"Og reyndar er maður mjög hugsandi orðinn yfir því, svo maður komi því nú að hér, með hvaða hætti íslensku bankarnir, allir stærstu bankarnir, eru farnir að haga sér með afskiptum sínum og inngripum í íslenskt atvinnulíf. Þar eru menn komnir út á mjög hála braut að mínu viti."

"Fyrir mér er ekki vafi á því að Jón Ásgeir hefur á umliðnum árum gert meira fyrir íslenskt samfélag en aðrir samtíðarmenn hans og þótt aftar í söguna væri farið. Ég læt það þó liggja á milli hluta að reyna að finna honum verðugan stað í sögu merkra Íslendinga á liðinni öld og þessari, en í mínum huga er það fullljóst að þar mun sagan skipa honum í fremstu röð.

"Sem Reykvíkingur og íbúi í Reykjavík að þá auðvitað horfi ég á þá staðreynd að þarna er Orkuveitan hugsanlega að fara í ákveðinn áhætturekstur en ég sé það líka að hún er að leggja þarna inn sex, sjö milljarða en eignin sem hún fær út úr þessu eru, ja, næstum því þrefalt meiri þannig að það er nú góður samningur fyrir okkur í Reykjavík.

"Við Steingrímur höfum ekki talað eins mikið saman upp á síðkastið og við höfum lengst af gert. Ekki gleyma því að við erum pólitískir samferðamenn og félagar til langs tíma og höfum átt mjög náið samstarf í gegnum tíðina. Nú hefur verið vík milli vina.

"Vitaskuld förum við í þjóðaratkvæðagreiðslu að ráði forsetans. Verði Icesave-lögin samþykkt í henni, er forsetanum varla sætt lengur. Verði Icesave-lögunum hafnað, er ríkisstjórninni varla sætt lengur. Æ fleiri viðbrögð fólks allt í kringum mig telja mér trú um að forsetinn sé tæpari en stjórnin. Nú er enda spurt í lokin; endurreisn eða einangrun?

"Ég get sagt Vigdísi [Hauksdóttur að ég þekki aðeins einn sem ætlar á kjörstað. Öðrum þykir ástæðulaust að láta forsetann, Vigdísi og Indefence hafa sig að fífli. Sannleikurinn er sá að þessi fyrsta þjóðaratkvæðagreiðsla í sögu lýðveldisins stefnir í að verða einhver mesta niðurlæging forsetans sem um getur."

"Það er eðlilegt að í öllum þjóðfélögum eru fábjánar og þeir eiga rétt á skoðunum sínum eins og aðrir. Hins vegar finnst mér að fjölmiðlar eigi ekki að gera skoðunum fábjána jafn hátt undir höfði eins og úthugsuðum skoðunum hjá greindu fólki."

"Kjararáð hefur fjallað um fréttalestur útvarpsstjóra og er niðurstaða ráðsins að kjósi útvarpsstjóri að lesa fréttir sé það hluti af aðalstarfi sem ekki beri að launa sérstaklega enda er fréttaflutningur eitt af lögbundnum hlutverkum Ríkisútvarpsins ohf.

"Þar verður þess gætt að um enn meira gegnsæi verði að ræða, vegna þess að það er mjög mikilvægt í þessu ferli öllu að það sé gegnsæi ríkjandi og það ríki ákveðinn trúnaður um það að það sé samræmd meðferð á fyrirtækjunum innan bankakerfisins.“

"Mér er alveg sama hvað kemur út úr þessari skoðanakönnun."

"Ég held, að Hreinn Loftsson sé að krukka í ritstjórn DV og taka fram fyrir hendur ritstjóranna. Á þeirri forsendu, að lán til blaðsins séu brýnni en pirrandi fréttir. Ég veit líka, að hann hefur haft afskipti af skoðunum í blaðinu og á vef þess. Nú hefur ritskoðunarstefnan hefnt síns."

"Þá er mér spurn af hverju menn eins og Jón Ásgeir, Hreinn Loftsson og Jóhannes Jónsson í Bónus eru ekki teknir úr umferð með með tilvísan í lög um almannavarnir. "

"Við ætlum okkur að ganga til samninga við bankann með það að leiðarljósi, að við ætlumst ekki til að hann afskrifi krónu. Við ætlum að borga allar okkar skuldir á ákveðinn hátt með nýju fjármagni. Það tekur náttúrulegan einhvern tíma að borga það niður en við teljum okkur hafa fullan grundvöll fyrir því að ná því fram."

"Það er sem sagt mikið hættuspil að hafna Icesave-frumvarpinu. Það er sömuleiðis ekki kostur að draga samþykkt þess og fresta málinu enn um vikur eða mánuði. Slíkt er einnig hættuspil.

"Samkvæmt stjórnarskránni er fjölmiðlamálið nú í þeirri stöðu að þjóðin hefur rétt til að taka sér hlutverk æðsta dómara um framtíð þessa máls. Þetta er æðsta form lýðræðisins. Almenningur úrskurðar sjálfur án nokkurra milliliða. Þess vegna er það skoðun okkar að núna eigi þjóðin varinn rétt til að stíga næsta skref í þessu máli. Það er ekki ríkisstjórnar eða Alþingis.

"Þrátt fyrir þingræðisskipulag okkar og þrátt fyrir mikilvægi þessarar stofnunar hér sem mér þykir vænt um og hef eytt miklum tíma á hennar vegum, stórum hluta ævi minnar, á ég í engum vandræðum með að þjóðin taki til sín og ákveði með lýðræðislegum hætti í almennum atkvæðagreiðslum mikilvæg mál eða að þjóðin taki í sínar eigin hendur að semja sér stjórnarskrá.

"Ég hef sömuleiðis sagt það áður að ég tel að það skipti máli að félagasamtök eins og Indefence hafa beitt sér í þessu máli og á síðustu dögum, fyrir utan það sem er að gerast hér, hugsa ég að ekkert hafi skipt jafnmiklu máli og útifundurinn sem Indefence-hópurinn stóð fyrir á sínum tíma fyrir utan ...

"Mín viðskipti eru oftast við stór fjölþjóðleg fyrirtæki þar sem margir sérfræðingar koma að og velta hlutunum fyrir sér fram og til baka áður en komist er að niðurstöðu. Þegar viðskipti eru gerð við Jón er rætt við hugmyndafræðinginn sjálfan sem er með heildarmyndina í kollinum og veit hvert hann stefnir.

" Ég held, að Hreinn Loftsson sé að krukka í ritstjórn DV og taka fram fyrir hendur ritstjóranna. Á þeirri forsendu, að lán til blaðsins séu brýnni en pirrandi fréttir. Ég veit líka, að hann hefur haft afskipti af skoðunum í blaðinu og á vef þess. Nú hefur ritskoðunarstefnan hefnt síns.

"Það hlýtur að vera krafa fólksins að Alþingi samþykki hið fyrsta að færa fólkinu þau mannréttindi að það geti óskað eftir þjóðaratkvæðagreiðslu. Þessi krafa verður enn brýnni, þegar stjórnarhættir á Íslandi minna orðið meira á tilskipanir einræðisherra en lýðræði."