Þórólfur Matthíasson prófessor kvartar undan því að vera sagður ganga erinda erlendra þjóða. Þarna er prófessorinn að vísa til þess að Eva Joly ráðgjafi sérstaks saksóknara í bankahruninu skrifaði harðorða grein í Morgunblaðið og Aftenposten í Noregi til þess að svara dæmalaust vitlausri grein eftir prófessorinn í síðarnefnda blaðinu.

Sjálfstæðisflokkurinn er í mikilli uppsveiflu samkvæmt könnun sem Frjáls verslun gerði fyrir vefsvæðið heimur.is dagana 5.-10. febrúar. Vinstri grænir styrkja einnig stöðu sína. Samfylkingin er hins vegar í vanda þar sem fylgið minnkar verulega frá því í kosningum síðasta voru. Samkvæmt könnun Frjá...

Jóhanna er flúin af landinu og einn helsti ráðgjafi Ingibjargar Sólrúnar Gísladóttur, húðskammar Steingrím J. Sigfússon, fyrir hvernig haldið hefur verið á Icesave-málinu. Smáfuglarnir sjá ekki betur en að Samfylkingin ætli að láta Steingrím J. sitja upp með Icesave-skömmina.

Smáfuglarnir eru líklega ekki þeir einu á Íslandi sem eru hættir að skilja málefni Haga. Jóhannes Jónasson hefur haldið því fram að ekkert yrði afskrifað vegna hans og fjölskyldu. Jón Ágseir lýsti því yfir síðasta sumar að þrír ónefndir erlendir aðilar væru tilbúnir að leggja 16 milljarða inn í fyrirtækið.

Fram er komið myndband um Reyni Traustason sem segir frá því hvernig Reynir seldi kvóta og fluttist frá Flateyri. Hagnaður er sagður vera 10 milljónir. Skrif Reynis um útgerðarmenn eru vægast sagt meinleg í ljósi myndbandsins.

Eitt af þeim verkefnum sem liggja fyrir er að komast til botns í því hvort erlendar eftirlitsstofnanir fengu rangar eða misvísandi upplýsingar frá bönkunum, innlendum eftirlitsaðilum eða öðrum embættismönnum mánuðina fyrir hrunið. Það er von okkar að skýrsla Rannsóknarnefndar Alþingis muni leiða þetta í ljós, segir Gylfi Magnússon efnahags- og viðskiptaráðherra.

Starfsmenn Fjármálaeftirlitins gáfu þær upplýsingar um fjárhag Landsbankans sem þeir töldu réttar hverju sinni byggðar á fyrirliggjandi gögnum frá bankanum og hálfsársuppgjöri 2008, árituðu af endurskoðendum bankans. Ásökunum um lygar starfsmanna Fjármálaeftirlitsins er vísað á bug, segir í yfirlýsingu Jónasar Fr. Jónssonar, fv. forstjóra Fjármálaeftirlitsins.

Héraðsdómur Reykjavíkur felldi niður 130 milljón króna stjórnvaldssekt á hendur Icelandair en Samkeppniseftirlitið hafði áður úrskurðað að félagið skyldi greiða sektina fyrir brot á samkeppnislögum. Upplýsingafulltrúi Icelandair segir dóminn fagnaðarefni.

Eftir því sem dýpra er kafað ofan í gögnin sem fyrir liggja um um strandveiðarnar síðasta sumar kemur betur og betur í ljós að markmiðin með þessum veiðum hafa á engan hátt gengið eftir, segir Einar Valur Kristjánsson, framkvæmdastjóri Hraðfrystihússins - Gunnvarar hf. á Ísafirði.

Nú um mánaðamótin urðu forstjórarskipti hjá Auðhumlu, samvinnufélagi 700 mjólkurbænda, sem á stærstan hlut í Mjólkursamsölunni. Magnús Ólafsson, forstjóri lét þá af störfum eftir áratuga farsælan feril í íslenskum mjólkuriðnaði. Við starfinu tekur Einar Sigurðsson, sem eftir þessa breytingu verður forstjóri bæði Auðhumlu og Mjólkursamsölunnar.

Fjármögnun á vörudreifingu eða Supply Chain Financing (SCF) getur verið heppilegur stuðningur við framleiðendur í þróunarríkjum sem vilja koma afurðum sínum á alþjóðlegan markað. Þetta er meðal niðurstaðna í könnun sem Capacent hefur unnið fyrir International Finance Corporation, sem er sú eining Alþjóðabankans, eða World Bank Group í Washington, er sinnir stuðningi við einkafyrirtæki í þróunarríkjum.

Smáfuglarnir heyrðu í hádegisfréttum RÚV 2. febrúar, að Jóhanna Vigdís Hjaltadóttir, fréttamaður, lagði þá spurningu fyrir Steingrím J., hvort ekki þyrfti eitthvað nýtt að gerast í Icesave-málinu á næstu tvemur vikum, til að hætt yrði við þjóðaratkvæðagreiðsluna 6. mars. Á Steingrími J. var að heyra, að nú byggðist allt á þverpólitískri afstöðu hér heima fyrir.

Athugun fréttamanna RÚV á vefsíðu ESB leiddi í ljós, að Barroso, forseti framkvæmdastjórnar ESB, ætlar að hitta Jóhönnu Sigurðardóttur næsta fimmtudag. Hrannar B. Arnarson, aðstoðarmaður Jóhönnu, brást hinn versti við því, að upp hefði komist um fréttina.

Smáfuglarnir heyrðu Svandísi Svavarsdóttur, umhverfisráðherra, segja á Stöð 2 hinn 2. febrúar, að hún hefði úrskurðað gegn skipulagsbreytingum vegna virkjana í neðri hluta Þjórsár, af því að hún væri svo góður og vandvirkur ráðherra.

Verðbólguvæntingar fyrirtækja hafa hækkað undanfarið samkvæmt könnun sem Capacent Gallup gerði fyrir Seðlabankann í lok desember, en niðurstöður hennar birti bankinn nýverið í Hagvísum bankans fyrir janúarmánuð. Almenningur væntir þess að verðbólgan verði 10% eftir tólf mánuði.

Skuldatryggingarálag ríkissjóðs til fimm ára hefur hækkað um 260 punkt það sem af er ári og er nú álíka hátt og um mitt síðasta ár (673 punktar). Hækkun álagsins endurspeglar væntanlega meðal annars vaxandi áhyggjur af því að ríkissjóður kunni að lenda í greiðslufalli á næstu árum, að því er fram kemur hjá Greiningu Íslandsbanka.

Eignarhaldsfélagið Skildingur, sem er í eigu Sigurðar Helgasonar, stjórnarformanns Icelandair, var í Héraðsdómi Reykjavíkur í morgun dæmt til þess að greiða Glitni banka 1100 milljónir króna vegna gjaldfallinnar skuldar. Skuldin er vegna láns sem var tekið árið 2007, að því er Vísir greinir frá.

Samningar hafa náðst í kjaradeilu FÍA, félags íslenskra atvinnuflugmanna og Icelandair en aðilar hafa fundað með ríkissáttasemjara síðustu daga. Verkfalli sem hefjast átti fimmtudaginn 4. febrúar hefur því verið frestað.

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem sem ráðstafað er til eigin vinnslu eða seldur til skyldra aðila, um 9%. Verð á slægðri og óslægðri ýsu var hækkað um 10% og verð á karfa um 5%.

Rannveig Rist hefur tekið við formennsku í stjórn Skipta hf. Hún var formaður stjórnar frá 2002 til 2005 en hefur síðan verið varaformaður stjórnar. Lýður Guðmundsson lætur nú af formennsku en mun sitja áfram í stjórn Skipta.