Laugardagurinn 3. janúar 2009

FME rannsakar viðskipti peningamarkaðs­sjóða

Rannsókn Fjármála­eftirlitsins í kjölfar falls bankanna beinist meðal annars að því að kanna viðskipti með verð­bréf og markaðssetningu og fjárfestingu peningamarkaðs­sjóða.

Madoff tók við 10 milljónum dollara viku áður en hann játaði svikin

Stórfjárfestirinn og fjársvikarinn Bernard Madoff var virkur á fjárfestinga­markaði allt þar til 50 milljarða dollara svikamylla hans hrundi. Hann tók við 10 milljónum dollara aðeins sex dögum áður en hann viðurkenndi svikin fyrir sonum sínum.

Ingibjörg Sólrún í geislameðferð

Ingibjörg Sólrún Gísla­dóttir utanríkis­ráðherra fer í geislameðferð á Karólínska sjúkrahúsinu í Stokkhólmi í næstu viku, að því er fram kemur í frétt Ríkisútvarpsins. Karólínska sjúkrahúsið hefur yfir að ráða tækjum sem ekki eru til hér á landi.

Ofbeldisfullir mótmælendur mótmæla ofbeldi

Þeir sem harðast hafa gengið fram í mótmælum og sumir með ofbeldi og skemmdarverkum, bera sig illa. Þeir kvarta yfir sinnuleysi lög­reglu og að aðrir beiti þá ofbeldi. Þannig fer allt í hring á Íslandi í dag.

Sextán og með byssu föður síns

Hann var aðeins sextán ára pilturinn sem var handtekinn í Breiðholti í nótt með byssu, en eins og komið hefur á AMX var mikill viðbúnaður hjá lög­reglu vegna byssumanns í gærkvöldi. Í ljós hefur komið að hann var með byssu föður síns.

Wall Street með bestu byrjun frá árinu 2003

Hluta­bréf í Bandaríkjunum byrjuðu nýja árið vel í gær og hefur S&P 500 vísitalan ekki hækkað jafn mikið á fyrsta degi árs síðan 2003.

Ekki undir pressu að selja West Ham

Ónafngreindir heimildarmenn, sem sagðir eru standa nálagt Björgólfi Guðmundssyni, segja að ekki sé tímapressa á að selja West Ham, enska úrvalds­deildarliðið. Hansa, eignar­halds­félag Björgólfs, sem heldur um hluta­bréfin í knattspyrnu­félaginu, er í greiðslustöðvun.

Víðast góð færð en þoka á Hellisheiði

Það er þoka á Hellisheiði en greiðfært á öllum helstu leiðum á Suðurlandi og Vesturlandi. Á Vestfjörðum er einnig autt á flestum leiðum sem á annað borð eru opnar. Þó er snjóþekja á Steingrímsfjarðarheiði samkvæmt upplýsingum Vegagerðarinnar.

Byssumaðurinn handtekinn

Byssumaðurinn sem leitað var í gærkvöldi í Reykjavík var handtekinn um miðnætti. Hann fannst í Breiðholti og gafst upp án mótþróa. Mikill viðbúnaður var hjá lög­reglunni vegna þessa.