Lax-á

Páll Magnússon mun brátt nægan tima í laxveiðina.

Allt bendir til þess Ísland losni undan oki vinstristjórnar eftir næstu kosningar og þá verði tekið til hendinni við að skikka opinberar stofnanir til þess að fylgja settum lögum. Engum dylst til dæmis að RÚV og ýmsir starfsmenn þess brjóti skýrar hlutleysisreglur útvarpslaga hvað eftir annað án þess að útvarpsstjóri geri nokkuð í málinu.

Ný stjórn getur ekki boðið landsmönnum upp á að áfram sitji í Efstaleiti Páll Magnússon sem gekk erinda vinstristjórnarinnar í takt við Óðinn Jónsson og Egil Helgason. Ný stjórn getur ekki boðið ungu og áhugasömu fjölmiðlafólki upp á að Páll ráði t.d. Egill Helgason hvað eftir annað án auglýsingar. Svona gætu smáfuglarnir talið upp dæmi lengi en láta þó staðar numið.

Samkvæmt teljara á forsíðu AMX eru 345 dagar í næstu kosningar.
Páll Magnússon getur fylgst með teljaranum.

Rithöfundasambandið

Illugi Jökulsson nær ekki upp í nef sér vegna auglýsinga sjávarbyggða. Sami Illugi hefur aldrie mótmælt ESB auglýsingum.

Eru þetta ekki sömu menn og hafa birt hér í öllum miðlum ESB auglýsingar þar sem óteljandi einstaklingar og fyrirtæki reyna að sannfæra samlanda sína um að grasið sé alltaf grænt í Evrópusambandinu sem um þessar mundir er við það að liðast í sundur?

Hvað með það fólk? Er það ekki fólk sem lætur undan þrýstingi „stórra aðila“ og „getur ekki annað en komið fram“ því að „stór aðili“ kostar birtinguna? Hræsnin er algjör hjá íslenskum vinstrimönnum sem tala niður til þess fólks sem starfar í sjávarútvegi um leið og þeir senda næstu heimagerðu ESB auglýsinguna upp í Efstaleiti til birtingar.

Samkvæmir eru þeir sjálfum sér!

Hræsni umhverfisverndarsinna er oft með ólíkindum. Þannig sagði enginn neitt þegar stórvirkar vinnuvélar lögðu af stað upp mosavaxið Úlfarsfellið til að grafa þar skurð, tæta upp mosa og að endingu reisa 40m hátt mastur á toppi fellsins.

Ef hins vegar framkvæmdir hefjast á landsbyggðinni af einhverju tagi eru allir mættir með skilti, borða, handjárn og tjaldbúðir. Þar má ekkert krækiber kremjast undan dekki án þess að Árni Finnsson felli tár.

Hitt er svo annað mál að auðvitað á að fagna öllum framkvæmdum til framfara sem gerðar eru í sátt við umhverfið og þá sem það byggja. Og auðvitað á aldrei að hluta á Árna Finnsson sem bað erlent stórveldi um að beita sér gegn Íslandi.

Morgunblaðið

Efnahagsmál sökkva stöðugt dýpra undir stjórn Jóhönnu Sigurðardóttur. Bætur orðnar slíkar að fúlsað er við störfum.

Ekki virðist raunin vera sú á Suðurnesjum þar sem fimm sóttu um 11 auglýstar stöður á saumastofu Víkurprjóns. Engrar menntunar eða reynslu var krafist þó það væri ekki verra. Eigandi félagsins sagði við Víkurfréttir:

„Mikið atvinnuleysi er á svæðinu og þá sérstaklega á meðal kvenna. Viðbrögðin hafa valdið okkur gríðarlegum vonbrigðum. Ég átti von á því að um 30 manns myndu sækja um, maður spyr sig því hreinlega hvað sé eiginlega í gangi á Suðurnesjum, [...] Samkvæmt þessu er ekki að sjá að það sé mikið atvinnuleysi þarna,“ hafa Víkurfréttir eftir Ágústi.

Það er eitthvað mjög athugavert við skipulag þar sem þúsundir eru án atvinnu og aðeins fimm sækja um auglýst störf sem bjóða hefðbundin laun. Þetta er sá veruleiki sem vinstirstjórnin hefur skapað með síhækkandi bótum sem verðlauna letina og ofursköttum sem refsa duglegum.

Smáfuglarnir sjá að evran hefur ekki verið veikari gagnvart pundi í bráðum fjögur ár. Engu líkara er en að orð Össurar Skarphéðinssonar og Oddnýjar Harðardóttur um skýringar á vanda evrusvæðisins hafi ekki náð eyrum heimsins.

Þetta er furðulegt og hlítur að vera misskilningur. Hvernig geta menn haldið áfram að selja evrur fyrir pund þegar þeir vita að Össur og Oddný hafa gefið fullgildar skýringar á djúpstæðum vanda evrusvæðisins sem ekki sér fyrir endan á?

Vita þessir sömu fjárfestar ekki að 20% stjórnin á Íslandi er á leiðinni inn í sambandið til að taka upp hinn „stöðuga“ gjaldmiðil evruna? Smáfuglarnir velta fyrir sér hvort ekki þurfi að senda uppeldisfræðinginn Oddnýju Harðardóttur, sem nú er í starfskynningu í fjármálaráðuneytinu, upp á meginlandið og fara aðeins yfir málið?

World Economic Forum

Ólafur Ragnar Grímsson ber fréttastofu RÚV þungum sökum. Fréttastofan nefndi málið ekki í fréttum sínum.

Þessar ásakanir eru alvarlegar og sérstaklega fréttnæmt að sá, sem ber þær fram á hendur fréttastofu Ríkisútvarpsins, sé forseti Íslands. Það er ekki á hverjum degi sem þjóðhöfðingi segir fréttamenn ríkisfréttastofunnar misnota aðstöðu sína til að hafa áhrif á niðurstöður kosninga.

En einum fjölmiðli þótti þetta mál ekki fréttnæmt. Ríkisútvarpið sendi út fjölmarga fréttatíma í útvarpi í gær auk sjónvarpsfrétta klukkan sjö. Í engum af þessum fréttatímum var áheyreyndum sagt eitt orð um að forseti Íslands hefði borið fréttastofu Ríkisútvarpsins þungum sökum. Ekki eitt orð.

Er ekki augljóst að orð forsetans eru verulega fréttnæm, hvað sem mönnum finnst annars um forsetann eða fréttastofuna?

Og þau viðbrögð fréttastofunnar, að segja ekki eitt einasta orð um ásakanir forsetans á hendur fréttastofunni, segja þau ekki meira en mörg orð?

Smáfuglarnir taka undir með Vefþjóðviljanum. Málið sýnir enn og aftur getuleysi Páls Magnússonar þegar kemur að fréttastofu RÚV sem virðist ráða sér sjálf og hleypa mökum forsetaframbjóðenda í loftið með hvað sem er.

Vilhjálmur Þorsteinsson og Þóra Arnórsdóttir í Kastljósi voru vopnabræður í framboði fyrir Alþýðuflokkinn 1995.

En hafa netverjar gleymt því að Þóra var í framboði fyrir Alþýðuflokkinn árið 1995? Á meðfylgjandi mynd má sjá að með henni í framboði það árið var til dæmis helsti fjárhaldsmaður Samfylkingarinnar og gjaldkeri, Vilhjálmur Þorsteinsson, ásamt öðrum innstu koppum í búri Samfylkingarinnar.

Þeir sem þekkja störf í stjórnmálaflokkum vita að fólk fer ekki fyrirvaralaust í framboð fyrir flokk og hættir svo störfum fyrir flokkinn jafn harðan eftir kosningar. Pólítísk staðsetning Þóru er því öllum ljós sem og hvað varð um Alþýðuflokkinn.

Hvers vegna viðurkennir frambjóðandi Samfylkingarinnar ekki fortíð sína í stjórnmálum?

Smáfuglarnir furða sig á því að umræðu um refsidóm Svavars Halldórssonar, maka forsetaframbjóðanda Samfylkingarinnar Þóru Arnórsdóttur, skuli vera koðnuð niður. Hvað sem segja má um Svavar Halldórsson nú þá breytir það ekki því að hann hefur hlotið alvarlegan dóm fyrir alvarlegt brot.

Forseti Íslands er æðsti embættismaður landsins og hefur með höndum að staðfesta lög frá Alþingi. Smáfuglarnir telja óviðeigandi að maki forseta hafi hlotið dóma fyrir alvarleg afbrot. Gera verður þá kröfu til forsetahjóna að þau hafi í fortíðinni farið að lögum og séu sem slík vönd að virðingu sinni.

Það er til marks um slök siðferðisviðmið að hjón, þar sem maki er með refsidóma í fortíð sinni, skuli fara í framboð til forseta Íslands. Stutt er síðan að engum hefði komið það til hugar.

Norden

Steingrímur J. Sigfússon er andlit aðfarar Jóhönnu Sigurðardóttur að sjávarútvegi.

Síðan gerist það að VG er orðinn helsti talsmaður frumvarpsins og sér um að verja óskapnaðinn í sjónvarpsviðtölum. Þar er aldrei neinn frá Samfylkingunni, höfundi málsins, heldur aðeins vikapiltar VG á borð við Björn Val Gíslason.

Lítið sem ekkert hefur sést til Jóhönnu Sigurðardóttur, Árna Páls Árnasonar, Dags B. Eggertssonar eða annarra framámanna Samfylkingarinnar í málinu. Samfylkingin lætur sér vel við líka að VG falli enn dýpra og verði andlit málsins gagnvart landsbyggðinni. Sú niðurstaða er góð fyrir Samfylkinguna sem losar sig við VG í næstu kosningum þegar í ljós kemur að tveir Íslendingar styðji flokkinn - formaðurinn og varðhundur hans.

Hitt er svo víst að enginn flokkur hefur unnið jafn ötullega að því að tortíma sjálfum sér eins og VG undir stjórn núverandi formanns Steingríms J. Sigfússonar.

Smáfuglarnir horfðu á Kastljós í gærkvöldi þar sem Björn Valur Gíslason, varðhundur Steingríms J. Sigfússonar, mætti Jens Garðari Helgasyni sveitastjórnarmanni úr Fjallabyggð. Það var allt að því átakanlegt að sjá hversu litla sannfæringu Björn Valur hafði fyrir máli sínu. Jens Garðar var vel undirbúinn og fór fumlaust yfir stöðu málsins, áhrif frumvarpsins og ósanngirni málsins í heild.

Björn Valur Gíslason er skipstjóri til margra ára og vann sem slíkur hjá einu af stóru útgerðarfélögunum, Brimi hf, og veit því mæta vel hvaða áhrif frumvarpið hefur og hversu glórulaust það sé að leggja upp í slíka aðför gegn sjávarútvegi.

Jens Garðar Helgason, framkvæmdastjóri Fiskimiða ehf. og bæjarfulltrúi í Fjarðabyggð var málefnalegur.

Björn Valur er hins vegar hlíðinn húsbónda sínum og tekur þá slagi fyrir framan alþjóð sem Steingrímur sendir hann til. Það er hins vegar þannig að séu menn ekki sannfærðir þá blasir það við langar leiðir. Sú var staða Björns Vals Gíslasonar í Kastljósi gærkvöldsins.

Að endingu velta smáfuglarnir svo fyrir sér hvort ritstjóri Kastljóss, Sigmar Guðmundsson, ætti ekki í það minnsta að reyna að vera hlutlaus spyrill en hann sagði til dæmis við Jens Garðar: „þetta er nú líka sanngirnismál, þú veist það“ rétt eins einhver ósanngirni væri í því að menn kaupi aflaheimildir með löglegum hætti á opnum markaði (oft beint af ríkinu!) og geri út skip í sínu bæjarfélagi. Hvað er ósanngjarnt við það?