WikiLeaks, Birgitta, Kristinn Hrafnsson og RÚV
Smáfuglarnir koma víða við og hvísla um flest það sem mannlegt er. Þeir eiga erfitt með að þegja um það sem þeim er sagt enda gagnrýnir áhorfendur.
- Pressan gleymir Þorgerði fyrir hrun
- Leigupennar þegja um starfslokasamning Jóhannesar
- Hver greiðir fyrir monthús Jóhannesar í Bónus?
- Ætlar enginn að segja Svavari frá þjóðaratkvæðagreiðslunni?
- Már Guðmundsson verst kommúnistastimplinum
- Listi yfir fyrirtæki á valdi hins opinbera
- Óli Björn sterkur á Alþingi
- Össur: Framsókn í „pólitísku göturæsi“
- Kaldal með nýtt fríblað - hvað segir Arion-banki?
- Er Jón Baldvin að hóta því að fara aftur í prófkjör? Aftur í 13. sæti?
- Arion banki afsakar Gaums samning
- Hver gerir kyrrstöðusamning við eigna- og rekstrarlaust félag?
- Umb. skuldara: Njóta Baugsfeðgar sérkjara?
- Fréttablaðinu enn haldið uppi af Högum
- ESB-RÚV samt við sig
- Athugasemd frá Finni Sveinbjörnssyni
- Egill: skil ekki sérmeðferð Baugsfeðga
- Einsflokksríki í anda Kastrós og Chavezar
- Gamlir kratar þurrkaðir út og konur verða undir
- Böndin komin á Ögmund en mávarnir eru eftir
- Sr. Þórir deilir við unga bændur um orð frú Merkel - bændur hafa betur
- Úttekt Mbl sýnir að erlendir aðilar ráða í raun yfir auðlindum
- Stjórnin er ekki á vetur setjandi
- Allaballar rísa upp frá dauðum
- 2/3 landsmanna vilja ekki Þorgerði Katrínu
- Finnur Árnason áfram fulltrúi Baugsfeðga í Högum
- Fbl: 75% telja rétt að reka Jóhannes
- Brún slóð ójafnréttis Samfylkingarinnar
- „Ég á þetta; ég má þetta“
- "Staðföst skoðun stjórnenda og starfsfólks að framangreindum markmiðum verði ekki náð án Jóhannesar"
Smáfuglarnir heyrðu Birgittu Jónsdóttur, þingmann Hreyfingarinnar, segja einhvers staðar, að hún hefði svo mikið að gera, að hún hefði ekki haft tíma til að skipta sér af skjalabirtingunni á WikiLeaks. Þar hafa nú verið birtar 90.000 blaðsíður af leyniskjölum um stríðið í Afganistan.
Smáfuglunum þótti merkilegt að heyra þetta frá Birgittu, og þó ekki - hún gerir sér líklega grein fyrir, að þessi birting geti dregið dilk á eftir sér og vill þess vegna ekki láta nafn sitt tengjast málinu. Hún hefur hins vegar barist fyrir því, að Ísland verði einskonar griðastaður fyrir WikiLeaks og lagt fram tillögu um það á Alþingi, sem tengir þing og þjóð þessari upplýsingaveitu, sem gengst upp í því að skaprauna yfirvöldum með illa fengnum upplýsingum.
Fyrr á árinu tengdist Ríkisútvarpið WikiLeaks vegna ferðar Kristins Hrafnssonar, fréttamanns, til Bagdad. Af því tilefni ritaði Eiður Guðnason á vefsíðu sína Molar um málfar og miðla:
„Við höfum fengið þrjú mismunandi svör við spurningunni um hver greiddi kostnaðinn við ferð Kristins Hrafnssonar fréttamanns til Bagdad í Írak, fyrr á þessu ári.
1. Birgitta Jónsdóttir,alþingismaður, segir að Wikileaks hafi greitt kostnaðinn við ferðina. Ríkisútvarpið hafi ekki þurft að borga neitt. Þetta sagði hún á Bylgjunni 11. apríl.
2. Kristinn Hrafnsson, fréttamaður, sagði í athugasemd við Mola um málfar og miðla 309, að Wikileaks hefði greitt 2/3 kostnaðarins og Ríkisútvarpið 1/3.
3. Í svari við fyrirspurn frá pressan.is sagði Páll Magnússon, útvarpsstjóri: “Kostnaður RÚV vegna ferðarinnar, sem skiptist milli Fréttastofu og Kastljóss, er áætlaður 400-500 þús.kr.
Aðkoma RÚV var ekki önnur en að fréttamaður hjá okkur tók þátt í að vinna efnið til birtingar.“"
Furðulegt er, að í hlut eigi miðill, sem þjónar því hlutverki að upplýsa um laumuspil annarra, og ekki sé unnt að fá upplýst á óyggjandi hátt, hver séu tengsl hans og RÚV.
Pressan gleymir Þorgerði fyrir hrun
Pressan gerði fyrir stuttu, undir fomerkjum „Kaffistofunnar“, tilraun til þess að styðja við endurkomu Þorgerðar Katrínar á þing fyrir Sjálfstæðisflokkinn en skoðanakannanir hafa sýnt mikla andstöðu við endurkomuna og er um það rætt meðal sjálfstæðismanna að Þorgerður verði að sækja nýtt umboð í prófkjöri og svo kosningum áður en hún tekur sæti á þingi.
Leigupennar þegja um starfslokasamning Jóhannesar
Tveir leigupennar hafa að undanförnu skrifað varnargreinar fyrir Baugsfeðga og þá sem voru þeim næstir árin fyrir hrun. Þeir hafa að öllu jöfnu skrifað um sömu hlutina með stuttu mililbili og eru því samstíga í því að skrifa fyrir kaupinu sínu. Upplýst hefur verið um háar greiðslur til þeirra.
Hver greiðir fyrir monthús Jóhannesar í Bónus?
Jóhannes í Bónus reisti sér monthús á Svalbarðsströnd við Eyjafjörð. Nú kemur í ljós, að hann átti ekki fyrir því og lét Gaum greiða það fyrir sig. Höllin er nú í kyrrstöðu vegna samnings Arion banka og Gaums.
Ætlar enginn að segja Svavari frá þjóðaratkvæðagreiðslunni?
Svavar Gestsson er þess heiðurs aðnjótandi að hafa ásamt heimspekilærðum aðstoðarmanni sínum gert versta samning Íslandssögunnar sem í daglegu tali er nefndur Icesave samningurinn.
Már Guðmundsson verst kommúnistastimplinum
Viðskiptablaðið birti í síðustu viku mola um myndband af kommúnistahugsjón Más Guðmundssonar seðlabankastjóra en í Viðskiptablaðinu sagði: Myndband af Má Guðmundssyni seðlabankastjóra þar sem hann er kallaður kommúnistinn í Seðlabankanum gengur á milli manna á YouTube. Þar er farið yfir sögu Más allt frá því hann var róttæklingur á yngri árum.
Listi yfir fyrirtæki á valdi hins opinbera
Smáfuglarnir velta fyrir sér hvort norræn velferð felist í baktjaldamakki og leynibrögðum með eignir sem hið opinbera hefur leyst til sín af frjálsum markaði. Í það minnsta er sú aðferð notuð er hjá þeirri vinstristjórn sem nú situr og kennir sig við áðurnefnda velferð.
Smáfuglarnir sjá að svo virðist sem Sjálfstæðisflokkurinn sé ekki dauður úr öllum æðum. Óli Björn Kárason hóf í morgun umræðu á Alþingi um fjárfestingar Framtakssjóðs Íslands og þá staðreynd að reglur voru þverbrotnar þegar Landsbankinn, ríkisbanki, seldi eignarhaldsfélagið Vestia til Framtakssjóðs Íslands.
Össur: Framsókn í „pólitísku göturæsi“
Þingmenn undruðust í umræðum um frumvarp um breytingar á stjórnarráðinu á Alþingi í gær, hve illa Össur Skarphéðinsson brást við ræðu Vigdísar Hauksdóttur, þingmanns Framsóknarflokksins. Vigdís taldi Jóhönnu Sigurðardóttur og ríkisstjórnina halda illa á málinu og á skjön við allt, sem eðlilegt væri miðað við uppleggið um meðferð á skýrslu rannsóknarnefndar Alþingis.