Landi framleiddur sem aldrei fyrr

Ófáar fréttir hafa verið síðustu daga af því að lögregla hafi „upprætt landabrugg“ hér og þar um landið. Svo margar eru fréttirnar orðnar að ekki er lengur hægt að telja þær á fingrum annarrar handar og er um allt land, til dæmis í Vogum, á Akureyri, á Selfossi og í Hafnafirði.

Sjónvarpið

Álfheiður Ingadóttir telur verðstefnu sína í áfengismálum góða. Landaframleiðsla og ólögleg viðskipti með áfengi hafa aldrei verið meiri.

Þessi tímasóun lögreglumanna við að elta uppi, rannsaka og eyða löglegum bruggtækjum kemur niður á löggæslu á sviðum þar sem raunveruleg afbrot eru framin. Ef tíu lögreglumenn eru að bera leiðslur og tunnur út úr iðnaðarhúsnæði þá eru tíu færri í því að gæta öryggis á mannfögnuðum eða í íbúðahverfum. Öryggi allra verður minna og enginn er betur settur því tíu bruggverksmiðjur spruttu upp rétt á meðan þessi eina var tekin í sundur.

Bruggstarfsemin er bein afleiðing af áfengisstefnu ríkisstjórnarinnar sem er svipuð þeirri stefnu sem viðhöfð var á haftaárunum hinum fyrri. Nú er nálgunin sú að hækka verð á áfengi sem orðið er svo dýrt að margir hafa ekki efni á því og þar tekur svarti markaðurinn við. Landasalar eru farnir að sjást aftur á skólalóðum en þeir voru að mati margra nöturlegt einkenni fortíðar.

Smáfuglarnir velta fyrir sér hvort ekki sé kominn tími til þess að lemja í borðið og krefjast þess að skattar og tollar á áfengi verði lækkaðir svo uppræta megi raunverulega landasölu og ólöglega bruggstarfsemi.