Gamlir kratar þurrkaðir út og konur verða undir
Smáfuglarnir koma víða við og hvísla um flest það sem mannlegt er. Þeir eiga erfitt með að þegja um það sem þeim er sagt enda gagnrýnir áhorfendur.
- Útflutt skyr ekki ríkisstyrkt
- Nýr sími fréttastofu RÚV
- Kópavogsbúar anda léttar - bæjarstjórn frá í þrjár vikur
- Nýr Jón Steinsson
- Niðurgreiðir íslenska ríkið skyr fyrir New York búa?
- Leikhús eða sjúkrahús
- Egill getur ekki svarað gagnrýni - ræðst því á smáfuglana
- Mörður reynir að afvegaleiða umræðuna
- ESB fáni á landsliðsbúninga
- Ögmundur slær út bankamennina
- Bók stjúpu Egils slátrað
- Enn eitt dæmið um hlutdrægni RÚV
- Sigrún Davíðsdóttir uppvís að ósannindum?
- Postularnir tólf hjá Agli
- Sjálfsréttlæting útvarpsstjóra
- Þögn Egils um Evu Joly
- Frasabók Hrannars B.
- Nýr Bjarni Ben
- Atvinnuþátttaka aldrei minni
- Jóhanna hrædd við kosningar
- Andrés gugnaði
- Páll Magnússon hræðist Björgu Evu - sendir henni bænaskjal
- Sjá sjálfstæðismenn ekki baráttutæknina?
- Sér Páll útvarpsstjóri ekkert athugavert við þetta?
- Niðurlægður Steingrímur í Brussel
- Illa staðið að undirskriftasöfnun Ólafs Ragnars
- RÚV báknið stækkar - nú íþróttarás
- Skattlausir á opinberu framfæri
- Stephensen birtir hvað sem er
- Hvenær skila prófessorar skýrslum yfir 2011?
Smáfuglarnir fylgjast vel með Evrópuvaktinni - vefsíðu sem Styrmir Gunnarsson og Björn Bjarnason ritstýra. Í pistli í dag veltir Styrmir fyrir sér hvort „gömlu kratarnir“ séu dauðir úr öllum æðum. Tilefnið er breytingar á ríkisstjórninni sem nú er skipuð gömlum Allaböllum fyrir utan Jóhönnu Sigurðardóttur. Af tíu ráðherrum eru níu uppaldir í gamla Alþýðubandalaginu. Það er því rétt að tala um ríkisstjórn Alþýðubandalagsins og Jóhönnu Sigurðardóttur.
„Fulltrúar gamla Alþýðuflokksins innan Samfylkingar hafa verið þurrkaðir út úr ríkisstjórn. Augljóst er að fyrrum forystumenn Alþýðubandalagsins fagna þessari þróun og þarf ekki annað en líta á heimasíðu Svavars Gestssonar til þess að átta sig á því, þótt hann komi fögnuði sínum á framfæri með því að vitna í Pressuna. Þótt mjög sé nú af gömlum Alþýðuflokksmönnum dregið er þó ólíklegt að þeir taki þessari framvindu mála þegjandi. Spurningin er fyrst og fremst sú, hvort þeir geri það innan eða utan Samfylkingar. Sumir velta því fyrir sér, hvort þeir geti náð saman við ESB-sinna í Sjálfstæðisflokknum. Það er heldur ólíklegt en á þó eftir að koma í ljós. Kannski er þarna að opnast tækifæri fyrir einn fyrrverandi formann Alþýðuflokksins, sem enn hefur virkan áhuga á pólitík?“
Hér er Styrmir að velta því fyrir sér hvort sinn gamli vinur en pólitíski andstæðingur, Jón Baldvin Hannibalsson, ætli að nýta tækifærið. Þetta er ekki vitlaust því Jón Baldvin hefur alla tíð lagt mikla fægð á Jóhönnu Sigurðardóttur. Þegar þau voru saman í ríkisstjórn Sjálfstæðisflokks og Alþýðuflokks (Viðeyjarstjórninni) undir forystu Davíðs Oddssonar, logaði oft á milli þeirra. Jóhanna leitaði því skjóls hjá Davíð sem veitti henni ekki aðeins skjól heldur studdi hana þegar Jón Baldvin lagði til atlögu.
En Styrmir bendir einnig á að það séu ekki aðeins kratarnir í Samfylkingunni sem eiga undir högg að sækja hendur einnig konur:
„Innan Samfylkingar er augljóslega óánægja með lakari hlut kvenna í ríkisstjórn. Tilraunir Guðbjarts Hannessonar í Kastljósi í gærkvöldi til þess að setja þann þátt málsins í annað ljós með því að vísa til annarra trúnaðarstarfa kvenna á vegum Samfylkkingar eru gamalkunnar. Á þann veg tala allir karlar í stjórnmálum og hafa lengi gert, þegar þeir þurfa að útskýra lakari hlut kvenna!“
Smáfuglunum barst eftirfarandi leiðrétting frá Landssambandi kúabænda og birta hana hér í heilu lagi: Á Íslandi er kvótakerfi í mjólkurframleiðslu, líkt og í Noregi, aðildarríkjum ESB, Kanada og Japan, svo dæmi séu tekin. Á liðnu ári var kvótinn hér á landi 116 milljónir lítra mjólkur og er opinber stuðningur greiddur út á það magn, sem miðast við sölu á innanlandsmarkaði.
Smáfuglunum barst áríðandi tilkynning frá fréttastofu RÚV um nýtt símanúmer fréttastjórnar. Í tilkynningu er breytingin sögð stytta boðleiðir og einfalda efnislega ritstjórn. Nýtt símanúmer er 414-2200.
Kópavogsbúar anda léttar - bæjarstjórn frá í þrjár vikur
Smáfuglarnir sjá að það er satt sem sagt er; það er gott að búa í Kópavogi. Kópavogsbúar hafa verið svo heppnir síðustu þrjár vikurnar að meirihluti bæjarstjórnar sprakk og hefur ekki náð saman um nýjan meirihluta. Í ljós hefur komið að engu skiptir þó bæjarstjórnin sé ekki að störfum.
Jón Steinsson, hagfræðingur, sem reglulega leggur til hækkun skatta og árásir á hagkvæmt skipulag í sjávarútvegi er mættur á ný í íslenska umræðu. Jón býr í Bandaríkjunum og hefur gert um árabil þar sem frelsi í viðskiptum er mikið og einkaeign auðlinda sjálfgefin. Hann kýs að freista gæfunnar í frjálsu skipulagi sem hann telur oft að henti ekki Íslendingum.
Niðurgreiðir íslenska ríkið skyr fyrir New York búa?
Smáfuglarnir hafa velt fyrir sér útflutnigni Mjólkursamsölunnar á Skyr vörum til Ameríku. Nú er sögð frétt af því á vef Morgunblaðsins.
Smáfuglarnir rákust á áhugaverða frétt RÚV þar sem segir með feitletrun smáfuglanna: Alþjóðagjaldeyrissjóðurinn lagði til haustið 2009 við fjárlagagerð að Þjóðleikhúsinu, Þjóðminjasafninu og Listasafni íslands yrði lokað tímabundið í þrjú ár. Katrín Jakobsdóttir menntamálaráðherra greindi frá þessu á Alþingi fyrir helgi að sögn Fréttablaðsins.
Egill getur ekki svarað gagnrýni - ræðst því á smáfuglana
Egill Helgason virðist æfur yfir umfjöllun smáfuglanna og sakar þá um að vera „ómálefnalegir og meiðandi“. Vísar Egill þar til þess að smáfuglarnir fjölluðu um Kiljuþátt þar sem bók Sigrúnar Davíðsdóttur var til umfjöllunar og bentu á að hún væri fyrrum stjúpmóðir Egils. Egill segir um málið við Pre...
Mörður reynir að afvegaleiða umræðuna
Mörður Árnason endurtekur í bloggi sínu sömu spurningar og Bjarni Benediktsson hefur margsvarað, síðast í skeleggri grein í Morgunblaðinu. Auðvitað meinar Mörður ekkert með þessu. Hann er aðeins að reyna að afvegaleiða umræðuna. Það er tvennt sem hann vill ekki ræða, telja smáfuglarnir.