Fimmtudagurinn 1. janúar 2009

Banaslys á Ólafsfjarðarvegi

Banaslys varð á Ólafsfjarðarvegi skammt norðan við Árskógssands síðdegis í dag. Tveir fólksbílar, sem komu hvor úr sinni áttinni, skullu saman og lést karlmaður, ökumaður annars bílsins.

Rafmagn til húshitunar og í dreifbýli hækkar mest

Algeng heildarhækkun til heimila vegna rafmagns verður 8-9% nú um áramótin. Stjórn RARIK hefur ákveðið að hækka verð á raforku en mest hækkar verð fyrir dreifingu og flutning eða um 15%. Þeir sem nota rafmagn til húshitunar ásamt þeim sem búa í dreifbýli finna mest fyrir hækkun.

Kosningar ofarlega í hugum leiðtoga

Forseti Íslands vill atkvæða­greiðslu um sam­félagssáttmála. Forsætis­ráðherra vill flýta þjóðar­atkvæða­greiðslu um aðildarumsókn að Evrópu­sambandinu. Utanríkis­ráðherra talar um þingkosningar í vor.

Bankahrun og ábyrgð í áramótaávörpum

Biskupinn yfir Íslandi, forseti Íslands og forsætis­ráðherra véku allir að bankahruninu í áramótaræðum sínum, hver með sínum hætti. Forsetinn og forsætis­ráðherran litu í eigin barm og lögðu mat á hlut­deild sína..

Þrír mótmælenda lausir úr haldi

Þremur karlmönnum sem voru handteknir í óeirðum við Hótel Borg í gær hefur verið sleppt úr haldi lög­reglu að sögn fréttastofu Ríkisútvarpsins. For­stjóri 365 miðla segir að lög­regla hafi tekið of vægt á grímuklæddum ofbeldismönnum.

Ellefu fá fálkaorðuna

Ólafur Ragnar Grímsson, forseti, sæmdi ellefu Íslendinga riddarakrossi hinnar íslensku fálkaorðu við athöfn á Bessastöðum í dag.

Forsætis­ráðherra segir landsmenn á krossgötum

Geir H. Haarde forsætis­ráðherra sagði í áramótaávarpi sínu að landsmenn stæðu á krossgötum. Raunveruleg hætta væri á því að heimsbyggðin sogaðist enn neðar í svelg efnahagskreppu.

Refsilagabrotum fækkaði milli ára

Sérrefsilagabrotum í umdæmi lög­reglunnar á höfuðborgar­svæðinu fækkaði um 30% á árinu 2008 í samanburði við árið 2007. Umferðalagabrotum fækkaði en hegningarlagabrotum fjölgaði.

Móta þarf sáttmála samstöðu og gagnkvæms trausts

Nú þurfum við í kjölfar hinnar erfiðu reynslu að gefa okkur tíma til að móta sáttmála um sam­félagið, ræða efni hans og áherslur á opnum fundum, á vettvangi skóla og atvinnulífs, í félaga­samtökum, sveitar­stjórnum, á Alþingi og í fjölmiðlunum, sækja í smiðju annarra, sagði forseti Íslands m.a. í nýársávarpi sínu.

Zune tónlistarspilarar biluðu í hrönnum á gamlársdag

Allir tónlistarspilarar af gerðinni Zune 30 hættu að virka á gamlársdag. Samkvæmt tilkynningu frá Microsoft ættu þeir allir að lagast af sjálfu sér í dag.

Erilsöm en stórslysalaus áramót

Erilsamt var hjá lög­reglu á nýársnótt en áramótin voru stórslysalaus. Í samantekt Ríkisútvarpsins kom fram að lög­reglan sinnti 210 verkefnum, heldur fleiri en á nýársnótt í fyrra.