Heimilin eru ekki afgangsstærð – samstöðufundur á Austurvelli

Fleiri fréttir af efnahagsmálum ›

Nýjustu fréttir af efnahagsmálum

Meira fuglahvísl

Hagsmunasamtök heimilanna boða til mótmælafundar á Austurvelli á laugardaginn. Myndin er frá mótmælum á vellinum í fyrrahaust.

Vegna augljósrar tregðu stjórnvalda til að bregðast af alvöru við forsendubresti lánasamninga hafa Hagsmunasamtök heimilanna boðað nýtt greiðsluverkfall frá 15.nóv.-10.des. Í tilefni af því halda samtökin ásamt Nýja Íslandi útifund á Austurvelli laugardaginn 28.nóv. kl. 15. Allir eru velkomnir til að sýna samstöðu í verki, segir í tilkynningu Hagsmunasamtaka heimilanna.

Þar segir enn fremur:

Hugrekki heimilanna

Það þarf hugrekki til að taka þátt í greiðsluverkfalli. Þátttaka í greiðsluverkfallinu telur um 30 þúsund heimili samkvæmt okkar bestu vitneskju (24% þátttaka samkvæmt óformlegri könnun Bylgjunnar). Á þessum heimilum áætlum við að búi yfir 75 þúsund manns, þ.a. um 50 þúsund fjárráða einstaklingar. Þetta er langt yfir upphaflegar væntingar en í samræmi við þær kannanir sem gerðar hafa verið.

Kjarabarátta 21. aldarinnar snýst um lánakjör, í henni er greiðsluverkfallið vopn fólksins rétt eins og vinnuverkföllin eru vopn verkalýðsbaráttunnar. Til þess að knýja á um breytingar þarf að myndast öflugur þrýstingur og hann verður einungis til með samstöðu fólksins.

Kröfur Hagsmunasamtaka heimilanna eru skýrar og framkvæmanlegar;

1. Engar afskriftir – eingöngu réttlátar leiðréttingar

2. Lán sem hvíla á íbúðarhúsnæði með viðmiðun við gengi erlendra gjaldmiðla verði leiðrétt og yfirfærð í íslenskar krónur frá lántökudegi á gengi þess tíma.

3. Verðtryggð húsnæðislán leiðréttist þannig að verðbætur verði að hámarki 4% á ári frá 1.1.’08.

4. Lög um að ekki verði gengið lengra í innheimtu veðlána en að leysa til sín veðsetta eign.

5. Lög um að við uppgjör skuldar fyrnist eftirstöðvar innan 5 ára og verði ekki endurvakin.

6. Gerð verði tímasett áætlun um AFNÁM VERÐTRYGGINGAR lána hið fyrsta og vaxtaokur verði aflagt.

Heimilin í landinu eru engin afgangsstærð. Þau eru undirstaða þjóðfélagsins og vissulega þess virði að berjast fyrir. Kerfið breytist ekki af sjálfu sér. Þess vegna vilja Hagsmunasamtökheimilanna hvetja alla til að mæta á Austurvöll kl. 15 á laugardaginn og krefjast réttlætis og sanngirni í lánakjörum.„

Fleiri fréttir

Leifsstöð verður eftirlitsvettvangur Seðlabanka Íslands - leitað að evrum

Sífellt harðari gjaldeyrisreglur færast nær hverjum einstaklingi á Íslandi. Yfirvöldin óttast svo að einhverjum takist að plata þau með því að ná í of mikinn gjaldeyri vegna utanferða að þau nýta sér Leifsstöð til þess að yfirheyra fólk og leita að evrum eða dollurum í töskum þess og fatnaði.

Sjálfstæðisflokkurinn í mikilli uppsveiflu

Sjálfstæðisflokkurinn er í mikilli uppsveiflu samkvæmt könnun sem Frjáls verslun gerði fyrir vefsvæðið heimur.is dagana 5.-10. febrúar. Vinstri grænir styrkja einnig stöðu sína. Samfylkingin er hins vegar í vanda þar sem fylgið minnkar verulega frá því í kosningum síðasta voru. Samkvæmt könnun Frjá...

Gylfi: Meðal verkefna að finna út hvort rangar upplýsingar voru gefnar

Eitt af þeim verkefnum sem liggja fyrir er að komast til botns í því hvort erlendar eftirlitsstofnanir fengu rangar eða misvísandi upplýsingar frá bönkunum, innlendum eftirlitsaðilum eða öðrum embættismönnum mánuðina fyrir hrunið. Það er von okkar að skýrsla Rannsóknarnefndar Alþingis muni leiða þetta í ljós, segir Gylfi Magnússon efnahags- og viðskiptaráðherra.

Héraðsdómur felldi niður 130 milljóna sekt af Icelandair

Héraðsdómur Reykjavíkur felldi niður 130 milljón króna stjórnvaldssekt á hendur Icelandair en Samkeppniseftirlitið hafði áður úrskurðað að félagið skyldi greiða sektina fyrir brot á samkeppnislögum. Upplýsingafulltrúi Icelandair segir dóminn fagnaðarefni.

Játar innbrot og þjófnað úr fjölda bíla á Selfossi

Um kl., fjögur í nótt handtók lögreglan ungan mann þar sem hann var að fara í ólæsta bíla í Tjarnarhverfi á Selfossi. Maðurinn hefur verið yfirheyrður og hann játað innbrot og þjófnað úr fjölda bíla á Selfossi undanfarna mánuði eða allt frá því nóvemer síðastliðinn.

Eyjar: Hávaði í heimahúsum og ein líkamsárás

Það var frekar rólegt hjá lögreglunni í Vestmannaeyjum í liðinni viku og engin alvarleg mál sem komu á borð lögreglu. Eitthvað var um kvartanir vegna hávaða í heimahúsum og ein líkamsárás var tilkynnt til lögreglunnar.

„Markmið strandveiðanna hafa á engan hátt gengið eftir“

Eftir því sem dýpra er kafað ofan í gögnin sem fyrir liggja um um strandveiðarnar síðasta sumar kemur betur og betur í ljós að markmiðin með þessum veiðum hafa á engan hátt gengið eftir, segir Einar Valur Kristjánsson, framkvæmdastjóri Hraðfrystihússins - Gunnvarar hf. á Ísafirði.

Forstjóraskipti hjá Auðhumlu

Nú um mánaðamótin urðu forstjórarskipti hjá Auðhumlu, samvinnufélagi 700 mjólkurbænda, sem á stærstan hlut í Mjólkursamsölunni. Magnús Ólafsson, forstjóri lét þá af störfum eftir áratuga farsælan feril í íslenskum mjólkuriðnaði. Við starfinu tekur Einar Sigurðsson, sem eftir þessa breytingu verður forstjóri bæði Auðhumlu og Mjólkursamsölunnar.

Heimilin eru ekki afgangsstærð – samstöðufundur á Austurvelli

Sending tókst

Hugrekki heimilanna