Um kl., fjögur í nótt handtók lögreglan ungan mann þar sem hann var að fara í ólæsta bíla í Tjarnarhverfi á Selfossi. Maðurinn hefur verið yfirheyrður og hann játað innbrot og þjófnað úr fjölda bíla á Selfossi undanfarna mánuði eða allt frá því nóvemer síðastliðinn.

Það var frekar rólegt hjá lögreglunni í Vestmannaeyjum í liðinni viku og engin alvarleg mál sem komu á borð lögreglu. Eitthvað var um kvartanir vegna hávaða í heimahúsum og ein líkamsárás var tilkynnt til lögreglunnar.

Steingrímur Hermannsson, fyrrverandi forsætisráðherra, lést í morgun á heimili sínu í Garðabæ á 82 aldursári. Steingrímur var forsætisráðherra á árunum 1983 til 1987 og síðan aftur frá 1988 til 1991. Hann gegndi einnig öðrum ráðherraembættum og var seðlabankastjóri frá 1994 til 1998.

Stjórnvöld efna til móttökuathafnar til heiðurs íslenska landsliðinu í handknattleik þegar það kemur heim frá EM-mótinu í Austurríki í dag.

Jónas Haraldsson og Óli Björn Kárason, sem sinnt hafa ritstjórn AMX frá upphafi, hafa ákveðið að láta af störfum. Við ritstjórn vefsins tekur Friðbjörn Orri Ketilsson.

Íslendingar unnu til bronsverðlauna á EM í handknattleik í dag er þeir lögðu Pólverja með þriggja marka mun. Í tilefni þess sendi forsætisráðherra hinu sigursæla liði hamingjuóskir. Þetta er annað stórmótið í röð sem íslenska liðið vinnur til verðlauna en það náði silfurverðlaunum á ólympíuleikunum í Peking árið 2008.

Meirihluti stjórnar VR segir að samtökin Nýtt Ísland, sem stofnuð voru í tengslum við kosningar í VR á síðasta ári, beiti kröfum sínum í að brjóta félagið niður. Harmað er að nokkrir stjórnarmenn í VR tengist samtökum sem virðast m.a. hafa það á stefnuskrá sinni að leggja niður Alþingi Íslendinga.

Þúsundir landsmanna hafa sent landsliðsmönnum stuðningskveðjur á ibs.is, eða "Í blíðu og stríðu", vettvangi til stuðnings landsliðinu í handbolta. Vefurinn er einskonar miðstöð áhangenda landsliðsins meðan á Evrópumótinu í Austurríki stendur.

Lögreglan á höfuðborgarsvæðinu stöðvaði kannabisræktun í húsi í Hafnarfirði í gærkvöld. Við húsleit á áðurnefndum stað fundust um 20 kannabisplöntur á ýmsum stigum ræktunar.

Mikið er um stöðubrot í Reykjavík en frá því á þriðjudag hefur lögreglan haft afskipti af um nítíu ökutækjum vegna þessa. Einkum var um að ræða bifreiðar í miðborginni og nágrenni hennar.

Framkvæmdir við Nauthólsveg frá Hringbraut að Flugvallarvegi eru á lokastigi og er ráðgert að opna hann fyrir almennri umferð eftir viku, föstudaginn 5. febrúar. Veðurblíða um hávetur hefur flýtt framkvæmdum.

Hanna Birna Kristjánsdóttir borgarstjóri og Stefán Eiríksson lögreglustjóri undirrituðu í dag tveggja ára samstarfssamning milli Reykjavíkurborgar og Lögreglunnar á höfuðborgarsvæðinu á sviði öryggis- og forvarnarmála. Markmið samningsins er að stuðla að auknu öryggi almennings í borginni.

Svo virðist sem reglur um útivist hafi farið framhjá tveimur unglingsstúlkum sem lögreglan stöðvaði í Kópavogi á þriðja tímanum í nótt. Stelpurnar, báðar 13 ára, voru í gönguferð en ekki er ljóst hvert för þeirra var heitið. Í fyrstu reyndu þær að villa á sér heimildir.

Íslendingar eru komnir í undanúrslit Evrópumeistaramótinu í handknattleik eftir 35-34 sigur á Norðmönnum. Íslendingar leiddu lengst af í leiknum og voru með tveggja marka forskot í hálfleik.

Nokkuð er um að bílum sé stolið á höfuðborgarsvæðinu og því vill lögreglan ítreka að þeir séu ekki skildir eftir ólæstir og í gangi. Á þessu virðist vera misbrestur og það færa þjófar sér í nyt eins og nýlega dæmi sanna. Nefna má tvö tilvik um síðustu helgi þar sem ökumenn skruppu inn í fyrirtæki til að sinna erindum en gripu svo í tómt þegar þeir ætluðu að snúa aftur í bílana.

Hnuplmál komu til kasta lögreglunnar á höfuðborgarsvæðinu í gær en slíkt er nánast orðið daglegt brauð. Snyrtivörur og fatnaður eru meðal þess sem þjófar ásælast en hinir óprúttnu aðilar eru á öllum aldri og af báðum kynjum.

Ísbjörn, sem gekk á land í Þistilfirði um klukkan tvö í dag, var felldur á fimmta tímanum. Lögregla og Umhverfisstofnun tóku ákvörðun um að fella bæri björninn við fyrsta tækifæri, að því er Ríkisútvarpið greinir frá.

Frumkvæði að beitingu brottvísana verði fært til lögreglu sem undirbúi mál til ákvarðanatöku hjá Útlendingastofnun auk flýtimeðferðar hjá stofnuninni eru meðal tillagna vinnuhóps um aukið eftirlit með útlendingum til að uppræta skipulagða glæpastarfsemi.

Fella á ísbjörninn sem sést hefur til í Þistilfirði. Aðstæður til að reyna björgun þykja ekki ákjósanlegar. Enn er til í landinu ísbjarnarbúr sem flogið var með til landsins þegar bjarga átti bjarndýri sem gekk á land í Skagafirði.

Tilkynnt hefur verið að sést hafi til ísbjarnar í Þistilfirði, að því er mbl.is greinir frá. "Umhverfisstofnun staðfesti að tilkynning um þetta hefði borist þangað. Jón Stefánsson, varðstjóri lögreglunnar á Þórshöfn, sá björninn, að sögn RÚV og myndaði hann. Veiðimenn eru komnir á staðinn og leita bjarndýrsins.