Sunnudagurinn 18. janúar 2009

Segir olíuverð geta farið niður í 10 dollara á tunnu

Olíuverð hefur lækkað um meira en 110 dollara á tunnu frá því í sumar. Ýmsir hafa spáð því að það fari í 25 dollara á tunnu en nú sér bandarískur sér­fræðingur fyrir sér að það geti hrapað alveg niður í 10 dollara á tunnu.

Segir kaup Katarsjeiksins hafa kostað Kaupþing 37,5 milljarða

Kaup hins konungsborna Al-Thani frá Katar á tuttugu og fimm milljarða króna hlut í Kaupþingi kostuðu bankann sjálfan 37,5 milljarða, sagði í kvöldfréttum Stöðvar 2.

Eygló Harðar­dóttir ritari Framsóknar­flokksins

Eygló Harðar­dóttir alþingis­maður var kjörin ritari Framsóknar­flokksins með tæplega 73% atkvæða eða miklum meirihluta. Sæunn Stefáns­dóttir sóttist eftir endurkjöri í ritarastarfið en varð að láta í minnipokann.

Birkir Jón Jónsson varaformaður Framsóknar­flokksins

Birkir Jón Jónsson alþingis­maður var kjörinn nýr varaformaður Framsóknar­flokksins. Hann hlaut 59% atkvæða en Siv Friðleifs­dóttir alþingis­maður fékk 38,33% atkvæða.

Birkir Jón og Siv í aðra umferð í varaformannskjöri

Fara þarf í aðra umferð í varaformannskjöri Framsóknar­flokksins þar sem enginn hlaut meirihluta atkæða í fyrri umferð. Birkir Jón Jónsson alþingis­maður hlaut 48.7% atkvæða og Siv Friðleifs­dóttir alþingis­maður hlaut 39,6%.

Vilji til algerrar endurnýjunar, segir nýr formaður Framsóknar­flokksins

Sigmundur Davíð Gunnlaugsson, nýkjörinn formaður Framsóknar­flokksins, segir kjörið sýna að vilja flokksmanna til algerrar endurnýjunar - en byggt verði á gildum flokksins. Hann segir bráðaþörf á að vinna úr vanda heimilanna og býður ríkis­stjórninni aðstoð flokksins við þá vinnu.

Sigmundur Davíð formaður Framsóknar - ekki Höskuldur

Sigmundur Davíð Gunnlaugsson var kosinn formaður Framsóknar­flokksins en ekki Höskuldur Þórhallsson eins og tilkynnt hafði verið á flokksþinginu. Tölur víxluðust. Sigmundur Davíð fékk 449 atkvæði en Höskuldur 340.

Sigmundur Davíð efstur - kosið milli hans og Höskuldar

Sigmundur Davíð Gunnlaugsson fékk flest atkvæði í formannskosningu Framsóknar­flokksins, 351. Í öðru sæti varð Höskuldur Þórhallsson. Hann fékk 325 atkvæði. Í þriðja sæti varð Páll Magnússon. Hann fékk 162 atkvæði. Kjósa þarf á ný milli Sigmundar Davíðs og Höskuldar.

Valgerður hlaut jafnréttisverðlaun Framsóknar­flokksins

Valgerður Sverris­dóttir, fráfarandi formaður Framsóknar­flokksins, hlaut jafnréttisverðlaun flokksins. Hún varð fyrst kvenna varaformaður og formaður Framsóknar­flokksins og settist einnig fyrst kvenna í stól iðnaðar- og viðskipta­ráðherra og utanríkis­ráðherra.

Kcaj í vanda

Fjárfestinga­félagið Kcaj, sem er dóttur­félag Milestone, gæti farið í greiðslustöðvun takist ekki að selja hluta af eignum eða fá nýtt inn hlutafé. Félagið á hlut í nokkrum hátísku­verslunarkeðjum eins og Cruise, Duchamp, Aspinal of London, Jones Bootmaker og Mountain Warehouse.

Formannskosningar Framsóknar­flokksins í hádeginu

Gengið verður til formannskosningar í Famsóknar­flokknum klukkan tólf á hádegi. Fimm eru í framboði en slagurinn stendur milli þriggja, Höskuldar Þórhallssonar, Páls Magnússonar og Sigmundar Davíðs Gunnlaugssonar.

Opið í Bláfjöllum

Skíða­svæðið í Bláfjöllum er opið frá kl. 10-17 í dag. Tilvalið er því að drífa sig í fjöllin, teygja á stirðum vöðvum og anda að sér fjallaloftinu. Liftur eru í gangi í Kóngsgili og göngubraut hefur verið lögð.

Hálka syðra og vestra en snjókoma fyrir norðan og austan

Hálka er á Sandskeiði, Hellisheiði og í Þrengslum. Hálka er einnig víða á Suðurlandi, Vesturlandi og á flestum leiðum bæði á Vestfjörðum og á Norðurlandi. Það snjóar á Norðaustur- og Austurlandi og þar er ýmist hálka eða snjóþekja.