Steingrímur J. þreyttur á eigin kjaftæði?
Smáfuglarnir koma víða við og hvísla um flest það sem mannlegt er. Þeir eiga erfitt með að þegja um það sem þeim er sagt enda gagnrýnir áhorfendur.
- Útflutt skyr ekki ríkisstyrkt
- Nýr sími fréttastofu RÚV
- Kópavogsbúar anda léttar - bæjarstjórn frá í þrjár vikur
- Nýr Jón Steinsson
- Niðurgreiðir íslenska ríkið skyr fyrir New York búa?
- Leikhús eða sjúkrahús
- Egill getur ekki svarað gagnrýni - ræðst því á smáfuglana
- Mörður reynir að afvegaleiða umræðuna
- ESB fáni á landsliðsbúninga
- Ögmundur slær út bankamennina
- Bók stjúpu Egils slátrað
- Enn eitt dæmið um hlutdrægni RÚV
- Sigrún Davíðsdóttir uppvís að ósannindum?
- Postularnir tólf hjá Agli
- Sjálfsréttlæting útvarpsstjóra
- Þögn Egils um Evu Joly
- Frasabók Hrannars B.
- Nýr Bjarni Ben
- Atvinnuþátttaka aldrei minni
- Jóhanna hrædd við kosningar
- Andrés gugnaði
- Páll Magnússon hræðist Björgu Evu - sendir henni bænaskjal
- Sjá sjálfstæðismenn ekki baráttutæknina?
- Sér Páll útvarpsstjóri ekkert athugavert við þetta?
- Niðurlægður Steingrímur í Brussel
- Illa staðið að undirskriftasöfnun Ólafs Ragnars
- RÚV báknið stækkar - nú íþróttarás
- Skattlausir á opinberu framfæri
- Stephensen birtir hvað sem er
- Hvenær skila prófessorar skýrslum yfir 2011?
Smáfuglarnir taka eftir því, að Steingrímur J. er sífellt að barma sér. Hann spurði erlenda blaðamenn, hvort þeir vissu um einhvern, sem vildi taka við starfinu af sér. Þetta sagði hann til að benda þeim á, hve ofurmannleg raun væri að gegna fjármálaráðherraembættinu. Þeir, sem vilja tala sig í mjúkinn hjá Steingrími J. gera það best með því að tala um, hvað hann leggi ofboðslega hart að sér. Kolbrún Halldórsdóttir, forseti Bandalags íslenskra listamanna, tók eina slíka syrpu í úvarpsviðtali á dögunum og sagði Steingrím J. að puða í 18 tíma á sólarhring.
Smáfuglarnir velta því fyrir sér, hvort ekki væri betra að Steingrímur J. færi sér hægar og vandaði sig meira. Hann hefði til dæmis ekki farið af stað með Icesave í þinginu, án þess að tryggja sér fyrst stuðning samflokksmanna við málið.
12. mars segist Steingrímur J. á fundi um atvinnumál vera orðinn þreyttur á því kjaftæði, að ríkisstjórnin sé ekkert að gera, Smáfuglarnir telja, að enginn hafi kjaftað meira um það en Steingrímur J., að ríkisstjórnin gæti ekkert gert, af því að Icesave væri ekki að baki. Hve oft hefur Steingrímur J. sagt síðan 5. júní 2009, að nú verði að ljúka Icesave fyrir næstu helgi eða um helgina? Ríkisstjórnin geti ekkert gert nema Icesave-kjaftæðinu ljúki. Því er ekki lokið enn og ríkisstjórnin sér enga leið til að ljúka því.
Smáfuglarnir vona, að Steingrímur J. sé að vísa til eigin kjaftæðis, þegar hann segist vera orðinn þreyttur. Smáfuglunum finnst sjálfsagt, að Steingrímur J. hætti að kjafta, hætti að barma sér í sífellu og hætti sem ráðherra.
Smáfuglunum barst eftirfarandi leiðrétting frá Landssambandi kúabænda og birta hana hér í heilu lagi: Á Íslandi er kvótakerfi í mjólkurframleiðslu, líkt og í Noregi, aðildarríkjum ESB, Kanada og Japan, svo dæmi séu tekin. Á liðnu ári var kvótinn hér á landi 116 milljónir lítra mjólkur og er opinber stuðningur greiddur út á það magn, sem miðast við sölu á innanlandsmarkaði.
Smáfuglunum barst áríðandi tilkynning frá fréttastofu RÚV um nýtt símanúmer fréttastjórnar. Í tilkynningu er breytingin sögð stytta boðleiðir og einfalda efnislega ritstjórn. Nýtt símanúmer er 414-2200.
Kópavogsbúar anda léttar - bæjarstjórn frá í þrjár vikur
Smáfuglarnir sjá að það er satt sem sagt er; það er gott að búa í Kópavogi. Kópavogsbúar hafa verið svo heppnir síðustu þrjár vikurnar að meirihluti bæjarstjórnar sprakk og hefur ekki náð saman um nýjan meirihluta. Í ljós hefur komið að engu skiptir þó bæjarstjórnin sé ekki að störfum.
Jón Steinsson, hagfræðingur, sem reglulega leggur til hækkun skatta og árásir á hagkvæmt skipulag í sjávarútvegi er mættur á ný í íslenska umræðu. Jón býr í Bandaríkjunum og hefur gert um árabil þar sem frelsi í viðskiptum er mikið og einkaeign auðlinda sjálfgefin. Hann kýs að freista gæfunnar í frjálsu skipulagi sem hann telur oft að henti ekki Íslendingum.
Niðurgreiðir íslenska ríkið skyr fyrir New York búa?
Smáfuglarnir hafa velt fyrir sér útflutnigni Mjólkursamsölunnar á Skyr vörum til Ameríku. Nú er sögð frétt af því á vef Morgunblaðsins.
Smáfuglarnir rákust á áhugaverða frétt RÚV þar sem segir með feitletrun smáfuglanna: Alþjóðagjaldeyrissjóðurinn lagði til haustið 2009 við fjárlagagerð að Þjóðleikhúsinu, Þjóðminjasafninu og Listasafni íslands yrði lokað tímabundið í þrjú ár. Katrín Jakobsdóttir menntamálaráðherra greindi frá þessu á Alþingi fyrir helgi að sögn Fréttablaðsins.
Egill getur ekki svarað gagnrýni - ræðst því á smáfuglana
Egill Helgason virðist æfur yfir umfjöllun smáfuglanna og sakar þá um að vera „ómálefnalegir og meiðandi“. Vísar Egill þar til þess að smáfuglarnir fjölluðu um Kiljuþátt þar sem bók Sigrúnar Davíðsdóttur var til umfjöllunar og bentu á að hún væri fyrrum stjúpmóðir Egils. Egill segir um málið við Pre...
Mörður reynir að afvegaleiða umræðuna
Mörður Árnason endurtekur í bloggi sínu sömu spurningar og Bjarni Benediktsson hefur margsvarað, síðast í skeleggri grein í Morgunblaðinu. Auðvitað meinar Mörður ekkert með þessu. Hann er aðeins að reyna að afvegaleiða umræðuna. Það er tvennt sem hann vill ekki ræða, telja smáfuglarnir.