Æsispenna: Hver verður næsta Þóru-frétt fjölmiðlanna?
Smáfuglarnir koma víða við og hvísla um flest það sem mannlegt er. Þeir eiga erfitt með að þegja um það sem þeim er sagt enda gagnrýnir áhorfendur.
- Humarinn þarf hvítvín
- Ný stjórn jákvæð
- Egill hvatti fólk til gjaldeyrislánatöku - uppnefnir aðra hrunvalda
- Verndar lögregla ekki eignarrétt Jóns Geralds?
- Eini friðarspillirinn á Þingvöllum er Álfheiður Ingadóttir
- Hrægammapeningar Framsóknar koma beint úr ríkissjóði
- Allar árstekjur annars foreldris fara í skatta og opinber gjöld - hitt framfleytir fjölskyldunni
- Ætla hægrimenn að kjósa guðfaðir vinstristjórnarinnar?
- Sigmundur lofaði eitt sinn 2.000 milljörðum
- Ásakar formann Framsóknarflokksins um ósannindi
- Framsóknarmaður á bar
- Dávaldur Lýðræðisvaktarinnar
- Framsókn, framsókn - framsókn
- Handtakið mig! Please!
- Höftin hefta smáfyrirtækin
- Komnir með nóg af samstarfi við VG
- Hörður í Landsvirkjun vendir kvæði sínu kross
- Næturvaktin, Dagvaktin og nú Lýðræðisvaktin
- Kúbu-Gylfi telur enn að samþykkja ætti Icesave
- Almenningur niðurgreiðir tónleika, árshátíðir og ýmis partý
- Selt inn á fátæka fræðimanninn
- Icesave stuðningsmenn ætla nú að fjalla um skattbyrði
- RÚV eyddi frétt um Icesave
- Vonlaus borgarstjóri vælir yfir spurningum um opinberan kostnað
- Icesave verði minnisvarði gegn ríkisábyrgð
- Hvar eru nú bændabræður með mold á höndum?
- Hrópandi ósamræmi í orðum Jóhönnu
- Þegar Kúbu norðursins var hótað
- Segir nú hræðsluprófessorinn af sér?
- Hvar er Áfram hópurinn?
Undanfarna viku hafa fjölmiðlar flutt hverja æsifréttina af Þóru Arnórsdóttur, fjölmiðlamanni sem vill verða næsti þjóðhöfðingi. Því var slegið upp að hún myndi safna meðmælendum, næst hvar verið væri að safna og svo þegar búið var að safna. Þá var sögð frétt af því að hún myndi opna skrifstofu. Svo kom frétt um að nafngreindur sjálfstæðismaður myndi kjosa Þóru og var það helsta frétt Eyjunnar lengi. Næst kom ný æsifrétt, að Þóra myndi safna fjárframlögum. Svo kom frétt um að hún myndi ekki fá að vita hverjir styrktaraðilarnir væru, því hún væri svo heiðarleg. Síðasta fréttin sem smáfuglarnir sáu var að stjörnuspekingur telur Þóru mjög vænlegan kost, og miðar þá líklega við afstöðu Neptúrnusar til Satúrnusar á þeirri stundu þegar Þóra settist í fulltrúaráð Evrópusamtakanna.
Smáfuglarnir heyra víða að fólk er orðið mjög spennt að heyra næstu Þóru-fréttir. Þessar þykja nú líklegastar:
- Lagnir tengdar í kosningaskrifstofu Þóru Arnórsdóttur. Lagnir nýs tíma og nýrrar hugsunar, segir reyndur pípulagningamaður.
- Þóra fær ekki að vita hver tengdi lagnirnar. Sýnir heilindi hennar, segir siðfræðingur.
- „Þóra er eina von þjóðarinnar“, segir sjálfstæðismaður í tímamótabloggi. Öll von er úti ef Þóra þarf að halda áfram í Útsvarinu.
- „Haugalygi að Jón Baldvin sé föðurbróðir Þóru“, segja vinir hennar. „Jón Baldvin er ekki meiri föðurbróðir hennar en minn!“, segir bróðir Þóru.
- Óhróðurinn gegn Þóru hrakinn! Engin formleg flokkssamþykkt gerð hjá Samfylkingunni um framboð Þóru. Framboðið tengist flokknum því ekki.
Smáfuglarnir fylgdust með ofstæki ölfantanna sem enn hafa aðgang að Facebook og ákváðu að þar væri best að úthúða hinum geðþekka formanni Heimdallar fyrir þá skoðun sína að fólk í frjálsu landi ætti að geta keypt áfenga hvítberjasaft og drukkið með humri.
Smáfuglarnir hafa haft hægt um sig síðustu misseri í aðdraganda kosninga og velt fyrir sér hvað verði úr þegar ný ríkisstjórn tekur við. Verkefnin eru ærin og atvinnulífið komið að fótum fram vegna ofurskatta og reglugerða Smáfuglunum koma nokkur mikilvæg atriði til hugar sem taka þarf á strax á næstu misserum.
Egill hvatti fólk til gjaldeyrislánatöku - uppnefnir aðra hrunvalda
Egill Helgason, hinn æviráðni verktaki á RÚV sem telur að auglýsa eigi öll opinber störf önnur en sitt eigið, kallar nokkra fyrrum ráðherra „hrunvalda“ í nýlegri færslu sinni. Smáfuglarnir sjá á þessu að heift Egils er mikil og er hann sómakær leiðtogi Virkra í athugasemdum. En hvað gerði Egill í aðdraganda bankahrunsins?
Verndar lögregla ekki eignarrétt Jóns Geralds?
Smáfuglarnir eru gáttaðir á atburðum dagsins í versluninni Kosti í Kópavogi þar sem Jón Gerald kaupmaður selur matvöru.
Eini friðarspillirinn á Þingvöllum er Álfheiður Ingadóttir
Smáfuglarnir fylgjast vel með málefnum Þingvalla enda daglegir gestir í þjóðgarðinum. Þar hafa í gegnum árin mönnum og dýrum komið vel saman og friður verið einkennandi fyrir svæðið. Það breyttist þó nýverið þegar Álfheiður Ingadóttir tók við formennsku í Þingvallanefnd.
Hrægammapeningar Framsóknar koma beint úr ríkissjóði
Framsóknarflokkurinn ætlar í nafni ríkissjóðs að krefja erlenda kröfuhafa um hlut af eignum þeirra með góðu og illu og hafa nefnt 400 milljarða. Takist það, umræðunnar vega, fara peningarnir í ríkissjóð. Eftir það ætlar Framsóknarflokkurinn að færa þessa 400 milljarða til hóps útvalinna sem skulda vegna íbúðarkaupa. Ríkissjóður er nær gjaldþrota vegna skulda.
Allar árstekjur annars foreldris fara í skatta og opinber gjöld - hitt framfleytir fjölskyldunni
Smáfuglarnir detta við og við út tré sínu þegar þeir sjá tölur um sóun almannafjár og/eða nýja skatta sem vinstristjórn leggur á menn. Í morgun skrikaði þeim hins vegar fótur þegar við blasti skipting á útgjöldum heimilanna. 52% af útgjöldum meðal heimilis fara í skatta og opinber gjöld þegar allt er talið saman.
Ætla hægrimenn að kjósa guðfaðir vinstristjórnarinnar?
Smáfuglarnir eru hissa á mörgu. Til dæmis því að stór hluti kjósenda Sjálfstæðisflokksins ætli sér að kjósa Framsókn og falla þar fyrir innantómum loforðum um að stela peningum af útlendingum til að leysa skuldavanda heimilanna. Hafa þeir sjálfstæðismenn gleymt því að Framsóknarflokkurinn er guðfaðir verstu ríkisstjórnar á Íslandi fyrr og síðar. Hafa þeir gleymt þessum orðum Sigmundar Davíðs?