%.

SAS fær allt flug fyrir StatoilHydro næstu þrjú árin

Norræna flug­félagið SAS hefur samið við norska risa­félagið StatoilHydro um flutning starfsmanna þess næstu þrjú árin. Það hljóp því á snærið hjá hinu aðþrengda flug­félagi. Starfsmenn StatoilHydro eru nær 30 þúsund, dreifiðir víða um lönd.

Írskir bankatoppar fjúka

Fimm stjórnar­menn írska stórbankans Anglo Irish Bank hafa sagt sig úr stjórn bankans. Með því auðvelda þeir írskum stjórnvöldum tilnefningu nýrra stjórnar­meðlima eftir að bankinn var yfirtekinn af ríkinu. Þá hættir banka­stjóri Bank of Ireland.

Segir enga fjármuni hafa farið með óeðlilegum hætti úr Kaupþingi

Ég vil undirstrika að engir fjármunir hafa verið færðir með óeðlilegum eða ólögmætum hætti úr sjóðum bankans, hvorki til eigenda hans né annarra. Enginn hagnaður hefur orðið til vegna sérstakra samninga við valinn hóp viðskiptavina bankans eða eigenda, segir Sigurður Einarsson, fyrrverandi stjórnar­formaður Kaupþings, í yfirlýsingu.

„Engar þóknanir, greiðslur, eða hagnaður til Ólafs Ólafssonar“

Ólafur Ólafsson í Samskipum segir í yfirlýsingu að hann hafi átt félag sem kom að viðskiptum kaupsýslumanns frá Katar með 5 prósenta hlut í Kaupþingi. Hann hafi ekki þegið þóknun og ekki hagnast á viðskiptunum.

Búið í haginn fyrir afnám gjaldeyris­haftanna

Áform eru uppi um að styrkja gjaldeyris­forða Seðlabankans frekar, bæði með auknum lántökum frá Alþjóða­gjaldeyris­sjóðnum og lánum frá fleiri aðilum. Með styrkingu forðans er búið í haginn fyrir afnám gjaldeyris­haftanna sem hér hafa verið við lýði frá hruni bankanna, segir Greining Glitnis.

Líf í útgáfu verðtryggðra skulda­bréfa

Gera má ráð fyrir töluverðu framboði af verðtryggðum skulda­bréfum næsta kastið. Auk Íbúðalána­sjóðs og Lána­sjóðs sveitar­félaga hafa ýmis sveitarfélög slíka útgáfu á prjónunum og nokkuð líklegt er að aðrir opinberir aðilar á borð við veitu­fyrirtækin sláist einnig í hópinn, segir Greining Glitnis.

Fjöldi sumarhúsa á söluskrá hefur þrefaldast á einu ári

Aukið framboð sumarhúsa samhliða minnkandi eftirspurn vegna efnahagsástandsins mun óhjákvæmilega verða til þess að verð á sumarhúsum mun fara lækkandi á næstu misserum, segir Greining Glitnis.

Efnahagssamdrátturinn 1,9% í evrulöndum

Efnahagur evrulanda mun dragast saman um 1,9% á þessu ári og líklega verður hagvöxtur aðeins 0,4% á næsta ári. Atvinnuleysi verður 10% á næsta ári gangi efnahagsspár eftir.

Hlutfall sóknarbarna í Þjóðkirkjunni komið niður fyrir 80%

Hlutfallslega hefur orðið fækkun í Þjóðkirkjunni úr 80,1% í 78,6% af öllum 16 ára og eldri. Þetta er í fyrsta sinn sem þetta hlutfall fer niður fyrir 80%, segir í skýrslu Hagstofu Íslands um mannfjölda eftir trúfélögum.

Bann við skortsölu framlengt

Fjármála­eftirlitið hefur tilkynnt Kauphöll Íslands um framlengingu á banni við skortsölu en það var sett á 7. október síðastliðinn. Þessi takmörkun á skortsölu fjármálagerninga gildir til og með 31. janúar næstkomandi.

Óbreyttir vextir Íbúðalána­sjóðs

Íbúðalána­sjóður hefur í kjölfar útboðs á íbúða­bréfum ákveðið að útlánavextir sjóðsins verði óbreyttir. Útlánavextir íbúðalána með upp­greiðsluákvæði verða áfram 4,9% en 5,4% á íbúðalán án upp­greiðsluákvæðis.

Sænski pappírsframleiðandinn Stora Enso í vanda

Stora Enso, sænski pappírsframleiðandinn, þurfti að afskrifa trjálager og fleira fyrir 113 milljarða króna á síðasta fjórðungi liðins árs. Framleiðslusamdráttur heldur áfram á nýju ári. Fimm þúsund störf eru í hættu.

„Evran sem myntbandalag mun liðast í sundur“

Ekki ætti nokkrum manni að detta í hug að evran muni bjarga þessum ríkjum fyrir horn (Portúgal, Ítalíu, Grikklandi, Spáni (og Írlandi), þvert á móti bendir allt til þess að evran muni í besta falli fresta vandamálunum um nokkra mánuði áður en allt fellur saman í þessum hagkerfum, segir Ágúst Þórhallsson.

Stöðva á fjárnám og uppboð á íbúðar­húsnæði

Framtíð íslensks sam­félags ræðst af því hvernig stjórnvöld bregðast við núna gagnvart heimilunum og er tíminn til aðgerða mjög naumur, segir í ályktun stofnfundar Hagsmuna­samtaka heimilanna.

Gríðarlegt tap Royal Bank of Scotland og ríkið eignast 70%

Royal Bank of Scotland (RBS) hefur gefið til kynna að tap bankans á liðnu ári verðir 7-8 milljarða punda. Þá á bankinn eftir að niðurfæra viðskiptavild. Í heild gæti tapið orðið 28 milljarðar pund. Eignar­hlutur breska ríkisins er kominn í 70%.

Víða hálka og þungfært í Skagafirði

Á Suðurlandi er víða hálka eða hálkublettir. Það er hálka og éljagangur á Sandskeiði, Hellisheiði og í Þrengslum. Á Norðurlandi er víða þungfært í Skagafirði en verið er að moka helstu leiðir samkvæmt upplýsingum Vegagerðarinnar.

Hætta í ESB eða verða gjaldþrota segir írskur hag­fræðingur

Virtur írskur hag­fræðingur segir að Írland hafi tvo kosti. Þann fyrri að draga sig út úr ESB og þar með hætta að nota evruna og þann síðari að fara á hausinn. Möguleikar Írlands til endurreisnar í efnahagsmálum eru stórlega skertir sökum evrunnar segir hag­fræðingurinn